MUJI新年購物指南！從居家收納到拜年造型增加「馬」年儀式感

Feb 6 2025

農曆新年就快到，係時候要準備迎接馬年啦！想新一年順順利利，好多人都會趁年前「斷捨離」，執靚間屋，再買返幾件新衫，由內到外煥然一新，精神爽利去逗利是，運氣都好啲！不過辦年貨、大掃除樣樣都咁花時間，點樣先可以輕鬆搞掂？無印良品MUJI就為大家準備好一站式嘅新年指南，由拜年穿搭、家居收納、全盒零食，到馬年限定嘅利是封同禮品都應有盡有，幫你輕鬆為新年做好準備，過一個充滿儀式感嘅農曆新年！

體面與舒適兼備！新年拜年穿搭

新年周圍去親戚朋友屋企拜年，想著得大方得體，但又唔想太拘束。MUJI嘅一系列簡約服飾就最適合不過，舒適得嚟又易於配襯，輕鬆打造新年好感度造型。

男士們可以選擇以「男裝有機棉混二重針織圓領套頭衫」（HK$188）作為內搭，雙層布料設計剪裁休閒，保暖又舒適。想增加層次感，可以外加一件「男裝易回收抓毛絨背心外套」，單一採用 100% PET 材質設計，便於回收再利用仲為冬日帶嚟一份溫暖感。下身配搭「男裝棉質洗水舒適長褲」，100% 全棉寬鬆版型，適合日常舒適穿搭！指定貨品於1月26日至3月1日期間更有八折優惠。

MUJI新年購物指南男裝有機棉混二重針織圓領套頭衫原價：HK$188（圖片來源：MUJI） — 男裝有機棉混二重針織圓領套頭衫
原價：HK$188
（圖片來源：MUJI）

MUJI新年購物指南男裝易回收抓毛絨背心外套原價：HK$158優惠期：即日至3月1日優惠價：八折（HK$127）（圖片來源：MUJI） — 男裝易回收抓毛絨背心外套
原價：HK$158
優惠期：即日至3月1日
優惠價：八折（HK$127）
（圖片來源：MUJI）

MUJI新年購物指南男裝棉質洗水舒適長褲原價：HK$158（圖片來源：MUJI） — 男裝棉質洗水舒適長褲
原價：HK$158
（圖片來源：MUJI）

女士們則推薦「女裝有機棉洗水平織長袖裇衫」（HK$188），採用經微磨毛處理嘅有機棉布料，觸感柔軟，簡約又百搭。下身可配上「女裝有機棉混牛仔A字裙」（HK$158），彈性適中嘅牛仔布料穿著感舒適，A字剪裁更能修飾身形，去拜年體面得來又舒適兼備！

MUJI新年購物指南女裝有機棉洗水平織長袖裇衫原價：HK$188優惠期：即日至3月1日優惠價：八折（HK$151）（圖片來源：MUJI） — 女裝有機棉洗水平織長袖裇衫
原價：HK$188
優惠期：即日至3月1日
優惠價：八折（HK$151）
（圖片來源：MUJI）

MUJI新年購物指南女裝有機棉混牛仔A字裙原價：HK$158（圖片來源：MUJI） — 女裝有機棉混牛仔A字裙
原價：HK$158
（圖片來源：MUJI）

告別雜亂！全方位家居收納整理術

所謂「年廿八，洗邋遢」，新年大掃除絕對唔少得！想屋企望落整齊企理，就要靠好用嘅收納用品。MUJI嘅儲物系列出名實用又美觀，可以幫你輕鬆整理家中每個角落。

客廳嘅細小雜物同小朋友玩具，可以用「聚酯棉麻儲物」（HK$28 – HK$108）系列。布料內面有塗層，可以緊密堆疊，而且附有蓋子，唔怕惹塵，唔用嗰陣又可以摺埋收藏，非常慳位。

MUJI新年購物指南聚酯棉麻儲物原價：HK$28 – HK$108（圖片來源：MUJI） — 聚酯棉麻儲物
原價：HK$28 – HK$108
（圖片來源：MUJI）

廚房或浴室等較潮濕嘅地方，就可以選用「PE儲物」（HK$12 – HK$65）系列。佢用柔軟嘅聚乙烯物料製成，防水耐冷，用途廣泛，加配專用蓋更可以層疊擺放。

MUJI新年購物指南 PE儲物原價：HK$12 – HK$65（圖片來源：MUJI） — PE儲物
原價：HK$12 – HK$65
（圖片來源：MUJI）

衣櫃整理方面，「PP儲物」（HK$65 – HK$258）系列就最幫到手。半透明設計可以輕易識別裡面嘅衣物，而且備有抽屜、揭蓋式等多種款式，可以自由組合，善用每一寸空間。另外，「不銹鋼手挽籃」（HK$78 – HK$258）亦係收納好幫手，不易生銹，將手柄收向內側就可以堆疊，擺放雜誌或毛巾都好適合。