港男買$75乳豬飯一開飯盒超驚喜！網民：呢盒飯可遇不可求但有1樣缺點

Feb 27 2023

深水埗美食卧虎藏龍，近日有港男到深水埗燒味店買了一盒$75的乳豬飯，打開飯盒超驚喜，乳豬不單止賣相令人流曬口水，份量更是多到爆，港男在Facebook關注組開心share，立即引來過千讚好，網民也大讚：「又多又靚，可遇不可求」、「好多喎…75蚊抵到爆」，引來不少網民跪求地址！不過樓主透露店子做漏一件事，令他覺得「美中不足」，究竟是什麼呢？

深水埗$75乳豬飯超驚喜！

遇到大件夾抵食的美食，自然會想開心share！近日有港男在Facebook「香港茶餐廳及美食關注組」發帖分享美食，在深水埗燒味店買了一盒$75乳豬飯，打開飯盒後超驚喜，發文大讚：「好食，份量又多」，並上載了好幾張令人口水直流的乳豬飯相片，只見乳豬舖滿了飯面，外皮燒得香脆油亮，隔著螢幕都覺得脆卜卜，橫切面肥肉不多，皮脆肉嫩，令人食旨大動！不過樓主在留言中透露不是完全滿意：「美中不足係，上到車發覺漏咗比架生（外賣餐具），開咗盒食唔到果種感覺好難受，拿拿臨跑返去攞」。

深水埗乳豬港男發帖分深水埗$75乳豬飯，賣相超正，引來千多個讚好。 — 港男發帖分深水埗$75乳豬飯，賣相超正，引來千多個讚好。（圖片來源：Facebook@香港茶餐廳及美食關注組）

深水埗乳豬外皮燒得好香脆。 — 外皮燒得好香脆。（圖片來源：Facebook@香港茶餐廳及美食關注組）

深水埗乳豬肉多又不肥。 — 肉多又不肥。（圖片來源：Facebook@香港茶餐廳及美食關注組）

深水埗乳豬＄75一盒，性價比超高。 — ＄75一盒，性價比超高。（圖片來源：Facebook@香港茶餐廳及美食關注組）

深水埗乳豬樓主上載了店子的門口相片，方便網民按圖搵食。 — 樓主上載了店子的門口相片，方便網民按圖搵食。（圖片來源：Facebook@香港茶餐廳及美食關注組）

網民大讚：可遇不可求、抵到爆！

帖文旋即獲得過千多個讚好，引來不少網民留言大讚：「賣相好正」、「睇落就好香好脆，流x哂口水」、「堅抵喎，又多又靚，可遇不可求」、「好靚呀睇落好新鮮，火路一流」，覺乳豬不會過肥，多肉又香脆：「唔肥，有肉食」，相片令人想坐言起行，立即幫襯：「第一次睇post睇到有衝動去食」。

而且飯盒性價比超高，份量非常慷慨：「差唔多成四份一隻乳豬」、「呢個份量好滿足」、「好多喎…75蚊抵到爆」、「這價必定(食)呀！」雖然樓主已經上載了店舖的相片，仍然引來不少網民求店名、地址：「叫乜嘢鋪名」、「求地址，唔該！！！」樓主亦大方分享：「深水埗西九龍中心對面」、「其實有相有舖名，不過你問得我都答—『新蘇記燒豬大王』」。亦有識途老馬補充：「以前係喺南昌街近石硤尾，畀業主迫租後，搬咗去西九龍對面係地區名燒味店通常每日黃昏時段，啲街坊就會在門口排隊」。

深水埗乳豬不單止樓主，網民看圖都覺得好好食。 — 不單止樓主，網民看圖都覺得好好食。（圖片來源：ViuTV《大叔的愛》截圖）

深水埗乳豬賣相令人流曬口水。 — 賣相令人流曬口水。（圖片來源：Facebook@香港茶餐廳及美食關注組）

深水埗乳豬又多又靚，可遇不可求。 — 又多又靚，可遇不可求。（圖片來源：Facebook@香港茶餐廳及美食關注組）

深水埗乳豬份量超多，近四份一隻乳豬。 — 份量超多，近四份一隻乳豬。（圖片來源：Facebook@香港茶餐廳及美食關注組）

深水埗乳豬識途老馬補充店子資料。 — 識途老馬補充店子資料。（圖片來源：Facebook@香港茶餐廳及美食關注組）

網上評語好壞參半

不過亦有網民質疑可信性，覺得乳豬份量不可能那麼多：「FD 底？塞到咁滿」、「有冇咁多呀」、「應該收工手鬆啲!」並有人覺得店舖風評好壞參半：「網上評語好壞參半」、「我食過叉燒，燒鴨、乳豬都係一般麻麻」、「但openrice D評語好似黑黑地咁」，不過亦引來不少食客力撐店子：「openrice 都好信，比錢就有好評語，我朋友間鋪就係因為唔肯比錢買好評，所以叫打手比晒負評」、「另類保護費」、「openrice 一向係飲食界都叫佢係黑X會」。亦有幫襯過的食客留言：「呢間燒肉，乳豬真係Fit ! 但只限呢兩樣」、「依間野既燒腩仔堅正」。

但美中不足的是，樓主買完外賣飯盒打算上車慢慢食，但是店子漏給餐具，而要走回店舖拿，美食當前但不能享用的痛苦，真的好難受！