Switch遊戲
Switch遊戲

Switch遊戲2022|13大必玩推介 寶可夢傳說阿爾宙斯、魔物獵人、動物森友會

購物優惠

廣告

Switch遊戲2022|疫情嚴峻令唔少人減少外出並安在家中避疫,多咗好多時間可以喺屋企煲劇打機。今次就為大家介紹13款Switch遊戲推介,單機、多人協力遊戲都有,即使同朋友們分隔兩地,都可以一齊上網連線玩遊戲!即睇睇邊款啱你口味!

Switch遊戲2022|盤點13大必玩遊戲推介

1.《Splatoon》

Switch推出嘅《Splatoon 》系列掀起咗射擊遊戲熱潮,喺無限復活嘅場地中,以射出油漆「填色」作為武器同佔據地盤獲取勝利。預定2022年推出嘅《Splatoon 3》(漆彈大作戰3)絕對是Switch迷期待嘅大作之一!第3代,會加入可以阻礙賽果嘅新元素,例如可以使用弓箭或巨型螃蟹機械人等,睇嚟要用腦打機先得啦!而且遊戲首次中文化,大家唔洗再頭痛買英文或日文版,直接買中文版進行連線叫朋友一齊打!疫情下無得約岀嚟玩,可能靠打機都可以連繫友情㗎!

Switch遊戲 遊戲
(圖片來源:Nintendo 官網截圖)
Switch遊戲 遊戲
(圖片來源:Nintendo 官網截圖)

2.《薩爾達傳說:曠野之息2》

冒險遊戲《薩爾達傳說:曠野之息2》可以話係Switch迷期待到爆嘅一隻遊戲!原因喺《薩爾達傳說:曠野之息》初登場Switch後大受好評,遊戲內設定嘅開放世界(Open World)玩法,到而家都係唔少機迷嘅至愛,續集更有新元素!冒險嘅一切都由自己決定,去消滅魔物、狩獵野生動物、游泳、飛翔、攀石,喺廣闊無限嘅世界中享受自由自在嘅冒險!

Switch遊戲 遊戲
(圖片來源:任天堂日本網站截圖)
Switch遊戲 遊戲
(圖片來源:任天堂日本網站截圖)

3.《舞力全開》(Just Dance)

《Just Dance 舞力全開》全世界玩家超過1.35億,並且賣出超過7000萬套,《Just Dance 舞力全開 2021》仲為玩家提供咗更多跳舞方式,《舞力全開》系列已經推出咗好多年,每一版都可以令你玩到停唔到落嚟,遊戲方式極限上手,只需要跟住遊戲人物跳出相同嘅舞蹈動作就可以累積分數!多人遊玩時就好似有個新團體誕生,亦可能變成群魔亂舞,齋睇都會笑到肚痛。而《Just Dance 舞力全開2022》已經推出咗,收錄大量中文、英文及外語歌曲甚至連兒歌都有仲會不斷更新添,適合一家大細一齊跳!

Switch遊戲 遊戲 收錄大量中文、英文及外語歌曲甚至連兒歌都有仲會不斷更新添!
收錄大量中文、英文及外語歌曲甚至連兒歌都有仲會不斷更新添!(圖片來源:任天堂日本網站截圖)
Switch遊戲 遊戲 呢個遊戲有被稱之為「破壞友情遊戲系列」之一想知點解就要試吓啦!奸笑
呢個遊戲有被稱之為「破壞友情遊戲系列」之一想知點解就要試吓啦!奸笑(圖片來源:任天堂日本網站截圖)


4. Let’s Sing超級歌聲2022

人氣卡拉OK遊戲作品《Let’s Sing 2022》正式推出於:PlayStation 4、PlayStation 5、Xbox One X、Xbox Series X|S 及 Nintendo Switch等平台,遊戲歌曲包括35首流行熱門歌曲,當中不乏耳熟能詳的經典金曲,除了單人演唱模式外,更支援最多八名玩家同時演唱其他七種遊戲模式,安在家中都可以輕鬆唱K開聖誕Party。

