滙豐信用卡獨家飲食優惠：一日三餐全攻略—— 17間必試餐廳推介｜連續6年泰國米芝蓮必比登推介 + 法國藍帶甜品 + 抹茶控天堂
滙豐信用卡為大家推介得餐廳，又點少得超值優惠？由即日起至2025年9月30日，用滙豐信用卡喺以下指定餐廳埋單，即享高達6折優惠，部分仲送免費食品或飲品！等你可以食得開心又慳錢。咁抵嘅機會，你又點可以錯過？仲唔快啲跟住攻略，約齊家人老友去試勻佢！
午餐救星！必吃美食大推介
1. 日式天婦羅專門店 – 天ぷらまきの
天ぷらまきの係一間嚟自日本關西嘅天婦羅專門店，喺2022年正式登陸香港。佢哋嘅天婦羅採用自家特製炸漿，新鮮即叫即炸，確保每件天婦羅都有無可比擬嘅香脆口感。天ぷらまきの嘅特色係採用「Tsudoage」風格，即係席前一對一為你即製最新鮮嘅天婦羅。佢哋採用同日本相同嘅麵粉、高湯、蘸醬同日本雞蛋調製天婦羅麵糊，原汁原味呈現日本元祖店嘅高品質天婦羅。食材包括多款時令海產同蔬菜，仲有各種嶄新嘅配搭，務求為客人帶來正宗而非一般嘅美食體驗。
呢度嘅招牌菜式包括「沖繩阿古豬漢堡、日本蛋天婦羅丼配雜錦天婦羅定食」。沖繩阿古豬漢堡扒係日本直送，肉質鮮嫩多汁；仲有外脆內軟嘅日本雞蛋天婦羅，咬開就會流出濃濃嘅蛋液，配埋啲米飯食就更加過癮；另外仲有「鰻魚．天婦羅御膳套餐」，蒲燒鰻魚外脆內軟，香甜濃郁。套餐嘅天婦羅有豆角、茄子同南瓜等，款款都係新鮮即炸，爽脆唔油膩。如果想食小食，「野菜蝦什錦天婦羅」都係一個好選擇，有多隻爽滑彈牙嘅去殼海蝦，仲有香甜多汁嘅洋蔥同三色豆等雜菜，蘸埋天婦羅汁食就更加開胃。
天ぷらまきの香港分店嘅裝修主要以日系木質風格為主，燈光明亮，環境自然優雅。等你可以同家人朋友一同舒適咁享受新鮮烹製嘅時令菜餚同食材，絕對係一個難忘嘅日式美食體驗。
天ぷらまきの
沙田分店：沙田新城市廣場一期159號舖
訂座電話：2887 9618
葵芳分店：葵芳興芳路233號新都會廣場1樓107-108號舖
訂座電話：2887 0089
旺角分店：旺角新世紀廣場3樓352號舖
訂座電話：2887 0838
滙豐信用卡專享優惠
- 惠顧主食可享飲品及甜品8折（公眾假期除外）
– 優惠不可與其他電子優惠券、現金券、其他優惠或折扣、EN DINING 會員折扣同時使用。
– 如有任何爭議，Tempura Makino 保留最終之決定權。
2. 經典台式風味 – 桂花小幸
想食正宗台灣菜，桂花小幸絕對係你嘅首選！呢間餐廳主打台式料理，環境舒適，充滿文青味，非常適合同朋友聚會。
嚟桂花小幸就絕對唔可以錯過佢哋嘅招牌菜「紅燒牛肉麵」—— 湯底係用大骨長時間熬製，清甜濃郁，配上軟嫩多汁嘅半筋半肉牛腱，食落口香濃惹味，認真過癮！除咗牛肉麵，佢哋仲有好多台灣名物，例如台式蛋餅、鹽酥雞扒藥膳麵同埋三杯雞等，樣樣都係地道台式風味。如果想食小食，桂花小幸嘅鹽酥雞扒同桂花雞翼都係必試之選：鹽酥雞扒外脆內嫩，雞肉鮮嫩多汁；而桂花雞翼就配上獨特嘅桂花醬，香甜解膩，非常惹味。飲品方面，桂花小幸都有多款特色手搖飲品，例如黑糖珍珠鮮奶、寒天水晶可可同芝士奶蓋桂花烏龍茶等，選擇多不勝數，啱晒鍾意台式飲品嘅朋友。
桂花小幸原本價錢已經相當抵食，而家用埋滙豐信用卡仲有獨家優惠，仲唔快啲嗌埋鍾意食台灣嘢嘅家人朋友一齊試試佢！
桂花小幸
元朗分店：元朗青山公路 – 元朗段249-251號元朗廣場G樓003 & 005號舖
訂座電話：2123 9497
將軍澳分店：將軍澳唐德街1號將軍澳廣場1樓L1-133 – L1-134 – L1-135號舖
訂座電話：3106 2238
滙豐信用卡專享優惠
- 堂食惠顧滿港幣300或以上可享港幣50元折扣
– 須到收銀台出示合資格信用卡並結帳，方可享有優惠。
– 優惠不可與其他優惠或折扣同時使用。
– 桂花小幸保留隨時修改或終止此優惠的權利。
3. 地道台式夜市風味 – 麻吉
麻吉帶你穿梭台灣夜市，品嚐地道台式滋味！呢度嘅招牌菜式包括「麻吉蚵仔煎」、「古早牛肋麵」同埋「大甲芋泥芝士肉鬆蛋餅」等，樣樣都係台灣夜市嘅人氣美食，選擇豐富。
