港男大呻茶餐廳公仔麵只得兩粒五香肉丁老闆娘出手咁樣解決勁核突

Mar 27 2023

茶餐廳美食快靚正，不少人都會選擇返工前到茶記嘆個醒神早晨，但如果白白受氣就真係唔妨唔醒神啦！近日有港男在茶記吃早餐時遇到激心事，在Facebook群組上發帖，大呻在茶記柯打肉丁餐蛋麵，肉丁竟然得2粒，覺得份量太少，誰不知老闆娘聞言立即出手解決，激到事主立即退餐！網民都覺得老闆娘處理手法有問題：「仲點食得落」。

港男大呻公仔麵得2粒肉丁老闆娘：「下次唔好食吖嘛！」

事主晨早流流在茶記吃個早晨，俾錢白受氣，忍不住在Facebook群組「香港茶餐廳及美食關注組」發帖，抒述事發經過：「人生第一次肉丁餐蛋麵肉丁得兩粒」亦在留言中提到自己一開始並沒有向餐廳投訴，只是向太太笑著說：「兩粒肉丁」，想不到老闆娘聞言立即出手：「事頭婆仲夠薑走埋嚟用枝叉了開嗰兩粒肉丁，話有3粒喎，唔只兩粒，仲話下次唔好食吖嘛」老闆娘的回應立即辣㷫事主，決定立即退餐：「最後我無食過退咗佢，事頭婆仲hi口hi面好似好型咁(好啊!)其實我只係覺得肉丁得兩粒係少咗啲啫」。事主覺得兩粒肉丁太少，最氣忿是老闆娘忽然用叉撩麵數肉丁，事主接受不了自己的麵被無端撩過，才決定退餐。

帖文還上載了肉丁餐蛋麵的相片，只見一塊大餐肉旁只得零丁的肉丁；另一張相片亦看到老闆娘動手撩麵；另外亦有menu相，事主柯打的早餐盛惠＄37，五香肉丁配餐肉煎蛋麵，連牛油方包，奉送一杯熱飲。

茶餐廳公仔麵事主覺得2粒肉丁太少，老闆娘回應態度惡劣。 — 事主覺得2粒肉丁太少，老闆娘回應態度惡劣。（圖片來源：Facebook@香港茶餐廳及美食關注組）

茶餐廳公仔麵確是得零丁肉丁。 — 確是得零丁肉丁。（圖片來源：Facebook@香港茶餐廳及美食關注組）

茶餐廳公仔麵老闆娘忽然用叉撩麵數肉丁，說有3粒，不止2粒。 — 老闆娘忽然用叉撩麵數肉丁，說有3粒，不止2粒。（圖片來源：Facebook@香港茶餐廳及美食關注組）

茶餐廳公仔麵事主柯打的早餐盛惠＄37，五香肉丁配餐肉煎蛋麵，連牛油方包，奉送一杯熱飲。 — 事主柯打的早餐盛惠＄37，五香肉丁配餐肉煎蛋麵，連牛油方包，奉送一杯熱飲。（圖片來源：Facebook@香港茶餐廳及美食關注組）

網民：「撩完碗麵，點食得落？」

帖文引來大批網民關注，不少人覺得老闆娘手法有問題，非常無禮貌：「咁寸嘅」、「走嚟撩人個餐真心無禮貌」、「唔系下次，系以後唔好幫襯。咁寸」、「好x侮辱，格衰！」。正常人被撩麵也無法忍受：「支持樓主，比老闆娘撩完自己碗麵，都谷9氣啦，點食得落？」老闆娘的態度簡直是趕客：「咁大支野，冇下次啦，一街茶仔驚冇得食，咁態度簡直趕客」做法不夠大方，不懂做生意：「係就係廚房整好晒先拎出嚟啦，DL，咁樣係個客面前了翻兩粒出嚟，好乞兒囉，都唔識做生意」。但亦有人覺得事主不應退餐，浪費食物：「覺得份量少可以叫佢加，唔係退餐原因，食多食少一餐半餐無需太計較，最多無下次。」、「退左嘅餐係直接浪費左地球資源，因為相信店家都唔會自己食返，亦冇可能出俾人」但亦有人撐事主：「你會接受俾人撩完碗麵，肯再食嗎？」

