燒味鋪斬件要求咁做 事主終唔買走人 網民分兩派激烈爭議：店家定事主唔啱
廣告
不少香港人都選擇到燒味鋪加餸，尤其在節日或特別時刻，人們更會選擇燒味來豐富餐桌。然而，最近一間位於大埔墟的燒味鋪，卻因為收費問題而引起了網上熱烈討論。一名網民在社交平臺上分享了自己的不愉快經歷，他表示在該店購買了4隻滷水雞髀，原本希望店員能幫忙將雞腿斬件，但店員卻要求事主做1事，事主因此感到不滿，結果選擇了拒買並離開，事主在帖文中怒斥：「香港真係越搞越衰，唔怪之啲人去晒外地消費」。
燒味鋪斬件 店員要求咁做！
事主在Facebook群組「大埔人大埔谷」發文怒斥一間燒味鋪，指在大埔墟燒味鋪買了4隻滷水雞髀，本想叫店員將其斬件，怎料店方要加收$2，事主指結果選擇走人，「條氣唔順冇買」，並在帖文中轟香港飲食業「香港真係越搞越衰，唔怪之啲人去晒外地消費」。事主的帖文迅速在「大埔人大埔谷」這個facebook群組內引起了廣泛關注，事主亦在留言補充說明，自己對於額外收費的不滿並非因為金額的多少，而是對於是否應該收取這筆費用的合理性感到質疑，「平貴唔係問題，本身消費已包了人工費，斬係本份，唔通買20蚊3份嘅菜咁平，膠袋都可以唔比？」。
網民分兩派激議 斬兩嘢都收錢 VS 做額外嘢收多好正常
對於事主的經歷，眾多網民也紛紛參與討論，意見出現了兩極化。一方面，有人支持事主的立場，認為店家的收費行為屬於濫收費，並且表示以前燒味店斬雞是不會收費的，「聽聞而家買魚都係，遲下買新鮮雞要自己拔毛」、「以前燒味隨手斬兩刀根本唔洗收錢，現在根本巧立名目收錢」、「斬兩嘢都收錢，叫佢返屋企瞓啦懶到咁」、「咁又過分咗啲，斬兩刀有幾難？」、「支持唔買走人，呢個唔係錢的問題，也唔係顧客至上的問題，呢個係咪有心做生意的問題及對家要求係咪過份的問題。斬4隻髀，如當時忙，可叫客等等；如不忙，何樂而不為」。
另一方面，也有網民對此表示理解，認為店家收取額外2元的要求並不過分。「雞髀通常一隻食，好少人要求斬開」、「大家樂大快活下午茶雞髀餐都係一隻㗎，你試嚇叫人斬開佢睇下佢睬唔睬你？」、「你屋企夠有菜刀，你唔拎返屋企斬？」。
圖片來源：Facebook@香港兩餸飯關注組、小紅書