蚵仔煎係麻吉嘅皇牌之一，鐵板上煎到金黃香脆，蚵仔鮮甜多汁，配埋蛋漿同菜蔬，香口惹味。「古早牛肋麵」湯底濃郁，滿滿嘅牛肉鋪喺麵上面，牛肉軟嫩入味，麵條彈牙爽口，口感一流，絕對係台式麵食嘅代表作！如果想試下特別啲嘅，不妨試下「大甲芋泥芝士肉鬆蛋餅」，芋泥、芝士同肉鬆都分量十足，每一啖都充滿新奇嘅口感，芝士嘅鹹香更令蛋餅提升到另一個層次。仲有佢哋嘅「麻吉肥牛臭臭鍋」都一定唔可以錯過。呢個惹味嘅鍋物裏面有肥牛、臭豆腐同埋金針菇等材料，香濃夠味，啱晒一班麻吉朋友圍爐食。除咗主食，麻吉仲有唔少小食同飲品。特別推介「鮮鳳梨綠茶」，清新可口，勁適合配搭火鍋。最後仲可以試埋佢哋嘅「麻薯豆乳芒果雪糕」，滑順得嚟仲帶有勁濃豆腐香味。
而家麻吉推出咗「滙豐專屬二人套餐」，仲要有限時75折優惠，等你可以用最抵價錢一次過試勻晒以上各款招牌菜式。仲唔快啲把握機會，搵埋家人老友嚟體驗吓正宗嘅台灣風味！
麻吉灶咖
尖沙咀分店：九龍尖沙咀河內道18號 K11 Art Mall地庫二層B226及B227A號舖
訂座電話：2321 2881
銅鑼灣分店：香港銅鑼灣軒尼詩道500號希慎廣場3樓302-305號舖
訂座電話：2363 9988
麻吉哩厚
地址：九龍尖沙咀海港城港威商場3樓3208鋪
訂座電話：2633 7388
滙豐信用卡專享優惠
- 惠顧滙豐專屬二人套餐，可享75折優惠（原價港幣478元，售價港幣358元）
– 優惠不適用於2025年7月1日。
– 優惠只適用於堂食。
– 另收加一服務費，加一以推廣價計算。
– 須以滙豐信用卡結賬以享優惠。
– 優惠不可與其他折扣、優惠劵、推廣優惠同時使用。
– 產品如有售罄，恕不另行通知。
– 如有任何爭議，麻吉保留最終決定權。
4. 正宗新加坡美食 – 咖吔
咖吔係一間主打新加坡菜式嘅餐廳，以親民價格提供正宗星洲美食。佢哋嘅招牌菜式包括「無骨海南雞」同「新加坡白胡椒肉骨茶」等，令人回味無窮。而家滙豐信用卡持卡人仲可以享有指定精選二人套餐7折優惠，等你可以一次過試晒啲招牌菜！
佢哋嘅「無骨海南雞」一定係必試之選—— 雞肉去除咗大部分骨頭，啖啖都係肉。雞肉嫩滑唔嚡口，蘸埋黑豉油同薑蓉，簡直係絕配！人氣菜式「新加坡白胡椒肉骨茶」都勁正！湯底有少少辣，但係好開胃。仲有好多豬肉同埋豬肚：豬肉柔軟多汁，一啲都唔柴；豬肚軟腍入味，勁香胡椒味！如果想食啲特別嘅，仲可以試埋「新加坡鹹蛋黃魚皮」，香脆可口。飲品方面都好有特色，例如鹹鹹甜甜嘅「桔仔話梅水」、口感豐富嘅「美祿哥斯拉」同滑順香濃嘅「馬來拉茶」等，都相當值得一試。最後記得唔好錯過佢哋嘅甜品，尤其係「娘惹炸鮮奶」，奶香濃郁又滑溜，食完個人大滿足。
咖吔提供嘅新加坡美食，味道出色又足料，相當抵食！啱哂一家大細或者朋友聚餐，仲唔快啲嚟試吓！
咖吔
北角分店：北角渣華道123號北角廣場二期地下G09號舖
訂座電話：2576 8989
沙田分店：沙田橫壆街1-15號好運中心3樓3008-3009號舖
訂座電話：2427 8989
將軍澳分店：將軍澳重華路8號東港城1樓112A號舖
訂座電話：2555 1989
屯門分店：屯門屯隆街1號錦薈坊3層301-306 號舖
訂座電話：2511 9990
滙豐信用卡專享優惠
- 指定精選二人套餐7折
– 優惠另設加一服務費並以原價計算。
5. 度假風泰式Fusion菜 – ASOK THAI GARDEN
想食泰國嘢但又唔想太傳統？ASOK THAI GARDEN就啱晒你！呢度主打泰式Fusion菜，環境好有度假feel，白色主調配搭田園風，加埋藤椅、石仔路、榻榻米座席等設計，等你一坐低就好似去咗泰國度假咁！超適合拍拖，或者搵埋班姊妹嚟聚餐、打卡輕鬆一下！
