日本神級朱古力奶香港買到！超濃郁滑順冷熱飲都超正

Dec 2 2025

日本品牌Moriyama守山乳業出品嘅ココア朱古力奶，喺香港掀起一陣熱潮！呢款朱古力奶以濃厚嘅可可粉製成，入口滑順又帶香濃朱古力味，令一眾港人讚不絕口。有網民直言：「濃稠嘅朱奶就似無酒精版嘅Baileys，香到爆炸！」更形容呢款係「特濃朱古力奶2.0版」。

極難買！經常賣斷貨！

不過就味道偏甜，每100g朱古力奶就有10.6g糖份，愛甜的你啱晒！而且熱飲、凍飲都可以，味道一樣咁正！唯一嘅缺點係極難買到，經常賣斷貨！不過亦有港人就覺得香港維他朱古力奶出色啲，兩者各有特色，睇個人喜好！

相信大家都想知香港邊度有得買！有網民就指曾於優品360、大生超市、Citysupe等連鎖店見到有售，不過瞬間賣斷市未見有貨！而最近就有網民爆料指一田超市及759阿信屋買到，而且價錢分別為$29.9/盒及$36/1盒！不過一定好搶手，大家見到就好入手啦！

關鍵詞

圖片來源：官方圖片、[email protected]授權