港人怒數壽司郎5宗罪 網民大嗌中伏：愈嚟愈似明將＋食完肚屙兩日

中伏網民怒數壽司郎5宗罪！

壽司郎貴為港人愛吃的迴轉壽司店，間間分店都大排長龍，認真巴閉。不過最近有網民以「壽司郎真係愈嚟愈明將」為題，認為壽司郎的水準已不及從前，更怒數壽司郎5宗罪。到底有哪5宗罪，立即睇睇！

罪狀1. 壽司品質不新鮮

一件好的壽司，最重要是有好的魚生。不過有網民指出壽司郎的壽司質素參差，例如有試過魚生未解凍便奉上、北海道帆立貝乾得像瑤柱、松板牛乾得像牛肉乾、鰻魚有骨等。更有部份中伏網民投訴「食過一次吞拿魚，紅到黑，質感似啫喱」、「貝類跟魚無味」、「三文魚薄切」、「海膽壽司一上已出水，味道超腥，完全食唔到海水嗰種淡淡鮮味」，故有網民試過「食到直情嘔返出來」。

罪狀2.飯散紫菜淋

壽司除了有好的魚生外，另外一樣最重要的就是壽司飯及紫菜。不過有網民投訴試過壽司飯超散、紫菜變淋等，影響壽司的味道，且有人試過「舊壽司唔實一到枱就散」，更有人點評「無晒嗰種認真嘅態度，去日本食算」。

罪狀3. 食完肚屙

由於食品質素下降，加上有網民指出試過於運輸帶上拿的壽司比於點餐機上點的壽司還要新鮮，有網民表示「前日食完肚屙咗兩日」。

罪狀4. 食物價錢不算平

有網民指出其實壽司郎的價錢不算便宜，有人指出「自己每次食$130-$180走唔甩」、「試過一個人食咗$600」 、「黃碟少咁好多，有啲轉曬黑碟。然後堂食款愈來愈少，又加曬價」。加上有網民指出自己試過柯打松板牛壽司，但是乾得像牛肉乾，最讓他生氣的是索價要$27， 讓他深感不值。

罪狀5.得甜品食得過

壽司郎是壽司店，但是有不少網民卻認為壽司質素參差，相反只有甜品質素正常，故認為想吃壽司以不用吃壽司郎。

資料來源：連登討論區