西客要求叮熱咖啡辣㷫咖啡師：去7仔㩒杯！奶泡最佳溫度是多少？

西客要求叮熱咖啡，辣㷫咖啡師！

有咖啡師在Facebook「咖啡迷We Love Coffee」發帖大呻遇上西客，發文：「Sorry 發洩文…我真係好唔鐘意啲客話Latte 唔夠熱，重新沖過杯都仲話：”It’s cold! Can you put it in the microwave for a minute？” 我Xxxx Xx! 大佬啊，steam到啲奶變曬味仲點鬼飲啊？你落order嘅時候又唔叫extra hot，叫先會另外打耐少少架嘛。仲要咁串，你自己去7仔㩒一杯啦X!」，行文可見樓主怒火中燒，不過最後樓主如何解決呢？

從留言中得知，最後樓主都「過唔到自己個關」，沒有用微波微叮熱咖啡，而是「我第三杯，出埋用熱水浸杯先，再加奶extra hot，佢先收貨呢」。從樓主和網友的對話得知，原來當日客人食完早餐才飲咖啡，咖啡溫度自然降：「而家諗番起，個銀養食曬成個早餐先飲杯咖啡」。

大家同情咖啡師：「比杯滾水佢啦」

帖文引來各大咖啡愛好者留言，大家普遍都同情樓主，直言：「唔好steam，用煲煲滾啲奶直接車落個shot度，應該滿足到佢」，樓主笑言回應：「俾個爐佢自己煲」，有人覺得客人沒提Extra Hot，是自己問題：「係喇，早響extra hot 係基本」，樓主無奈道：「Agree … 仲要西面話你唔啱」。有人更串爆留言：「比杯滾水佢啦」，加上該杯咖啡是酒店免費咖啡，不用加錢買，樓主：「酒店早餐包埋，唔使錢」，大家覺得既然是免費，無謂咁高要求。

最佳溫度是多少？太熱反而唔好飲？！

大家亦有討論奶泡最佳溫度是多少：「其實有冇standard 嘅奶泡溫度？60-65？」，有人立即解畫：「65係最佳，當然+-幾度內係冇問題」，而樓主肯定自己沖出來的咖啡已比最佳溫度高：「對，我確定，第三杯一定有70+- 度，因為我摸個壺好辣手」。亦有人提到太熱反而會影響味道：「牛奶去到某個高溫會破壞結構，變到水滴滴，唔好飲，希望多啲人知道」、「其實extra hot真係要睇你係咩奶，我間鋪都有人叫。但通常我都講話唔做比佢，因為稍為超少少溫度就變味，班客死都唔信，所以通常呢種客做完extra hot比佢唔會反轉頭再飲」。

亦有人提到暖杯都會影響溫度：「奶65係好，但有無暖杯make a huge diff。 如果個杯本身凍，奶65度落到杯就凍左好多，個溫度變到唔上唔落真心難飲。」樓主回應：「喺部機頂一路暖住架喇」，之後更以熱水浸杯：「我直頭用熱水浸住隻杯」不過樓主直言：「其實當時有十幾廿張單排緊隊，如果係你，你會唔會㷫？」看來樓主都已經盡力，難怪大家都對她深表同情。