ASOK THAI GARDEN嘅招牌菜式多不勝數，例如「炸蝦咸蛋黃咖喱拌麵」—— 香脆嘅炸蝦，鹹蛋嘅鹹香，濃郁嘅黃咖喱同埋軟硬適中嘅拌麵，將泰式同港式完美結合。「冬蔭功蕃茄忌廉雞肉意粉」更係泰意fusion嘅代表作—— 微辣微酸嘅味道加埋意粉嘅新奇組合，真係令人欲罷不能！仲有香濃惹味嘅「馬莎文咖喱牛肉飯」、開胃爽口嘅「泰式酸辣鳳爪」等，多種菜式任君選擇。飲品方面都好有特色，有「榛子美祿」等fusion特飲，仲有「泰國奶茶」同「香茅檸檬茶」等傳統泰式飲品，總有一款啱你心水。最後記得試埋「榴槤雪糕」同「芒果糯米飯」，嚟返個甜蜜ending！
ASOK THAI GARDEN
尖沙咀分店：尖沙咀亞士厘道37號地舖
訂座電話：2559 7391
荃灣分店：荃灣楊屋道1號荃新天地UG樓UG37號舖
訂座電話：2668 1007
滙豐信用卡專享優惠
- 凡惠顧午餐2客，即可以港幣1元換購生蝦刺身（4隻）（原價港幣40元）
– 優惠不適用於星期六，日及公眾假期。
– 商品數量有限，售完即止。
– 如有任何爭議，ASOK THAI GARDEN保留最終決定權。
悠閒Brunch+下午茶！超正輕食飲品推介
1. 創意和洋融合料理 – QUE
QUE係一間融合日式同西式料理嘅Cafe，提供多款創新美食。餐廳裝修行日系清新溫柔風，燈光柔和，座位寬敞舒適，加埋可愛嘅貓貓元素，充滿少女心，非常適合搵幾個老best一齊嚟嘆吓打吓卡。
QUE最近就推出限時嘅「夏日祭」menu，主打將新鮮水果融入菜式之中，為大家帶嚟清新嘅夏日滋味。推薦菜式包括「香煎鳳梨鴨胸配熱情果香蕉醬同芥末薯蓉」—— 將鹹香嘅鴨胸同酸甜多汁嘅鳳梨完美結合，層次豐富；「肉桂牛油烤蘋果配雲呢拿雪糕」—— 冷熱配搭，烤過嘅蘋果帶有少少酸味，但口感依然爽脆，同甜甜嘅雪糕一齊食甜而不膩，和諧又新奇；仲有清新解渴嘅「菠蘿青瓜迷迭香氣泡飲」同「紅肉火龍果桃桃西柚氣泡飲」都好受歡迎。
除咗期間限定menu，QUE仲有好多招牌菜值得一試，例如創新又特別，勁高人氣嘅「壽司Taco」。特別推薦「長腳蟹棒牛油果蟹籽壽司塔可」同「軟殼蟹壽司塔可」，兩款都係用天婦羅炸法去整紫菜，令食落口感好酥脆，仲鋪滿蟹籽。中間夾層有牛油果、番茄同壽司飯，口感豐富又唔會覺得油膩。另一款必試嘅係「北海道牛油帶子寬扁麵」：帶子煎得外脆內嫩，寬扁麵掛滿海膽忌廉汁，麵條煙韌，味道濃郁豐富，超級滿足。
整體嚟講，QUE嘅環境舒適，菜式創新。無論係想同另一半嚟個舒適約會，定係同朋友喺炎炎夏日邊吹水，邊享受清爽嘅輕食，QUE都絕對係一個好選擇。
QUE
旺角分店：新世紀廣場第4層453號鋪
訂座電話：3586 9939
尖沙咀分店：圓方水區1樓1028A號舖
訂座電話：2337 3233/ 2337 3277
銅鑼灣分店：希慎廣場地庫1樓B111-112號鋪
訂座電話：3468 8188
東涌分店：東薈城2樓284-285號舖
訂座電話：2381 8813
沙田分店：新城市廣場第1期第1層126號舖
訂座電話：2723 0700
葵涌分店：新都會廣場第5層547-565號鋪
訂座電話：2321 9388
元朗分店：形點I 第一層1030A號鋪
訂座電話：3758 2220
滙豐信用卡專享優惠
- 消費滿港幣300元（不包括加一服務費），可享果物冰茶買一送一
– 優惠不適用於2025年7月1日。
– 優惠只適用於星期一至五全日堂食。
– 另收加一服務費，加一以原價計算。
– 須以滙豐信用卡結賬以享優惠。
– 每檯每次消費只可享用優惠一次，恕不接受分單或拆賬。
– 優惠不可與其他折扣、優惠劵、推廣優惠同時使用。
– 產品如有售罄，恕不另行通知。
– 如有任何爭議，QUE 保留最終決定權。
2. 高質法國藍帶甜品 – TERA
TERA係一間由法國藍帶廚師主理嘅Cafe，主打日式梳乎厘班戟，仲有各式精緻甜品同輕食。裝飾以日系木質調為主，燈光明亮，環境舒適，充滿文青feel。無論係想自己chill吓relax吓，定係想同朋友吹水小聚，呢度都相當合適。
