港男不滿壽司郎$17炸蠔壽司與圖片不符！力數2宗罪：未食已經食欲不振！
廣告
早前一名食客在網上發帖表示對壽司郎的炸蠔壽司極度不滿，認為其品質與宣傳照大相逕庭，並直言這反映了香港飲食業的失敗。這篇帖文迅速引起了網民的熱烈討論，有人認同食客的看法，有人則認為應該有更大的容忍度。
網上爆料引發熱議
一名食客於12月22日在連登討論區發帖，分享了他在壽司郎點的「炸蠔壽司」的經歷。他上傳了菜單上的宣傳照片與實際所得的壽司照片，兩者之間的差異令他感到失望。「最右面係佢嘅理想製成品，你老X外表包裝到幾華麗都好，都掩蓋唔到處理食物嗰種馬虎態度」，他還列出了2大「罪狀」：「醬仲多個啲飯」和「擺到飯同蠔都分離晒」，表示這樣的食物讓他食欲全無。
不過該款壽司推出不久已sold out了，大家想食都要等下次了！
網民幫平反！
這篇帖文引起了廣泛的討論，網民的意見出現了分歧。「碟壽司好有明將feel」、「呢碟炸蠔真係搞唔掂」，有網民對食物的質量表示失望。然而，也有網民認為這是小題大作：「其實有咩問題？」、「少醬又X，多醬又X」、「食炸嘢唔多沙律醬不如唔好食啦小朋友」、「間間舖啲相都同成品有距離架啦」、「正宗香港西客，食牒平價壽司要另上醬，畀個油鑊同粉你自己炸埋好無」。
樓主在回覆中強調，「我嚟壽司店係食壽司唔係食醬」，並指出「有碗話碗，有碟話碟啫。我自己荷包出錢消費，自然對嘢食有要求，有啲人對嘢食質素無要求，係佢哋層次低……就係有你呢種思維，香港飲食業先至咁失敗」。這段話引來了更多的討論，有網民反駁「香港點解會差，咪你呢啲只執着小事，小小容人之量都無嘅人佔大多數」。
圖片來源：討論區圖片、官方圖片、新假期編輯部資料或影片來源：連登討論區
