周遊關西｜港人預約天婦羅店後No Show 周奕瑋收老闆求助出post
港人預約天婦羅專門店後No Show
《周遊關西》節目曾介紹過一間位於京都的天婦羅專門店天ぷら 天寅，招牌菜式是原隻龍蝦天婦羅，節目一出後該店就收到不少港人的預約。Jarvis在貼文中指，最近老闆職絡他，指「好感激好多睇咗節目嘅朋友去支持佢，亦都好多謝大家嘅預約」，但原來同時也發生了不少No Show事件，Jarvis在貼文中指：
不過可能當中有部份大頭蝦唔記得咗、
或者臨時行程有變嘅朋友，
預約咗之後當日冇出現….但又無Cancel Booking…
對於小店嘅營運來講，實在係會添加壓力㗎。
Jarvis直言「大家可以做一個有溫度嘅遊客、有溫度嘅顧客」，因為預約後老闆就會按人數準備食材，若突然No Show可能會引致食材浪費，而想吃的人也無法吃到，因此希望如果真的無法前往，在預約時間前記得聯絡店舖取消booking！
店舖預訂方法：網上預約最方便
另外，老闆又希望Jarvis可以幫忙提醒大家最好的預約方法。Jarvis引用老闆說話，指「佢地嘅Facebook同IG DM係唔接受預約㗎」，因此這不要透過任何社交平台去預約，Jarvis提出以下方法預約更方便：「識日文嘅朋友可以用ぐるなび或者食べログ預約」，更強調到訪日期前一個月就會開放預約，另外「唔識日文嘅朋友，都可以拜託識日文嘅朋友、又或者酒店職員幫手打電話去Book」。貼文最後再重申，希望大家不要做失禮旅人，讓老闆可以繼續用心為大家製作美味的天婦羅！
網民齊讚好：最好booking時要求落訂金
不少網民都表示認同，指「要人地開到聲，no show問題或者幾嚴重下」，又強調「日本人好講信用，如果真係唔去就應該要cancel」、「日本人最講信任，希望大家做個有責任旅人」、「現在經營餐廳已經不容易，希望大家有同理心」，更直言「幾年已經發覺日本人對香港人的觀感印象和態度在變！請不要令變化惡化落去吧」；也有網民建議應該要在預約時先收取訂金，起碼可以減輕店家損失：「轉系統預約綁定信用卡，no show 就扣錢」「啲餐廳預先收deposit係好應該」。而餐廳老闆也有留言，表示「更愛香港」！