TERA嘅招牌梳乎厘班戟真係好鬆軟，而且充滿蛋香。因為佢哋用嘅係日本新紀元雞蛋，加埋法國麵粉同牛油，質素相當有保證。「杜拜朱古力梳乎厘班戟」係近期大熱嘅口味，使用由比利時朱古力製成嘅朱古力醬，味道香濃。再加埋杜拜朱古力脆脆同芝麻醬，真係超級邪惡。朱古力迷一定鍾意！另外，焦糖燉蛋口味都係必試之選，表面嘅焦糖十分香脆，甜而不膩，口感豐富。
除咗甜品，TERA嘅主食都好有水準。「慢煮豬鞍架」肉質超級juicy嫩滑，調味啱啱好。「煙三文魚牛油果配窩夫」都係一個好選擇—— 即叫即煮嘅窩夫又脆又香，配埋油香嘅煙三文魚，絕對係完美組合！飲品方面，呢度嘅咖啡都好出色，酸度唔會太高。如果天氣熱，可以試吓佢哋嘅「Espresso Tonic」，清爽解渴又夠提神。抹茶控就一定要試吓「抹茶鮮奶」—— 抹茶味道濃郁撲鼻，啱啱好中和吓甜品嘅味道，配班戟一流！
TERA
佐敦分店：佐敦廟街273-285號寶發大樓地下4號舖
訂座電話：5406 8250
元朗分店：元朗元龍街9號形點I L1樓1075號舖
訂座電話：5628 8068
大圍分店：大圍車公廟路18號圍方3樓320號舖
訂座電話：6238 2070
滙豐信用卡專享優惠
- 單點餐牌72折
- 所有套餐8折（下午茶套餐除外）
3. 世界級精品咖啡與美食 – Cupping Room
想嘆杯靚啡？不妨試吓Cupping Room啦！Cupping Room係一間屢獲殊榮嘅精品咖啡烘焙店，喺香港多個地方都有分店。佢哋嘅咖啡係直接同農夫合作，每個季節都買返當季嘅咖啡豆，細心烘焙，等大家可以飲到酸甜度平衡嘅咖啡。呢度嘅咖啡品質一流，咖啡豆非常新鮮，飲落口感醇厚。無論係拿鐵定係美式，都係香濃滑順，唔會太苦。
Cupping Room除咗有世界級咖啡，仲有豐富滋味嘅菜式。招牌菜包括「班尼迪克特蛋配煙燻三文魚」同「招牌忌廉雞肉意粉」。前者嘅蛋黃煮得啱啱好，完美流心，配埋煙三文魚同香濃荷蘭醬，鹹香交織，層次豐富。至於後者就有香滑creamy嘅忌廉汁，仲可以揀辣同唔辣。推薦揀辣味，加咗少量辣粉，惹味得嚟又平衡膩感。
甜品方面，佢哋嘅「雜莓法式西多熱香餅」相當出色。pancake蓬鬆又充滿蛋香，表面酥脆內裏軟滑。如果加配埋雪糕，喺熱辣辣嘅pancake上面慢慢溶化，同雜莓嘅酸甜味道完美融合，簡直係視覺同味覺嘅雙重享受。仲有「開心果巴斯克芝士蛋糕」都係必食嘅—— 表層微焦，蛋糕質地香滑綿密，食落非常順滑，香甜唔膩。
店舖設計以簡約風格為主調：白色牆身配深木色傢俬，環境寧靜舒適，啱晒自己嚟chill吓，或者同朋友傾吓計放鬆吓。特別一提，佢哋嘅西九文化區同埋海港城分店，有無敵勁靚海景。同埋而家喺Cupping Room用滙豐信用卡埋單，仲有消費滿港幣100蚊全單88折優惠，仲唔快啲嚟嘆吓靚啡靚景！
Cupping Room/ Cupping Room Coffee Roasters
尖沙咀分店1：尖沙咀廣東道5號海港城海洋中心3樓309號舖
訂座電話：9446 8699
尖沙咀分店2：尖沙咀西九文化區博物館道8號香港故宮文化博物館地下低層Museum Cafe 1
訂座電話：9311 8689
觀塘分店：觀塘觀塘道418號創紀之城五期（apm）大堂高層15號舖
訂座電話：6879 8018
中環分店：中環蘇豪荷李活道49號鴻豐商業中心1樓
訂座電話：5523 3988
上環分店：上環皇后大道中287-299號永傑中心LG號舖
訂座電話：5277 9488
東涌分店：東涌達東路20號東薈城名店倉2樓263號舖
訂座電話：6112 6106
滙豐信用卡專享優惠
- 惠顧港幣100元以上可享全單88折
4. 抹茶控天堂 – sundazed
sundazed係一間抹茶專門店，位於中環嘅心臟地帶。呢度嘅抹茶系列產品包括雪糕新地、飲品、布甸同啫喱，每一樣都充滿濃郁茶香，絕對係抹茶控嘅天堂！