茶餐廳公仔麵不少網民覺得老闆娘態度惡劣。 — 不少網民覺得老闆娘態度惡劣。（圖片來源：電影《功夫》劇照）

茶餐廳公仔麵網民覺得老闆娘太「寸」。 — 網民覺得老闆娘太「寸」。（圖片來源：Facebook@香港茶餐廳及美食關注組）

茶餐廳公仔麵被人用叉撩麵，自然谷氣。 — 被人用叉撩麵，自然谷氣。（圖片來源：Facebook@香港茶餐廳及美食關注組）

茶餐廳公仔麵態度不好，不再幫襯。 — 態度不好，不再幫襯。（圖片來源：Facebook@香港茶餐廳及美食關注組）

部份網民撐餐廳：＄37你仲想點？

留言相當兩極，亦有不少人撐餐廳，覺得$37非常抵食，肉丁份量少也是情有可原：「公道d講，其實37蚊，有熱飲，有完整一塊餐肉，有餐包有蛋，當係2粒肉丁都絕對唔過分 *肉丁同回鍋肉來貨價本身都貴。」又讚餐肉份量算多：「話時話呢個價錢呀唔餐肉平時得半塊咁佢都畀一塊你算係咁」而且肉丁成本貴，份量少實屬正常：「全部細罐，而且好多係碎，價錢有時比超市仲貴」、「其實肉丁加左價，好多間都係咁上下，有D呢個份量仲要加錢轉~」甚至覺得事主不滿意就不要吃，無謂諸多投訴：「講真$37又餐肉又肉丁又有包又有嘢飲，扣埋燈油火蠟人工鋪租，佢都唔係賺得多，嫌咪唔好食囉」面樓主亦回應反撃，他最後確是決定不吃：「所以我咪無食囉你無睇哂內文？有人忽然走嚟用枝叉了你碗麵你接受到？」

茶餐廳公仔麵不少網民覺得茶記早餐只收＄37，非常抵食，肉丁少點也能接受。 — 不少網民覺得茶記早餐只收＄37，非常抵食，肉丁少點也能接受。（圖片來源：電影《阿媽有咗第二個》劇照）

茶餐廳公仔麵肉丁已加價，份量少實熟正常。 — 肉丁已加價，份量少實屬正常。（圖片來源：Facebook@香港茶餐廳及美食關注組）

茶餐廳公仔麵網民覺得相片餐肉份量已算多。 — 網民覺得相片餐肉份量已算多。（圖片來源：Facebook@香港茶餐廳及美食關注組）

茶餐廳公仔麵師兄此話似乎有點曲。 — 師兄此話似乎有點曲。（圖片來源：Facebook@香港茶餐廳及美食關注組）

茶餐廳公仔麵網民在爭議，唇槍舌劍。 — 網民在爭議，唇槍舌劍。（圖片來源：Facebook@香港茶餐廳及美食關注組）

網民：2粒都叫正常？正死蠢。

網民熱烈討論，唇槍舌劍，譏諷道：「竟然有人話兩粒肉丁係正常…遲下可能得一粒」認為覺得2粒都無問題的人是奴性太重：「好似成班奴隸幫奸商講說話咁」、「下次叫煎蛋比蛋碎都有人話正常，正死蠢。」並不同意成本貴，份量便要少，紛紛分享其他舖頭如何慷慨：「我食開果間肉丁，有五粒」、「我係深水埗食開有十粒，仲要係水仙牌」肉丁少到得2粒，實在寒酸：「咁寫餐肉面咪算囉，又要寫2樣，扮大方，其實巧寒酸」、「如果係送嘅冇所謂，假如寫明肉丁，得兩粒太過分，你估男人咩？」寧靜價錢貴點：「咁我寧願佢貴多少少唔好做到咁肉酸啦」，事主亦同意：「說出重點來」亦有人較持平：「知道各有難處，肉丁，回鍋肉成本貴，做兩粒出來又核凸又小氣，咁咪一係取消呢兩項選擇，一係開返貴啲價。肉肉酸酸就唔好攞出泥，係做就做得好好睇睇。」大家又點睇呢？