茶餐廳繁忙時間限時用餐得45分鐘！網民怒斥：係咪一坐低就上菜？

茶餐廳設45分鐘限時用餐焫著食客

這名港人於Facebook「香港茶餐廳及美食關注組」群組內投訴指香港其中一間連鎖茶餐廳規定了45的用餐時間，狠批「金記而家乜玩法呀？繁忙時間得45分鐘，搵你媽媽食啦」。

掀起網民激辯

此帖隨即引來眾人討論，限時用餐向來都是爭議性話題，平時餐廳一般限時60分鐘，而該餐廳更縮短15分鐘，不少人都反映指要食客在這麼短的時間用餐實在有點強人所難，而且若是餐廳慢了出餐，食客可用餐時間會再縮短，「餐廳岀餐時間限十分鐘內上齊得唔得？唔得係咪減錢？」、「碟飯半個鐘先到，你咪要15分鐘內呑哂佢？夠鐘又食唔哂係咪楂住碟企响度食？」。

大部分網民都大鬧餐廳此舉欠合理，「香港而家就係咁，收到6-70蚊個lunch仲要限你45分鐘，而家咁多番曬大陸北上消費真係唔怪得人」、「係我就即刻起身走人啦，食餐飯要被人趕？我無錢畀？CLS」。

不過另有少部分網民就表示支持，認為45分鐘便足夠吃完一頓飯：「45分鐘幾好喎，唔洗排咁耐，去食吓先」、「茶餐廳差唔多啦，又唔係酒樓45分鐘應該乜都食晒啦」。

網民5字突破盲點：主要係難食！

有心水清客人就留下精警5字點評：「主要係難食！」，指出茶餐廳食物味道普通之餘，又要限時內用餐，實在沒有必要再去幫襯，引來不少人認同。