大埔食店規定淨飲雙計、齋坐三計5大規矩惹熱議！網民竟撐餐廳做得好

Jan 18 2023

為免跟顧客起衝突，不少餐廳都會將加一收費、堂食限時等規矩寫得一清二楚。日前有網民於公開社團分享了一張在大埔某餐廳拍攝的照片，圖中清楚可見餐廳在門口貼出告示指明顧客不可自帶外來食品、堂食限時、淨飲雙計、齋坐三計以及每人設有最低消費等5大規矩，該名網民指出該餐廳提供的坐席只是街邊位，但卻「真巴閉」地要求「最低消費$55」，她表明自己「窮食唔起」，對於餐廳5大辣招頗有微言，帖文一出卻圍爐不成，有不少網民竟撐餐廳辣招做得好！

大埔食店規定淨飲雙計齋坐三計惹熱議

大埔街坊不時會在Facebook的公開社團「大埔 TAI PO」討論區內熱門話題，近日就有街坊在社團出帖，附上在大埔某餐廳門口拍攝的照片，批評餐廳「真巴閉，最低消費$55 ，坐街邊咋喎，我窮食唔起」，細看圖片，原來該餐廳門口貼出「請勿在本店進食或飲用非本店提供的食物和飲品；堂食入座後限時一個半鐘；淨飲雙計；齋坐三計；本店堂食客人，每人最低消費為$55」5大辣招的告示，事主明言覺得此等「坐街邊」的餐廳，要收每人最低消費$55，「真巴閉」，並指自己「食唔起」，帖文一出隨即引起社團內花生友熱論。

大埔淨飲雙計網民指該餐廳提供的坐席只是街邊位，但卻「真巴閉」地要求「最低消費$55」，對於餐廳貼出來的5大辣招相當不滿。 — 網民指該餐廳提供的坐席只是街邊位，但卻「真巴閉」地要求「最低消費$55」，對於餐廳貼出來的5大辣招相當不滿。（圖片來源：[email protected]大埔 TAI PO公開社團截圖）

網民不明白：「齋坐三計」點計出嚟？

眾人紛紛猜測大埔邊間餐廳咁巴閉、「咁嘅格局低消55蚊」，當中最多網民討論的是「淨飲雙計齋坐三計」，「想知用咩數黎3計」、「其實我最唔明齋坐三計。我消費額係0。幾多倍都係0㗎啦」、「有齋坐三計呢個option 又有最低消費option 咁即係點？商品說明條例喎」，「有最低消費爭飲仲要雙計」，眾人一頭霧水搞不清楚餐廳所謂的「齋坐三計」的換算方法。

大埔淨飲雙計有網友質疑事主又要講又唔開名，眾團友紛紛在帖文內作出猜測哪一間大埔餐廳咁巴閉。 — 有網友質疑事主又要講又唔開名，眾團友紛紛在帖文內作出猜測哪一間大埔餐廳咁巴閉。（圖片來源：[email protected]大埔 TAI PO公開社團截圖）

網民竟撐餐廳辣招做得好

帖文中「齋坐三計」這點被網民反覆討論，意料之外是不少網友都撐餐廳出的辣招沒啥意見，反遭網大民指斥「樓主去返老麥啦，任坐，重可以斟埋水飲，又有得差電」、「咁好老實，最低消費55蚊，食個碟頭飯都好正常嘅，不過使唔使加句限時一個半鐘呀，放題55蚊任食呀？」、「係咪好多阿伯叫個包+杯嘢飲，坐成日？」、「有乜好公審，唔鍾意咪唔好去囉」、「覺得唔合理咪唔好入去囉，仲有咩討論空間？等佢自己摺埋囉」、「人哋講到明啫！咁咪唔幫襯囉！咁都睇唔過眼」、「一個人食，幾個人坐。人哋個生意，多幾枱咁嘅客，就死得啦！所以，作為客人，都應該做好自己，比錢都唔係大晒嘅！」，確實餐廳早已白紙黑字寫晒規矩張貼在門口當眼處，明買明賣，不接受淨飲雙計、齋坐三計等規矩可以過門不入。