壽司郎食客嫌凍要求熄冷氣！店員1個回應 事主心甘情願捱凍｜飲食熱話
廣告
壽司郎食客嫌凍要求熄冷氣，店員回應令事主心甘情願去吹風！食店冷氣開得太行，冷風直吹頭頂真的好難捱，有位事主在Facebook「香港壽司刺身關注組」中分享寶琳壽司郎的冷氣奇遇記，雖然要求熄細冷氣不果，店員老實而不造作的回應，反令事主對員工們深表同情，並心甘情願捱凍：「最後唯有戴住風褸頂帽食埋餐飯」並引來網民大讚：「好誠實嘅店員，讚！」咁奇情？！究竟店員回應左啲咩？
寶琳壽司郎食客要求熄冷氣，店員回應超老實！
香港的商場、大廈，還是食店、巴士，無論是春夏秋冬，不論氣溫高低，都一定開著冷氣。有時食店冷氣開得太大，冷風兜頭吹，真的好易病，於是有時會奈不住向店員要求熄細啲冷氣，不過10次有9次都事與願遺，要不店員當你耳邊風，要不就禮貌而不失客氣地道：「唔好意思，中央冷氣無得較呀。」
不過凡事都例外，有位事主在Facebook「香港壽司刺身關注組」中分享寶琳壽司郎的冷氣奇遇記，全文為：「今日寶琳壽X郎有趣體驗： 頭頂大風吹住個頭，搵個侍應問吓可唔可以較細啲風，佢面有難色，我諗住佢跟住都係會講啲model answer 中央冷氣冇得較呀之類原因，點知佢話因為同事要行嚟行去好熱，所以唔較得，我深表同情，最後唯有戴住風褸頂帽食埋餐飯（唔只我嗰枱）」。
網民：「好誠實嘅店員，讚！」
帖子引來網民留言討論，不少人都覺得店員好老實，抵讚：「好誠實嘅店員，讚」、「佩服佢有膽識，夠直接」也有人大讚事主懂體貼員工：「會體貼員工嘅客人，員工都可能忍吾住啦，被炒都好過焗到病，僱主能改善就…大家好」也有前壽司郎員工分享其難處，有時不是不想幫客人熄細冷氣，而是氣溫已經是22度，已沒什麼風：「話說當年遇到有檯客話啲冷氣吹住佢，然後咁咪想入去較細個冷氣，點知原來個冷氣已經較到22度，風都就黎無咁制，心諗jm9」。
亦有人笑言，店員口中的同事可能是「迴轉壽司」：「佢話啲同事走黎走去，係指啲壽司係佢同事嘛，咁佢啲同事又真係唔熱得，同埋唔停咁跑黎跑去」不過亦有少數網民覺得店員態度有問題：「我永不再去這間，垃圾職員做事唔識轉膊，死古古」。亦有人分享自救的方法，包括怕吹到頭痛，就要自己帶帽：「帶帽吧」或直接叫商場熄冷氣：「下次去商場，叫商場熄冷氣」work唔work㗎？
圖片來源：Facebook＠SUSHIROHONGKONG、《便利店新星》劇照、pexels
