港男首次食米線陣怒批「貴價垃圾」！網民表示同感力數3宗罪

港男大彈「米線陣=貴價垃圾」！

米線陣在全港有多間分店，有港男於Facebook群組分享自己最近第一次去食，但就有一個很差的體驗。事主與友人一同到店用餐，從單據可見二人分別叫了清湯炆冬茹魚塊米線，以及重慶酸辣湯醃腩片滷水蛋米線，總數為$144。但似乎食物的味道令他失望，更忍不住大彈「米線陣=貴價垃圾」！

網民力數3宗罪

不少網民都表示有同感，更力數餐廳3宗罪，即睇！

1.價錢貴

米線陣的一碗米線價錢約在$50-$80之間，不少網民就認為略為昂貴「價錢比較高越嚟越唔好食」、「收這個價錢好搵笨實！」、「又貴又食唔飽」、「下次唔好去囉，成舊水食個米線」。不過亦有網民力撐價錢合理：「百零蚊都話貴價」，更指問題出自於事主再額加小食及配料，「你加咁多野重話貴 唔食咪唔洗錢囉」。

2. 味道差

當中最大爭議為食物的味道，很多網民都投訴米線味道差，表示寧願米線店，「食三哥好過」、「完全唔ok」、「出奇在碗麵可以唔熱架喎」。有不少人懷念概嘆以往餐廳有一定水準，可惜現已不復再，「好耐已經唔掂..」、「10幾年前係好味，而家真係垃圾」、「呢條line好多年前初初開嗰陣好食又抵食， 之後越做越衰」。

3.份量少

有部分網民就嫌棄米線份量少，「同朋友去過一次，啲湯少到撈麵咁，問佢加湯佢話要加10蚊，食完嗱嗱臨閃，無下次」、「份量少，又垃圾」。

網民：呢樣嘢最好！

有網民搞笑表示全店最值得讚賞是雪碧和冷氣：「依間嘢最穩陣同咁多年味道不變，係罐雪碧」、「啲冷氣唔錯，有開，其餘都冇優點」。