移英港媽英國超市寫食評為搲着數飲免費牛奶 網民轟無恥：影衰香港人！

移民港媽教人Ｒ着數飲免費牛奶

這名港媽於FB發文教大家食「免費餐」，表示發現超市一款指定牛奶列明若顧客不滿意食商品的質素，可留下15字的評價並解釋原因，即可成功Claim錢，變相可免費獲得牛奶。有眼利網民踢爆這並非港媽首次拎著數，指出她曾以同樣手段獲得免費的素魚手指，更囂張寫道：「唔好食就可以退錢」、「買免費嘢」。

網民大鬧：唔好影衰香港！

此帖引起熱烈討論，對於港媽的行為網民極度不能接受，一面倒反插港媽好失禮，「簡直是港人之恥」、「口味唔岩就唔好買」、「自己冇廉恥仲要，同人分享，想人應同，影衰哂香港人」、「仲好意思講嗰下好嘢」。有網民指出外國的有退款制度雖然是行銷手段的一種，但並不代表能並港媽用來揾著數甚至是濫用，「真正不合口味當然退款無問題，但濫用此機制當免費餐，咁就係仆ｘ，攪衰晒香港人的名聲，被人岐視都係呢個原因」。

港媽再次反駁：唔覺有咩問題！

面對網民的狠批，港媽不覺有錯之餘，更出聲反擊「超市擺貨出嚟大大隻字寫住，唔係我一個人先見到」、「人哋啲公司嘅宣傳手法，唔好味就寫返啲Review畀佢哋，等佢哋可以改善，我唔覺得有問題」、「有興趣啲Hater研究一下英國啲例，同埋去超市留意一下」。

資料來源：香港討論區、Facebook群組＠英國香港人生活交流區