鋁鍋日本廚具 使用不當會產生毒素！KKwong解答6大疑問 ｜飲食熱話

鋁鍋平價廚具 使用前要小心！K Kwong曾出帖呼籲網民要留意

香港大學化學系博士K Kwong（鄺士山博士）不時在其Facebook分享化學小知識，之前就曾發帖「3分鐘化學：小心啲用平價雪平鍋」，呼籲大家小心日本流行的雪平鍋，雖然平到爛，大約100円一個，看似平靚正，其實製造物料就是鋁 （aluminum / aluminium）。」留意除了雪平鍋外，大部份平價廚具都用上平價不銹鋼或是鋁製的！

鋁鍋煮辛辣麵或致腦部傷害

K Kwong解釋其實以這些平價廚具煲水、煮烏冬、煲奶等，都沒有大問題，但不可煮酸辣食物，如韓國部隊鍋、辛辣麵、泡菜食物等。皆因平價不銹鋼在酸性環境下，如遇上茄汁、咖喱、醋等，就會釋出有毒的金屬離子 (如鉻(III)離子 Cr3+)。而鋁製雪平鍋更會釋出鋁離子(Al3+)，K Kwong：「就更加大鑊！」皆因會傷害腦部甚至引起「阿滋海默症」 (Alzheimer’s disease)。他明言：「你用平價雪平鍋去煮韓國辛辣麵或者泡菜嘢分分鐘落咗好多鋁離子係D湯度 ！ 」

罐裝可樂有無問題？

大家可能會問「可樂罐夠有鋁啦，點解唔怕可樂嘅酸溶咗呢？」 ，K Kwong立即向大家派定心丸，雖然鋁罐「係怕可樂嘅」，但可樂罐內壁有一層膠膜，可防止可樂和鋁罐產生反應」。其實不止可樂，帶酸性的番茄湯、羅宋湯罐內都有一層膠膜防止酸性物質與金屬罐產生反應，大家可以放心食用。

網民Q&A K Kwong解答網民6大迷思

K Kwong的帖文立即引起大家的關注，紛紛留言發問，以下問題大家可能都有興趣想知：

1. 煮辛辣麵多久才會釋出有毒物質？
   K Kwong：「立即」，所以真的不心存僥倖，試都不要試了！
2. 怎麼樣的雪平鍋才合規格，是否日本製的就沒事呢？
   K Kwong坦言價錢先決：「平一定唔掂」
3. 網民上載了一套韓式廚具的相片，發問：「咁韓國人專用來食辛辣麵嘅呢種鍋係咪好出事？」
   K Kwong就相片所見回應：「似係鋁」
4. 去camping d 煮食工具呢？
   K Kwong：還是不宜煮酸性食物。
5. 請問用來高溫炸野，會唔會釋出有毒物質？
   K Kwong博士派定心丸：「不會」
6. 市面經過高溫殺毒的鋁袋即食糖水或湯包，加熱後會否釋放毒素？
   K Kwong：「有膠膜内層嘅鋁袋，安全」