港男不解：點解大時大節都食盆菜？「擺到幾靚都係豬潲咁」網民5點反擊

Feb 6 2024

連登的師兄經常都會提出一些發人深省的問題，每年一家大細都一起做冬，去年就有師兄在連登討論局發出靈魂一問：「因乜解究近十年大時大節都咁x鍾意叫人食盆菜？」引起網民熱議，反應兩極，有人覺得盆菜是劣食、廚餘筒，但當樓主大彈：「一年一次都要食得咁頹，個冬唔做都把x就啦！」，竟被人群起圍插，網民總共提出5大食盆菜原因，究竟係咩呢？

港男不解：點解大時大節都食盆菜

連登有師兄發出靈魂一問：「因乜解究近十年大時大節都咁x鐘（鍾意）叫人食盆菜」，發文：「新年又食，做冬又食，復活節都食，明明以前款款碟碟擺晒出嚟仲好食，依家一盆汁滾起啲野得一隻味，仲要搵個濕x狗飯盆裝比你」。有不少網民認同樓主，覺得盆菜真的好難食，是劣食，甚至是廚餘筒：「啱，盆菜真係俾狗食，擺到幾靚都係豬潲咁」、「盆菜根本就係百鳥歸巢，廚餘筒」。

盆菜難食劣食近年大時大節，一家人都會叫盆菜。 — 近年大時大節，一家人都會叫盆菜。（圖片來源：TVB《愛回家》劇照）

盆菜難食劣食不少網民覺得盆菜是劣食。 — 不少網民覺得盆菜是劣食。（圖片來源：TVB《愛回家》劇照）

盆菜＝廚餘筒＝劣食？！

並有人狠批香港人的口味越來越「垃圾」：「香港人越黎越垃圾，岩架啦，以後平時餐餐就食兩餸飯，大時大節食盤菜啦！港豬就係港豬，飼料邊駛好食」。本來是圍村的菜式，不明白為什麼到現在全港都食：「我都覺得奇怪，明明係圍村佬風俗，唔知幾時變成香港人風俗咁，最重要係盆菜唔好食」，連圍村人也不喜歡吃盆菜：「身邊啲圍村人無個鍾意食」。

盆菜難食劣食香港人口味越來越差。 — 香港人口味越來越差。（圖片來源：討論區截圖）

樓主大彈做冬食盆菜太頹，立即被圍攻！

樓主見大家「彈」得興起，也發言：「一年一次都要食得咁頹，個冬唔做都把x就啦！」想不到卻引來大批網友圍攻：「平時都係你煮？」、「以後每年都交哂畀你煮喇」、「煮飯唔x易呀清」、「你自己煮，唔好淨係識食」、「一定係你煮啦！好乖仔！！」、「一年比長輩抖一次都唔肯，個冬真係做黎把x」，令樓主立即「潛水」，沒有再出面回應。網民總共提出以下5大原因，為什麼會在大時大節叫盆菜。

盆菜難食劣食樓主被網民群起圍插。 — 樓主被網民群起圍插。（圖片來源：TVB《愛回家》劇照）

盆菜難食劣食網民普遍覺得：「咁叻，你煮呀！」 — 網民普遍覺得：「咁叻，你煮呀！」（圖片來源：討論區截圖）

食盆菜原因一：餸菜易凍

香港廚房太細，爐頭不多，煮好的餸難以保溫，好快凍：「香港廚房太細」、「仲有而家凍，屋企如果冇焗爐，保溫機，3爐頭煮完d餸都會凍曬」、「屋企爐頭無咁多，煮完呢味之前果幾味都凍曬」。

盆菜難食劣食太多菜式，好易凍。 — 太多菜式，好易凍。（圖片來源：電影《飲食男女》截圖）

食盆菜原因二：無人識煮

做冬的菜式大多都是傳統菜式，家中根本無人識煮，：「整好似第一張圖咁嘅一圍枱要好長時間，而且好多餸都好傳統，唔係個個識整同埋整得好食」、「以前個張圖既，越黎越少人識煮肯煮架喇而家」。

盆菜難食劣食做冬的傳統菜式越來越少人懂得煮。 — 做冬的傳統菜式越來越少人懂得煮。（圖片來源：電影《飲食男女》截圖）

盆菜難食劣食以前老一輩才懂如何烹調傳統菜式。 — 以前老一輩才懂如何烹調傳統菜式。（圖片來源：討論區截圖）

食盆菜原因三：掌廚無得食

做冬菜式多，掌廚的家人急著煮，一道接一道菜，做到無停手，根本不能好好坐下吃飯：「我兩爐頭加蒸焗爐，基本上keep住整自己唔駛食」、「屋企都係雙焗爐保溫，一碟碟送出去就冇咗一齊坐低食做節意思了，而且基本煮果個唔洗食」，有網民依然本著「犧牲小我，完成大我」的精神：「我平時煮海鮮餐係預唔食，我唔係好好食海鮮，人地食得開心就得」，被人大讚：「港產耶穌。」

盆菜難食劣食煮菜那位通常都「無啖好食」。 — 煮菜那位通常都「無啖好食」。（圖片來源：TVB《愛回家》劇照）

食盆菜原因四：夠平

無論是自己買餸，還是外出做冬，價錢都比較貴：「依家太貴啦，買盤菜又平又唔洗煩」、「成本問題，有錢咪有講究，無咁有錢咪無咁講究。直頭無錢咪直頭唔會講究囉」、「加上咁樣散買餸起碼貴3倍」，不想外出吃飯被「劏」：「我都寧願食盆菜，做節一定加價比人當水魚劏，每碟送成本都100起」。

盆菜難食劣食網民覺得叫盆菜性價比高。 — 網民覺得叫盆菜性價比高。（圖片來源：新假期編輯部）

盆菜難食劣食大時大節外出吃飯會被「劏」。 — 大時大節外出吃飯會被「劏」。（圖片來源：電影《行運一條路》截圖）

食盆菜原因五：怕麻煩

又要買菜、洗菜、做飯，要料理一家人份量的餸菜實在不簡單，令到網民「爆seed」罵樓主：「你估咁易整咩，x咗x多嘢講可能碗都冇份你洗啦死x頭，好似第一張圖十幾樣餸加埋啲碗碗碟碟，淨係洗碗都夠洗到隻手脫皮啦！個個做節都想食好西啦，咁多餸你估唔洗時間煮㗎？整海味冬菇又要早幾日浸定，炆豬手/豬肉又要汆水又剩，仲有蒸魚蒸雞炒菜同煲埋個靚湯。

每樣餸都有排你整，除非你早一日處理好啲食材或由朝整到晚，如果唔係你根本唔夠時間煮咁多樣餸。而家想方便咪食盆菜囉，一兜過海陸空三樣嘢連海味都齊哂，懶啲嘅用即棄餐具食完可以成個兜一齊扔埋。咁想食你咪自己負責煮囉，呢幾日咁凍淨係洗食材都夠你練到招寒冰掌」，單單是買餸已經令人非常頭痛：「未計過時過節街市勁迫人，買咁多餸有車仔都會好呢hea」，亦不想家人辛苦：「老人家太老都唔想佢哋辛苦啦，老人家6、7點就去買餸，準備一日無停過，啲人走咗仲要執手尾，雖然係好食啲又好warm，但太辛苦喇」。