一紙入廚！教你放工輕鬆煮出高級餐廳滋味

一站式入廚靈感 結合食譜與圖解指引

為鼓勵大眾發掘在家烹調的樂趣，將下廚轉化為優質的生活體驗，百佳超級市場（PARKnSHOP）為大家帶來全新的入廚靈感。是次活動特別推出「GREAT Gourmet Cooking Paper」精緻料理紙，將繁瑣的備餐過程化繁為簡。這款料理紙完美結合了食譜與一比一的食材圖解指引，從選購食材到烹調步驟都一目了然。顧客只需憑著一張料理紙，便能一次過解決構思菜式及準備份量的煩惱，體驗由靈感到成品的一站式便利，讓準備晚餐不再是一項吃力的日常任務。

輕鬆買齊所需食材 告別選擇困難

平時行超市最驚就係唔知買咩好，或者買漏嘢要行轉頭。有咗呢張料理紙，買餸就變得超級輕鬆方便！你只需要跟住紙上面列出嘅食材清單，推住購物車喺超市就可以一次過買齊晒所有需要嘅材料，完全唔使數手指慢慢諗，大大減少喺貨架前揀揀擇擇嘅時間。由新鮮肉類、海鮮到各款蔬菜配料，全部都可以喺超市一站式搞掂，放工買餸從此變得快靚正！

四步簡易烹調 猶如填色遊戲般有趣

回到家中，只需四個簡單步驟即可開始烹調。過程猶如遊玩填色遊戲般輕鬆有趣，顧客只需將食材按圖索驥放在指定位置，便能準確掌握份量與層次。 第一步：將料理紙平放於檯面，根據紙上的圖解指引，按照指示位置及份量，依序將所有食材俐落地放上料理紙。 第二步：加入所需的調味料後，將料理紙對摺包好，並將兩邊仔細封緊，確保烹調時不會漏出汁液。 第三步：輕輕搖動已經封好的料理紙包，使內裡的食材與調味料能夠均勻混合，讓味道更豐富。 第四步：將紙包直接放入焗爐或者氣炸鍋中。整個過程步驟清晰，無需高超廚藝也能輕鬆駕馭。

零失敗餐廳級滋味 免洗鑊夠輕鬆

出爐嗰一刻真係會充滿驚喜！以「檸檬香草三文魚配車厘茄」為例，打開料理紙，所有肉汁同精華都被完美鎖實，三文魚鮮嫩香甜，切開一半仲會有流汁效果，肉嫩多汁得嚟非常入味，質素絕對媲美高級餐廳。最正嘅係，成個烹調過程都唔會搞到廚房油煙四起，食完之後仲唔使洗鑊，真正做到煮飯零負擔、零失敗，令上班族都可以無痛享受入廚樂趣！

十款精選食譜 迎合不同口味與營養所需

GREAT Gourmet Cooking Paper 總共推出了十款精選食譜供顧客選擇，全面照顧不同人士的口味與營養需求。菜式主題涵蓋高蛋白質的雞肉與魚類料理、散發地中海風情的三文魚與蝦肉配搭、促進腸道健康的高纖牛肉與椰菜花組合，以及主打快捷溫馨的意大利雲吞與豬柳菜式。無論是追求營養均衡的健康人士、對烹飪充滿好奇的新手，還是喜歡嘗試新靈感的美食達人，都能從中找到合適的菜式。

立即親身選購 體驗入廚新樂趣

睇完係咪覺得整嘢食原來可以咁好玩同咁輕鬆呢？GREAT全新推出嘅Gourmet Cooking Paper而家已經喺指定超市，包括FUSION、TASTE、FOOD PARC同埋GREAT有售喇！

快啲去屋企附近嘅門市揀返張料理紙，買齊材料，今晚一於試下自己大顯身手啦！

(Presented by PNS)