Switch遊戲 遊戲
(圖片來源:遊戲廠商官網圖片)
Switch遊戲 遊戲
(圖片來源:遊戲廠商官網圖片)


5.《歐利歐利世界》

Private Division 與 Roll7宣布滑板動作平台遊戲《歐利歐利世界》數位版,已於Nintendo Switch、PlayStation 5 與 PlayStation 4、Xbox Series X|S、Xbox One 以及PC(Steam)平台上推出,玩家可以在《歐利歐利世界》中,在酷樂國度這個多彩多姿的活潑世界裡翻轉滑行,在前往極涅天堂的旅程中尋找神祕的滑板之神。

Switch遊戲 遊戲
(圖片來源:遊戲截圖)
Switch遊戲 遊戲
(圖片來源:遊戲截圖)

6.《寶可夢傳說 阿爾宙斯》(Pokémon Legends: Arceus)

《寶可夢傳說 阿爾宙斯》融合「動作」及「RPG」玩法,故事將以神奧地區為舞台,目標是製作出此地區的第一本寶可夢圖鑑,玩家需鍥而不捨捕捉、調查、研究這片土地上的各種寶可夢,並朝著完成寶可夢圖鑑為目標邁進,這些《寶可夢》系列特有的遊戲樂趣,將會在今集中以嶄新角度來呈現,令玩家更貼近感受到由寶可夢及人物角色間,所打造出來的世界。

Switch遊戲 遊戲
(圖片來源:產品由任天堂(香港)贊助提供)
Switch遊戲 遊戲
(圖片來源:產品由任天堂(香港)贊助提供)


7.《魔物獵人 崛起(Monster Hunter Rise)》

CAPCOM 旗下狩獵動作遊戲《魔物獵人 崛起》(Monster Hunter Rise)已經登陸 Steam 平台,而超大型擴充內容《魔物獵人 崛起:破曉(Monster Hunter Rise: Sunbreak)》也將於 2022 年夏季同時登陸 Nintendo Switch 和 Steam 平台,移植至 PC 平台的版本在保留了無拘無束、縱橫馳騁的狩獵體驗之餘,更支援 4K 解析度、高解析度紋理與高幀率模式,並可使用經改良的鍵盤及滑鼠操作,配合不同電腦配置的自定義設定,並對應語音聊天和超寬螢幕顯示,唯一可惜的是並不支援多平台遊玩與共享存檔。

Switch遊戲 遊戲
(圖片來源:遊戲截圖)

小編實測被解放的 FPS,在使用 Inte i9-11900K 搭配 RTX 3070Ti,在遊戲內效能選擇最高、4人狩獵的情況下,仍然能穩定保持 100 以上的 FPS,包含在群龍亂舞的「百龍夜行」模式也一樣,這一點還是可以看出 Capcom 有下了功夫,加上支援多平台手掣,玩起上來更加得手應手,此外PC版亦提供濾鏡功能,令玩家們可以有更特別的狩獵感受。

8.《集合啦!動物森友會》

呢個喺前幾波疫情之下大熱嘅遊戲《動物森友會》直到依家都仲係熱門遊戲之一!呢款遊戲可以畀大家發揮佢哋天馬行空嘅想像力去設計自己嘅小島,日常靠種樹、釣魚、捉蟲同賣大頭菜賺錢,將自己嘅小島切成心目中嘅夢幻島,治癒力強又有滿足感,加上可以連線同朋友一齊玩,即使疫情下無得岀嚟見,喺二次元空間見未分分鐘仲有趣好玩,仲安全避疫添!

