酒樓食生日飯 職員餸倒壽星身上零道歉！侍應回應勁離譜 食客嬲到拉隊即走

酒樓食$1,488生日飯職員錯漏百出

不少人都喜歡到酒樓叫一席或半席自選套餐當生日飯，一名網民日前就和親友去了葵涌和宜合道天天宴會廳，點了$1,488的半席自選套餐和親友慶祝生日，但吃到一肚氣，貼文開首即指酒樓「食物質素差，員工服務又差」。樓主指吃生日飯當日職員一開始已經出錯，「攞錯同埋開錯啤酒」，向侍應投訴，卻得到「阿姐落order，要問大家姐」這類不負責任的回應，已經令眾人不滿，事後更發生一意外，令他們「拉隊走人」。

職員餸倒壽星身上零道歉！食客嬲到拉隊即走

樓主指，眾人進食期間，侍應竟「成碟餸倒落壽星度」，更離譜的是酒樓沒有提供毛巾給壽星抹，更「道歉都冇聲」，只顧叫其他職員掃地清潔，壽星當下「嬲到唔食，即時走人」，令當下氣氛非常尷尬。樓主又補充更離譜事件，就是發現雞絲翅內有昆蟲死屍，樓主即時向職員投訴，沒想到職員只冷淡回應「哦，死咗㗎啦」，樓主對於職員回應感驚訝，不禁直呼「我都知隻嘢死咗，但問題係碗嘢有隻蟲啊嘛！」。眾人最後「直接拉隊走人，去食茶餐廳」，怒轟酒樓有問題，「好好地一餐生日飯，竟然會搞到不歡而散」。

網民好奇有無埋單！慨歎香港服務質素每況愈下

樓主的經歷的確令人感到氣憤，有網民指出職員「擺明係玩嘢趕客 , 可能老細冇錢出糧俾伙記」，直斥酒樓「店大欺客」、「剩係得失你一群客仔啫，仲有千千萬萬的水魚未落疊」、「香港飲食業仲有乜服務可言？除非五星級酒店」；有網民則好奇樓主「拉隊走人？使唔使俾錢？」，好奇指出「酒樓錯漏百出，再整隻小強仔，係咪拍拍攞友走得？」；不過也有網民覺得是「吹水post」：「又唔報食環，又唔Call白車，淨係9噏」、「幾多人又冇講、邊碟餸淋到壽星仔/女又冇講，出post又切頭切尾冇point，又一篇垃圾9噏」。大家又覺得事件中誰對誰錯？

資料來源：飲食黑店大全 (全港食店質素關注組)