食客茶記食熱狗驚揭腸仔超縮水！網民恥笑係「新縮腸」細過手指尾

食客茶記食熱狗驚揭腸仔超縮水！

近日有港人於中環某間茶餐廳叫了一份熱狗，但來到卻發現熱狗size超縮水，「你碌腸想點！香港真係好凍啊喂」。這則帖文引來了大量網友的留言，有老顧客提到餐廳份量不如以往：「我食佢個熱狗嘅年代個包同條腸係一樣咁長， 不過講緊係七十年代嗰陣時」、「嘩，咁真係好過份喎，以前唔係咁㗎喎」。

網民勸事主樂觀啲：「個包好大個，好抵食！」

有網民就勸事主用樂觀的態度看待：「樂觀啲，應該係：嘩，咁大個包，抵」、「呢碌係臘腸呢喎，有你着數啦」、「係個包唔啱，太大」、「大包夾小腸」、「其實有你著數啦，個包已經畀大咗你」，留言非常搞笑，讓人忍俊不禁。

1個原因仲值得食：主要食個醬！

雖然大多數網友更多地嘲笑了這個情況，但也有一些人認真指沙律醬才是這道菜的靈魂：「主要食個醬」、「燒賣都係辣椒油先係主角，你個熱狗都係醬先係主角」、「條腸係細咗同難食咗嘅，但係呢個熱狗嘅精華始終係個醬」、「沙律醬最好味！ 每次食到成個嘴都係醬！」。