飲品方面，佢哋嘅「招牌奶蓋抹茶拿鐵」分成三層：面頭係奶泡，中間係濃郁嘅抹茶，底層就係牛奶。抹茶味道超濃，仲會飲到少少抹茶粉，但又唔會太甜，簡直係完美嘅balance。除咗飲品之外，佢哋嘅「招牌超濃宇治抹茶新地」都係必試之選—— 抹茶絲滑濃郁，仲有Q彈嘅抹茶啫喱喺底部，口感豐富，好特別。仲有佢哋嘅布甸都相當出色。「抹茶布甸」分為三層：面頭係開心果醬，中間係牛奶布甸，底層就係抹茶布甸。抹茶布甸香濃甘醇，牛奶布甸勁重牛奶香，三層配搭得啱啱好，唔會太heavy。「焙茶布甸」嘅口感一樣超級順滑，茶味濃郁，配上香甜嘅北海道牛乳布甸夾層，甜度恰到好處。
最近佢哋仲推出咗開心果系列，例如「開心果抹茶拿鐵」—— 面頭有cream同開心果碎，開心果味好出，仲有少少果仁鹹香，將開心果嘅香濃同抹茶嘅清香完美結合，絕對值得一試。而家sundazed仲同滙豐信用卡合作，只要單一簽帳消費滿港幣50蚊，即可享8折優惠，真係超抵！仲唔快啲嗌埋鍾意抹茶嘅老友，把握今次機會試爆佢！
sundazed
地址：中環皇后大道中100號地下A鋪
滙豐信用卡專享優惠
- 單一簽帳消費滿港幣50元可享8折優惠
– 優惠只適用於正價商品。
– 優惠不能與其他推廣、折扣或優惠券同時使用。
– 優惠只適用於店內購物。
5. 台式手搖飲品專家 – 萬波
萬波係一間嚟自台灣嘅手搖飲品店，主打傳統中帶點創新嘅茶飲，每一杯都係人手搖製，堅持傳承「古早味」同分享美好。佢哋嘅裝修風格好特別：多用深色木材、磨砂玻璃、布簾等復古元素，充滿舊時台灣懷舊樸實嘅氣息，但又帶有小清新嘅感覺。
佢哋嘅飲品種類相當豐富，款款都好有特色。好似佢哋嘅「金萱珍波粉」—— 用金萱青茶做base，清爽嘅茶味配上Q彈嘅粉粿同珍珠，口感豐富又清爽；仲有「珍玉冬瓜露」—— 濃郁嘅冬瓜茶配上煙韌嘅珍珠同軟滑嘅愛玉，口感新奇，啖啖都係驚喜，非常過癮。「黑糖珍珠鮮奶」都係萬波嘅人氣之選—— 黑糖香氣同鮮奶嘅滑順完美配搭，珍珠富有嚼勁，口感超滿足。至於「金萱青茶」，就啱晒鍾意清香茶味嘅朋友，飲完好解渴。如果想試啲特別嘅，「香草籽布蕾波霸奶茶」都係一個好選擇。表面鋪滿香草籽，味道清香帶甜，芝士奶蓋味道鹹香，口感厚身濃稠。紅茶茶底味道唔苦澀，充滿茶香，可以中和奶蓋嘅膩感，飲落好清爽。
夏日炎炎，相信各位對「楊枝金露」、「芒果河粉」等糖水都十分熟悉。而家喺萬波都可以飲到喇！仲有多款特色水果飲品，啱晒夏天清爽一下！而家喺萬波用滙豐信用卡畀錢，仲可以享有第二杯6折嘅超值優惠，仲唔即刻將呢個好消息share俾你摯愛珍奶嘅老best聽！
萬波
葵涌分店：新界葵涌葵富路7-11號葵涌廣場3樓302B號鋪
電話：3481 1696
荃灣分店：新界荃灣荃興徑10-18號富榮大廈地下03號舖
電話：2895 2922
坑口分店：新界將軍澳坑口常寧路2號TKO Gateway西翼1樓W101B號舖
電話：2638 3390
天水圍分店1：新界天水圍天耀邨天湖路2號天耀廣場地下L042號鋪
電話：9684 1306
天水圍分店2：新界天水圍天恩路12-18號+WOO一期地下G61號舖
電話：2617 8998
屯門分店：新界屯門鄉事會路2A號愛定商場地下a-131號店
電話：6929 0039/ 2427 8998
滙豐信用卡專享優惠
- 買一杯，第二杯同等或更低價值的飲品可享6折優惠
– 優惠不可與任何其他優惠或折扣（包括學生和長者折扣）同時使用。
夜夜Chill唔停！必試晚餐 + 微醺宵夜精選
1. 泰式風味船麵 – 阿叔泰麵
阿叔泰麵主打泰國船麵同埋街頭小食，裝修風格都充滿泰國色彩。佢哋嘅招牌菜「阿叔船麵」牛骨湯底牛味濃郁，帶有藥材嘅甘甜味，仲有泰國牛丸、炸豬皮、芽菜等豐富配料，配埋又滑又薄又掛湯嘅泰式河粉，啖啖都係泰國風味。唔使飛都可以食到正宗嘅泰式船麵！
除咗船麵，阿叔泰麵仲有好多泰式美食值得一試。例如「柚子蝦沙律」就用咗新鮮爽口嘅蝦同埋爽甜柚子，酸酸甜甜。加埋紫洋蔥、乾蒜、香蔥，層次豐富，真係好開胃！佢哋嘅「蝦功拌飯」都好受歡迎—— 蝦肉彈牙，醬汁惹味。仲有「蛋炒咖喱蟹肉飯」嘅黃咖喱好香好濃郁，超級啱餸飯，蟹肉份量十足，啖啖鮮味。小食方面，生炸蝦餅外脆內軟，十分香口，加埋甜酸醬更添風味。甜品方面，一定要嗌「芒果糯米飯」—— 芒果好甜，加埋濃郁嘅椰漿簡直絕配！至於飲品，十分推薦採用自家配方嘅「泰式奶茶」，茶味香濃唔苦澀，同煉奶完美融合，甜而不膩。
