全港4間爆量芫荽山拉麵

Sep 7 2025

關注組熱捧！芫荽熱潮又回歸！

召喚荽友！全港4間芫荽拉麵推介
最近因麥當勞推出了麥樂雞WOW醬，掀起一股「青BB之亂」，令到芫荽熱潮再度侵襲香港！市面上有不少餐廳都推出芫荽美食，小編今次率先為大家介紹全港4間關注組力推的芫荽拉麵，分別有樂麵、鬼金棒、岡山一番店及立体派拉麵，每間出品的芫荽拉麵都各有特色，重點是間間芫荽量都比得超多，重荽人士一於試齊佢！

1.樂麵特製茜口茜麵芫荽拉麵
本地拉麵品牌樂麵 @lotmeehk 的特製芫荽拉麵（$118）一直深受關注組成員熱捧！芫荽份量多到山咁高，連碗麵都睇唔到！湯底以招牌雞白湯為基調，加入自家製芫荽醬，配以永樂粉麵廠出品芫荽麵，充滿芫荽草本香氣，入口滑順而不膩，茜迷一定要試！

2.鬼金棒芫荽辣麻味噌拉麵
日本過江龍拉麵店鬼金棒 @kikanbo_hongkong 的芫荽辣麻味噌拉麵（$110）面層鋪滿超多芫荽及粟米筍，散發好濃芫荽香氣！湯底以特製的麻辣味噌為主，辣度和麻度可自由選擇，麻香味辣，層次豐富！拉麵柔軟有彈性，配埋厚切豬五花叉燒，脂香十足。適合重口味芫荽控！

3.岡山一番店芫荽辛辣拉麵
日本過江龍拉麵店岡山一番店 @dantotsuramen_hk 的芫荽辛辣拉麵（$79起）提供4倍份量的芽菜與芫荽選擇，每碗都是超誇張的芫荽山！湯底以濃郁的豚骨醬油湯底為主，香辣不嗆口，配合大量芫荽，香氣最濃！

4.立体派拉麵極上芫荽醬油湯拉麵
由日本冠軍大師林隆臣主理的日本過江拉麵店立体派 @ramencubism ，開店以來一直深受拉麵迷追捧。其中期間限定的極上芫荽醬油湯拉麵（$98），湯底採用特製醬油調味，帶有醇厚層次感，面層鋪滿大量芫荽，芫荽味濃郁又清爽，配埋肉質嫩滑細膩的低溫慢煮叉燒，是一碗食落好舒服清新的芫荽拉麵。