買榴槤唔俾撳生果舖中英對照粗口警告！網民：教壞細路｜飲食熱話

Jul 8 2022

近日有一間生果舖因其「出位」告示，被網民放上Facebook「香港榴槤關注組」，相片中有多盒榴槤肉，除了有「請勿觸摸」外，旁邊還有幾個粗口告示，中英對照，警告客人一摸榴槤，就要立即買，要不然就會粗口侍候。事件立即引起網民大肆討論，有人認為店主做得好：「整爛咗邊個埋單」，有人認為：「唔摸點知靚唔靚？」又有港媽覺得講粗口會教壞小朋友。你哋又點睇呢？

買榴槤唔俾撳生果舖粗口警告！

進入夏天，又是榴槤當造之時，行經生果舖都會看見果王的身影，除了有殼的榴槤外，也有一盒盒已剝殼的榴槤肉出售，不少客人都會用手摸或撳一下榴槤肉，來測試榴槤是否夠熟或過熟，但此舉卻惹得生果舖大為不滿。

近日在Facebook「香港榴槤關注組」就有人分享生果舖的一張相片，圖中可見生果舖擺放了多盒榴槤肉，旁邊立起幾個「搶眼」告示，除了「請勿觸摸」外，還有幾個粗口告示，分別是「一摸即買講x明」、「請勿觸摸，否則立即xx你！」，而且還有英文對照：「Don’t touch it. As I will fxxk you right away」樓主發文：「咁你仲會唔會買呀？」

買榴槤唔俾撳？相片中有多盒榴槤肉，除了有「請勿觸摸」外，旁邊還有幾個粗口告示，中英對照，警告客人一摸榴槤，就要立即買，要不然就會粗口侍候。（圖片來源：香港榴槤關注組截圖）

夏天是榴槤當造之時，除了有殼的榴槤外，生果舖也有一盒盒已剝殼的榴槤肉出售。（圖片來源：新假期編輯部）

亂撳榴槤會被生果舖鬧爆！ — 亂㩒榴槤會被生果舖鬧爆！（圖片來源：《愛回家》劇照）

網民熱議，合唔合理？

事件引來網民熱議，不少網民都撐生果舖的做法，表示西客太多，㩒完整爛又不購買，甚至有人惡意撳壞果肉，店家貼告示絕對合理。「我最憎啲師奶師叔手多自以為是，係咁撳人地啲生果、包括Pat（Pack）好晒既榴槤肉，撳爛咗又走咗，個個都咁撳咁做…生果佬咪唔洗賺錢？」、「你睇同揀唔真係問題，問題係真係有一堆人惡意整爛。」

但亦有人表示有其他生果舖主動叫客人撳果肉：「反而我去過有間個老闆係咁叫我輕輕力撳下，佢話有啲人食生，有啲人食熟，你唔撳下一陣買咗生嘢又話佢呃人」；亦有人質疑是店家榴槤過熟，更估計是自己曾幫襯過、位於太子的生果舖：「喺太子，買過幾次都過熟…」、「唔怪得唔俾摸」。

榴槤不少網民都撐生果舖的做法。 — 不少網民都撐生果舖的做法。（圖片來源：香港榴槤關注組截圖）

榴槤網民同情生果舖，撳完果肉，凹曬就無人買。 — 網民同情生果舖，撳完果肉，凹曬就無人買。（圖片來源：香港榴槤關注組截圖）

榴槤在超市看到凹了的果肉，相信都無人想買。 — 在超市看到凹了的果肉，相信都無人想買。（圖片來源：香港榴槤關注組截圖）

榴槤「唔摸點知靚唔靚？」vs「整爛左邊個埋單」 — 「唔摸點知靚唔靚？」vs「整爛左邊個埋單」（圖片來源：香港榴槤關注組截圖）

榴槤呢間生果舖唔題喎！咁大方？ — 呢間生果舖唔題喎！咁大方？（圖片來源：香港榴槤關注組截圖）

榴槤有人質素果肉太熟才不讓人摸。 — 有人質素果肉太熟才不讓人摸。（圖片來源：香港榴槤關注組截圖）

榴槤網民質疑生果舖的生果質素。 — 網民質疑生果舖的生果質素。（圖片來源：香港榴槤關注組截圖）

講粗口不合適？

有人覺得店家用粗口不大合適，有港媽覺得講粗口會教壞小朋友：「其實店主有冇諗過會教壞細路。有人可能覺得夠貼地，但我覺得好冇文化，幾平都唔買。」亦有人為粗口平反：「講/寫粗口唔代表無禮貌同無道理，有啲說話難聽過粗口⋯⋯」、「唔好咁啦，最多下次叫街市佬寫文言文咯」。當中亦有些有趣留言突破盲點，令人忍俊不禁：「仲高貴過d女人」、「街市都要識寫英文」。