阿叔泰麵
地址：太古太古城道26號太古城金殿臺漢宮閣地下G409號舖
訂座電話：2668 5722
滙豐信用卡專享優惠
- 晚市惠顧蛋炒咖喱蟹肉飯、蟹肉炒飯或阿叔和牛船麵，即可以港幣1元加購青木瓜沙律（原價港幣78元）
– 優惠只適用於晚市6點後。
– 商品數量有限，售完即止。
– 如有任何爭議，阿叔泰麵保留最終決定權。
2. 連續6年泰國米芝蓮必比登推介 – 帕泰家
帕泰家係連續6年榮獲泰國米芝蓮必比登推介嘅餐廳，原來喺香港都有分店！咁就唔使飛泰國，喺香港都食到正宗泰式美味喇！
喺登陸香港嘅第四個年頭，帕泰家特別請嚟擁有超過30年泰菜經驗嘅泰籍廚師Pichet Putharaksa（車師傅）坐鎮，並帶領全泰籍廚師團隊研發全新菜單。新菜單提供超過60款泰式美饌，涵蓋一系列人氣泰菜同埋泰式街頭小炒，採用泰國進口食材及調味料，務求充份還原泰國大排檔的街頭風味，為大家呈獻最地道嘅泰式滋味。
新菜單嘅招牌菜式包括「泰式雜錦海鮮桶」，入面有原隻波士頓龍蝦、虎蝦、鮑魚、魷魚同青口等等，配上惹味嘅辣醬，同海鮮嘅鮮味完美融和，真係諗起都流晒口水。除咗海鮮，「酸辣火山排骨」都好出色。排骨肉質嫩滑，配上酸辣開胃嘅醬汁，食落去層次豐富又過癮。「泰式炒河粉」都係必食嘅。佢哋嚴選優質河粉同新鮮食材，再加上師傅嘅純熟技藝，炒出嚟嘅河粉鑊氣十足，彈滑入味，煙韌可口。飲品方面，推介大家試下佢哋嘅清新解渴嘅「鮮榨西瓜汁」同香濃順滑嘅「泰式奶茶」。最緊要唔會太甜，啱晒香港人口味！
而家滙豐信用卡持卡人喺帕泰家用滙豐信用卡埋單，仲可以用超荀優惠價享用晚膳套餐，低至八折。仲唔快啲趁呢個機會，搵埋另一半同屋企人嚟飽餐一頓！
帕泰家
地址：太古太古城道18號太古城中心2樓255及266號舖 Carnival by Food Fiesta 內
訂座電話：2666 9078
滙豐信用卡專享優惠
- 以匯豐專屬優惠價港幣838元享用泰式海鮮桶4人晚膳套餐（原價港幣1,042元）
- 以匯豐專屬優惠價港幣320元惠顧招牌2人晚膳套餐（原價港幣400元）
– 晚市時段為下午六時後供應。
– 優惠只適用於太古城店及堂食。
– 優惠不可與其他推廣優惠同時使用，並不設退換。
– 每張合資格信用卡最多可享晚市套餐1份。
– 如有爭議，Global Link Retail Management 保留最終決定權。
– 食物款式會因應貨源或季節而調整，恕不另行通知，一切以商品之最新公佈為準。
3. 自然泰式風情 – Bamboo Thai
Bamboo Thai 以木同竹作為餐廳裝飾主調，營造出泰國嘅自然氣息，等客人可以以放鬆嘅心情悠閒享受美食。呢度嘅廚師以新派手法重新演繹傳統泰國菜式，帶嚟不一樣嘅泰式滋味。
餐廳嘅招牌菜「火山排骨」絕對要試—— 堆成火山咁嘅豬頸骨，配上泰式香料，味道酸甜帶啲辣，既滿足肉食愛好者嘅需求，又唔會太油膩。另一樣推介嘅菜式係「泰式蛋咖喱炒皇帝大虎蝦」。蛋咖喱濃郁香滑，大隻嘅虎蝦肉質爽口彈牙，兩者完美配搭，香氣撲鼻。仲有「沙嗲雞串燒」更係令人驚喜—— 雞肉嫩滑，炭火燒得香口，配上濃郁嘅沙嗲醬，超級惹味。「泰式火車頭和牛炒飯」亦相當唔錯：和牛粒大大粒，炒飯粒粒分明，鑊氣十足。如果唔想食咁多肉，「飛天通菜」新鮮爽脆，有微辣同蒜香味，都十分值得一試。如果想食啲清新嘅，「大蝦清新柚子沙律」都係個好選擇。蝦肉爽口，柚子肉多汁，酸酸甜甜嘅味道好開胃。另外，Bamboo Thai 仲有多款甜品同飲品。甜品推薦「芒果糯米飯」—— 軟糯嘅糯米飯配上香甜嘅芒果同順滑嘅椰奶，口感勁豐富。飲品方面同樣選擇眾多，特別推薦「椰林飄香」同「士多啤梨香蕉沙冰」，清爽得嚟唔會太甜，啱晒夏天飲用。
Bamboo Thai
旺角分店：旺角亞皆老街8號朗豪坊8樓02-03 號舖
