中秋雪糕月餅登場！麻糬新口感＋《反斗奇兵5》聯乘＋日本人氣甜點

Q彈麻糬皮包住3款經典雪糕

全新「和風‧雪月」一改傳統月餅口感，以軟糯煙韌的特製麻糬皮，分別包裹士多啤梨、芒果及比利時朱古力雪糕，一啖食到Q彈外皮與細滑雪糕的反差層次，和風感滿滿，雪糕控今個中秋可以轉吓口味！

日本人氣茶香甜點首次登港

「茶香‧雅月雪糕福袋」就啱晒抹茶迷，除了抹茶雪糕配宇治抹茶朱古力脆皮雪糕月餅，更集合首次在港亮相的日本人氣加賀棒焙茶拿鐵迷你杯，以及抹茶脆皮雪糕三明治，未使飛日本都歎到濃厚茶香。至於「彩雲‧映月」則以8款經典口味雪糕月餅圍繞福岡甜王士多啤梨夾心雪糕月餅，細滑雪糕加上香甜果醬，賣相夠晒華麗，送禮都幾有睇頭！

《反斗奇兵5》限定禮盒送毛絨盲盒

動畫迷仲可以留意《反斗奇兵5》限定主題雪糕月餅禮盒，包裝及月餅融入經典角色元素，再配上巴斯光年、胡迪、三眼仔及翠絲朱古力牌。換領禮盒時更會附送限量中秋毛絨公仔盲盒一個，款式隨機為巴斯光年、胡迪、三眼仔或小叉，粉絲想儲齊就要快手喇！

25個名額與Ivy@COLLAR甜蜜慶生

Ivy@COLLAR將於8月4日生日當天，在皇室堡專門店舉行見面會。即日起至7月26日，只要於Häagen-Dazs™全線門市或網店購買「月別緻 月品味」系列滿港幣$1,000，再到指定Facebook帖文參加活動，最具創意的25位參加者便可獲得見面會門票，與Ivy合照、玩互動遊戲兼一齊慶祝生日！

早鳥優惠低至65折

由即日起至8月31日，金卡、銀卡會員及滙豐信用卡持卡人選購指定雪糕月餅可享低至65折；購買兩盒或以上，另有單球雪糕換領券、雙球雪糕買一送一優惠券等多買多賞禮遇。加入官方WhatsApp頻道，仲可領取港幣$50雪糕月餅優惠券並即時使用，想抵買就記得預早入手！