茶餐廳粉麵餐轉出前一丁加$7食客嫌貴 網民拆解背後隱藏信息

茶餐廳粉麵餐轉出前一丁加$7、食客：係咪我見識少

茶餐廳的粉麵餐一般都是提供米粉、通粉或麵，要改出前一丁就要加錢，通常都是加$4、$5，但日前網民就在某茶餐廳menu上發現，改出前一丁竟然要加$7，即是最普通的一碗火腿煎蛋出前一丁加熱飲，就要盛惠$43，的確是有點貴，難怪樓主都質疑「係咪我見識少」，也引來不少網民熱議。

網民指貴但正常：明碼實價無問題

樓主的分享吸引大批網民留言討論，有網民指這個價錢的確是偏貴：「可能我見識少，多數都係加4至5蚊到」、「一丁面好平咋，如果成箱買一包平均$1蚊都唔使！」；不過有網民就認為，餐廳明碼實價寫清楚，其實沒有什麼問題：「又冇逼你叫」、「有冇人搵枝槍逼你轉？」、「人哋擺明車馬冇呃你，悉隨專便，唔食罷就」，指樓主嫌貴可以轉場；也有網民指，香港外食越來越貴，不如在家裡吃：「出街食係咁，只會愈來愈貴」、更有網民更笑言：「不是見識少，是銀紙少」。

拆解背後隱藏信息：唔好麻煩水吧大佬

不過也有網民指出，茶餐廳定此價錢其實有背後隱藏信息，就是根本不想食客轉出前一丁：「餐廳唔想煩咪標高啲個價」、「加$7得一個原因：唔想煮一丁」。有網民分析指：「舊陣時做火位煮一丁真係逐個落煲煮」、「煮一碗出前一丁嘅時間，夠整幾碗通粉幾碗米線幾碗公仔麵」、「所有餐食材準備了，本來2分鐘出餐，又要改丁麵，要多2分鐘，時間等同金錢，改，就要時間」，因為工序及時間多了，所以就要加錢，有網民更一矢中的，直言背後隱藏信息就是叫你「唔好麻煩水吧大佬」，大家又覺得加$7是否太貴？

資料來源：Facebook@香港茶餐廳及美食關注組