訂座電話：2111 9948
荃灣分店：荃灣楊屋道8號如心廣場1期1/F 105-106 號舖
訂座電話：2662 0062
屯門分店：屯門屯盛街1號屯門市廣場1期3樓3226號舖
訂座電話：2155 4291
黃竹坑分店：黃竹坑香葉道11號 THE SOUTHSIDE 2樓204號舖
訂座電話：2117 0636
滙豐信用卡專享優惠
- 惠顧主餐牌滿港幣400元或以上（加一服務費前計算），即可享9折及免費獲贈芒果糯米飯一客（價值港幣78元）
– 優惠只適用於堂食。
– 優惠另收加一服務費，並以原價計算。
– 優惠不適用於2025年7月1日。
– 優惠不可與其他優惠、特別促銷或折扣同時使用。
– 如有任何爭議，Bamboo Thai 保留最終決定權。
4. 沖繩風味居酒屋 – 笑宴
笑宴係一間位於灣仔利東街嘅日式居酒屋，主打地道沖繩家常菜同正宗居酒屋料理。呢度嘅環境超有和風feel，木系設計加上暖燈，令人好似真係置身日本嘅居酒屋一樣，非常適合放工後約埋朋友同事嚟小酌一杯。
餐廳由擁有35年經驗嘅日籍總廚主理，菜式款款都有驚喜。必食推介包括「板前炙燒日本牛扒」—— 牛扒上枱後即場火炙，肉質鮮嫩至極，油香滿溢。另外「廣島蠔松前燒」都係必試之選—— 蠔肉肥美，口感creamy，配酒一流。另外，「明太子忌廉烏冬」都十分推薦一試，醬汁濃郁，烏冬掛汁力強。
除咗主菜，笑宴仲有好多惹味嘅小食，例如「炸沖繩苦瓜片」、「雞肉大葉串燒伴梅子醬」等等，都係佐酒嘅好選擇。甜品方面，推薦大家試下「海鹽雪糕拼炸沖繩紅芋球」—— 紅芋球外脆內軟，配埋海鹽雪糕，鹹甜融和，完美收尾。而飲品方面，除咗各款日本酒之外，仲有好多特色cocktail，例如「青檸泡盛」、「四季柑威士忌梳打」等，清新解膩，好啱夏天飲。
笑宴
地址：灣仔皇后大道東200號利東街地下G02-03號舖
訂座電話：2869 1228
滙豐信用卡專享優惠
- 惠顧主食可享飲品及甜品8折（公眾假期除外）
– 優惠不可與其他電子優惠券、現金券、其他優惠或折扣、EN DINING 會員折扣同時使用。
– 如有任何爭議，SHO-EN 保留最終之決定權。
5. 新派韓風美饌 – ANJU Modern Korean
ANJU Modern Korean 係一間位於圓方嘅新派韓國餐廳，將傳統韓國菜式融合西式烹調風格，打造出獨特嘅韓式fusion美食。餐廳設計以紅黑藍為主色調，配搭松綠色嘅座椅，再加上色彩斑斕嘅壁畫同醒目嘅霓虹燈，營造出時尚潮流嘅氛圍。
餐廳嘅招牌菜式包括「醬油帶子鮑魚」、「蟹肉三文魚籽鬆餅」同埋「醬烤五花肉」等。「醬油帶子鮑魚」清新爽口，新鮮嘅帶子刺身同鮑魚切片配上酸辣醬汁，非常開胃，作為前菜無可挑剔；「蟹肉三文魚籽鬆餅」則非常創新—— 鬆餅好有咬口，配上濃郁嘅蟹肉同大量三文魚籽，口感勁豐富；「醬烤五花肉」係用韓國大醬烤製，肉味濃厚，配埋紫蘇葉同白生菜包住食，加埋蒜頭同蔥花，味道好有層次。
除咗以上嘅招牌菜之外，ANJU Modern Korean 仲有好多值得一試嘅美食。例如「黑松露和牛拌飯」就將傳統韓式拌飯加入黑松露同和牛，創新又美味。「大醬青檸粟米」都好特別—— 粟米烤到焦香，再淋上酸辣嘅大醬青檸汁，開胃又惹味。飲品方面，餐廳提供多款韓國米酒、燒酒同紅白酒，仲有多款特色無酒精雞尾酒，特別推薦清新嘅「Melona Mango Mocktail」同「Cucumber Kiwi Surprise」，就算有朋友唔飲酒都冇問題。ANJU Modern Korean真係啱晒收工後同同事朋友小酌一番，慢慢吹水chill吓！
ANJU Modern Korean
地址：九龍柯士甸道西1號圓方演薈廣場R004號舖
訂座電話：2196 8733
滙豐信用卡專享優惠
- 惠顧主餐牌消費滿港幣1,000元或以上（加一服務費前計算），即可獲贈精選意大利氣泡酒一瓶（價值港幣388元）
– 優惠只適用於堂食。
– 優惠另收加一服務費，並以原價計算。
