安成宰餐廳MOSU開放預約即秒殺！食客不滿搶唔到位＋價錢昂貴：飛去韓國食

Oct 30 2024

Netflix《黑白大廚》評審安成宰餐廳MOSU今日（10月30日）開放四手聯煮晚宴預約，一開放就即秒殺，不少人都大呻入不到網站以及訂不到位置，另有網民就被其價錢嚇親，大呼好貴，直言決定飛去韓國食會更划算，即睇！

安成宰餐廳MOSU開放預約即秒殺！

《黑白大廚》評審安成宰在香港M+開設的MOSU姊妹店「MOSU Hong Kong」宣布聯乘台灣3星主廚林恬耀，於11月30至12月1日舉辦2日限定晚宴，安成宰主廚會來港親自下廚，晚宴會在10月30日12點中午開放預約。不過到開放預約當日booking即秒殺，不少食客於官方的社交平台留言反映指根本見不到約預的畫面，甚至沒法登入網站，大鬧餐廳安排欠佳：「1秒都見唔到有開過？係咪跟本就冇得book?」、「根本一早比內部hold起哂，點book?」、「都無入到過就all sold。唔想比人book咪出聲」、「想知有邊個真係Book 到 30/11 或者 1/12 食MOSU 明明我都搶演唱會飛咁搶。都Book 唔到！啊啊啊我好想試嗰個軟到傻嘅鮑魚，同埋個面」，搶位困難程度媲美演唱會門票，競爭相當激烈。