公司週年宴兩餸飯到會$800/20人網民：好過火雞 vs 食呢啲好慘｜飲食熱話

Dec 21 2022

年近歲晚，公司都會舉辦週年宴，叫個聖誕到會，或者一大班人到酒樓吃個飯，好好慶祝一下。近年平靚正的兩餸飯冒起，想不到現在連週年宴都有其蹤跡。有位網友就在Facebook「香港兩餸飯關注組」發帖，分享公司週年宴今年反傳統，竟然柯打兩餸飯到會，$800／20人份量，並大讚：「好食過大餐廳」帖文引來網民熱議，大部份網民大讚：「好過聖誕火雞餐」，但亦有打工仔接受不到：「公司食呢啲好慘」大家又點睇呢？

公司週年宴食兩餸飯 $800/20人份量！

經濟轉差，大家慳得就慳，近年平靚正的兩餸飯堀起，連美國領事都要一試，兩餸飯勁頭勢不可擋，連公司的週年宴都見到兩餸飯的蹤跡。網民在Facebook「香港兩餸飯關注組」發帖，分享公司週年宴柯打兩餸飯一事，並上載多張相片，只見圖中有6大盤餸菜，包括有炸豬扒、糖醋排骨、西蘭花、咖喱雞肉、肉餅等，並發文大讚食物好高質：「好食過大餐廳。炸豬扒，糖醋排骨，冇得彈」並標註hashtag「#香港人兩餸飯」、「#到會嚟公司週年宴」、「#800蚊」樓主明言足20人份量的兩餸飯到會不過$800，非常抵食。不過有網民質疑圖中6餸份量不夠20人享用：「6盒飯、6盆餸，20人份量？」樓主回應份量多到20人食都剩下兩大盤：「剩下二大盤食不完」。

兩餸飯到會網民在Facebook「香港兩餸飯關注組」發帖，分享公司週年宴柯打兩餸飯一事。 — 網民在Facebook「香港兩餸飯關注組」發帖，分享公司週年宴柯打兩餸飯一事。（圖片來源：香港兩餸飯關注組截圖）

一年一度公司週年宴，老細柯打兩餸飯到會，大家有何感想？（圖片來源：unsplash＠krakenimages）

兩餸飯到會 20人食都剩下2大盤，份量驚人。 — 20人食都剩下2大盤，份量驚人。（圖片來源：香港兩餸飯關注組截圖）

網民：「好過聖誕火雞餐」

帖文引來網民熱議，大多數都是正評，覺得兩餸飯到會好抵食：「平靚正」、「有料到」正常$800根本不夠20人享用：「800 系中環食吾飽」，覺得這個價錢絕對是蝕住做：「正到癲，咁樣先800 … 蝕住做」，直言老闆可以慳返好多：「好經濟實惠，老闆慳好多」。以為大家會覺得老細「度縮」而「詐形」？非也，竟然大部份人都大讚，覺得比聖誕火雞餐更好：「其實仲好，聖誕餐火雞，凍盤（沙律，海蛰），湯，串燒飯麵都係咁上下野」、「好過叫埋d聖誕餐…沙律…串燒…拼盤果d，又貴又唔夠食」、「其實食小菜都唔錯呀～」、「天氣咁凍，其實食呢啲幾開心，好食又地道」更大讚有創意：「幾有創意丫，好過一圍圍」。

兩餸飯到會年近歲晚，公司都會舉辦週年宴，叫個聖誕到會，或者一大班人到酒樓吃個飯。 — 年近歲晚，公司都會舉辦週年宴，叫個聖誕到會，或者一大班人到酒樓吃個飯。（圖片來源：unsplash＠Jed Owen）

網民跪求店名

更有人跪求店名：「請問邊間可以訂？」、「邊間，我想知店鋪名」、「送佛送到西，介紹吓啲菜式好喎」樓主開名，是位於鰂魚涌的「香港人兩餸飯」，網民連運費也問：「運費幾多？」樓主回答：「不用，我哋公司同事自己取，鰂魚湧300蚊免運費」運費都慳返，真的「抵到爛」呀。更有網民坐言起行，立即幫襯：「買咗鴨掌+紹菜，轉頭落去加個凈羊腩已賣哂」。