– 優惠不可與其他折扣或優惠同時使用。
– 如有任何爭議，ANJU Modern Korean 保留最終決定權。
6. 高空美景配創意雞尾酒 – Arcadia
Arcadia係一間位於銅鑼灣Midtown頂樓嘅西餐廳。環境設計充滿心思，好似置身花卉之中，充滿浪漫同神秘氣氛。裝潢以藍白色為主調，每個角落都透露出細緻品味。天台為outdoor bar，設計主題為粉紅Flamingo熱帶雨林，精心擺設勁啱打卡，仲有熱氣球造型嘅卡位。加埋可以飽覽維港海景，絕對係同同事老友吹水聚會，或者同另一半甜蜜約會嘅好地方。
餐廳嘅招牌菜包括「香烤西班牙八爪魚腳」同「澳洲M3和牛肉眼扒」。前者嘅八爪魚腳烤得非常香口，外層略帶焦香，內裏依然保持嫩滑；後者則鮮嫩多汁，每一啖都充滿和牛嘅香氣。除咗食物，Arcadia嘅cocktail都好有特色，仲會以唔同故事作為主題。例如以《阿拉丁》為靈感嘅「一千零一夜」—— 清酒配合熱情果同伯爵茶，清爽易入口。重點係使用阿拉丁神燈造型嘅器皿，充滿魔幻色彩，點火後嘅效果更加係非常夢幻。仲有《Harry Potter》主題嘅「開學日」—— 蘭姆酒加入加勒比鳳梨嘅熱帶風味，利用牛油浸洗法調配而成，尾韻係黃油啤酒香味。容器同樣充滿心思，成個迷你魔藥缸咁。餐廳仲會用魔仗施魔咒點火，煙霧瀰漫嘅景象令人覺得好似真係進入咗魔法世界咁，極富視覺衝擊同儀式感。
總括嚟講，Arcadia無論環境、食物定cocktail都勁有心思同創意，好睇又好食，仲要超級打卡able，絕對值得一試。
Arcadia
地址：銅鑼灣登龍街1-29號金朝陽中心二期 – Midtown 30樓
訂座電話：9330 0396
滙豐信用卡專享優惠
- 食品85折及免費獲贈指定迎賓飲品兩杯 (星期一至五)
– 優惠只適用於晚上10時前離座。
– 優惠不適用於公眾假期。
– 優惠不可與其他優惠同時使用。
– 優惠另設加一服務費並以原價計算。
7. 美式煙燻美味 – Smokehouse Bar & Grill
想食美式煙燻烤肉？想搵個好地方同friend chill到深夜？Smokehouse Bar & Grill絕對係你嘅首選！呢間位於朗豪坊頂層嘅酒吧扒房，主打煙燻烤肉，啱晒鍾意食肉嘅你。仲有各式美酒cocktail，加埋燈光柔和，富有情調嘅環境，無論係想同另一半約會談心，或者慶祝紀念日，定係同老友relax吹水都非常合適。
Smokehouse嘅主打就係煙燻肉類。佢哋用19世紀初嘅古法慢烤煙燻技術，將上乘部位嘅肉類燻製成風味絕倫嘅煙燻肉，提升肉類嘅嫩度同口感。最受歡迎嘅菜式一定係「肉類盛宴」。呢個拼盤包括煙燻牛胸肉、燒豬肋骨、手撕豬肉、墨西哥辣椒芝士腸同圖林根腸。牛胸肉軟淋多汁，煙香四溢；豬肋骨骨肉分離，好方便食；而辣椒芝士腸就香口惹味。仲有燒粟米同檸檬椰菜沙律做配菜，平衡一下，滿足得嚟又唔會太膩。啱晒食肉獸！除咗拼盤之外，佢哋嘅「乾式熟成封門牛柳」都值得一試。牛柳先封乾外面再煎至5成熟，外面香噴噴，入面仲保持住鮮嫩肉汁，配埋西班牙辣薯仔同燴蘑菇，味道一流。如果想食啲清爽嘅，佢哋嘅「水牛芝士西班牙蕃茄沙律」都好出色。新鮮爽口嘅蕃茄配埋香濃嘅西班牙火腿同水牛芝士，開胃又夠惹味。最後記得唔好錯過佢哋嘅甜品！煙燻拖肥香蕉配餅乾雪糕同蜂蜜脆糖，香甜味美，為呢餐「肉類盛宴」完美收尾。
Smokehouse Bar & Grill
地址：旺角亞皆老街8號朗豪坊13樓05號舖
訂座電話：2972 0078
滙豐信用卡專享優惠
- 惠顧主餐牌消費滿港幣1,000元或以上（加一服務費前計算），即可獲贈精選意大利氣泡酒一瓶（價值港幣398元）
– 優惠只適用於堂食。
– 優惠另收加一服務費，並以原價計算。
– 優惠不可與其他折扣或優惠同時使用。
– 如有任何爭議，Smokehouse Bar & Grill 保留最終決定權。
優惠受條款及細則約束。
借定唔借？還得到先好借！
（Presented by HSBC）
