傳MUJI $8揭蓋式啫喱筆停產！被呢款筆取代?! 網民大呼崩潰超不捨

MUJI揭蓋式啫喱筆傳停產！

最近有傳聞指MUJI揭蓋式啫喱筆將會停產，早前有網民於Threads發帖指現時難以買到該款筆，各分店都已冇貨，而官網只見黑色、藍色、藍黑色、紅色、橙色、綠色、青色全部都售罄，只剩粉紅同紫色有貨，亦未知會否再返貨。

傳被新系列取代！

其實 MUJI 早前已經推出外形相似的「按壓式順滑啫喱筆」，價錢與揭蓋款啫喱筆一樣同樣為$8/支，顏色選擇同順滑度都好接近。而今次揭蓋款被爆傳出停產消息，不少粉絲會被全面換成按壓系列。

港人高呼唔捨得！

消息一傳出，港人紛紛感到不捨：「呢款真係由細用到大」、「枝筆好好用」、「想買定幾枝放屋企」。雖然有人表示會順勢轉用新系列，不過更多人都話，揭蓋款寫落去嗰種感覺是無可替代，不只是一款筆，而是童年回憶，陪著港人成長！