Switch遊戲 遊戲
(圖片來源:任天堂日本網站截圖)
Switch遊戲 遊戲
(圖片來源:任天堂日本網站截圖)


9. 煮過頭系列Overcooked

Overcooked絕對係友情破壞遊戲嘅首選,甚至有人將遊戲稱為「友情毀滅廚房」及「分手廚房」,玩呢款遊戲要唔鬧交實在太難,根本就係訓練緊每個人嘅忍耐力,《Overcooked》可以畀4位玩家以一部主機進行面對面嘅合作或競賽挑戰模式,《Overcooked 2》重可以俾4位玩家透過網際網路進行合作或競賽,玩家需要控制遊戲角色,喺短時間盡快完成越多嘅訂單,從拎食材、切菜、烹調、裝盤、出菜、洗碗,全部一起協力完成,扎扎實實嘅就係默契大考驗,這時候就能清楚看出誰係豬隊友、誰係神隊友!

Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)
Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)

10. 胡鬧搬家Move Out

《胡鬧搬家》係一款以各種「無厘頭」搬運方式為主題嘅動作解謎遊戲,玩家將作為一名家具規劃與搬家嘅新人,喺Packmore小鎮嘅大街小巷裡面完成各種唔同嘅搬運工作,以成為搬家達人而努力,玩家可以獨立接洽工作,也可以跟最多3位朋友們組成一個4人小團隊,一齊合作突破唔同嘅難關,但唔好忘記合作先係最開心嘅事,雖然遊戲係可以一個人遊玩,但還是推薦最少兩人一齊玩比較適合,因為不少大型物件需要兩個人才能搬運,甚至喺有鬼魂嘅關卡入面,必須派一個人去負責打鬼魂,其他人負責搬運,整個過程腦洞大開,非常有趣笑料百出。

Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)
Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)


11. 任天堂明星大亂鬥特別版(Super Smash Bros. Ultimate)

格鬥遊戲一直畀人一種好男性化嘅感覺,但呢隻任天堂明星大亂鬥加入咗好多女生都會喜歡嘅超萌角色,例如:比卡超、胖丁及星之卡比等合共80位人物角色可供選擇,遊戲場地甚至多達100個以上,重有各種荒唐嘅道具助你逆轉取勝,每個角色都有佢嘅獨特攻擊方式,多人玩嗰陣有時會喺畫面搵唔到自己嘅角色,因為當有玩家被擊飛嘅時候成個畫面就會拉闊人物亦會隨之變細。

Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)
Switch遊戲 【Switch】超好玩 6隻友情破壞遊戲
【Switch】超好玩 6隻友情破壞遊戲(圖片來源:遊戲截圖)

12.《健身環大冒險》

唔知大家仲記唔記得任天堂推出嘅健身環Ring Fit 呢?佢曾經都喺疫情搶購列表上岀現過。事關人人喺屋企避疫,減少外出亦即係減少左做運動嘅機會,而《健身環大冒險》就係以唔同嘅健身動作打怪物過關打機之餘仲做埋運動添真係一舉兩得啦!

Switch遊戲 遊戲
(圖片來源:任天堂香港網站截圖)
Switch遊戲 遊戲
(圖片來源:任天堂香港網站截圖)

13.《Fitness Boxing 2》

講到Ring Fit類遊戲,又點可以唔提《Fitness Boxing 2》喺屋企做拳擊運動減肥,遊戲內有9位教練,有男友女同埋有唔同強項,玩家可以自己選擇鍛鍊模式同部位,遊戲收錄咗23首熱門同原創歌曲,邊玩邊聽歌gym room 嘅感覺返晒嚟!

Switch遊戲 遊戲
(圖片來源:任天堂日本網站截圖)
Switch遊戲 遊戲
(圖片來源:任天堂日本網站截圖)

https://www.youtube.com/watch?v=wyc2Y-LGWjQ

Switch 2002年推出嘅新遊戲有邊幾款?

Splatoon 3、薩爾達傳說:曠野之息2、Just Dance 舞力全開2022、Let’s Sing 2022、歐利歐利世界、寶可夢傳說 阿爾宙斯、魔物獵人 崛起

Switch邊一個遊戲喺疫情中成為大熱遊戲?

《動物森友會》和《健身環大冒險》

撰文:新Monday圖片來源:任天堂香港提供、遊戲截圖、任天堂日本網站截圖、任天堂香港網站截圖