Miniso $11最強神梳被瘋搶！門市火速斷貨網民激讚好用:髮縫消失

Dec 22 2025

最近小紅書瘋傳一把來自 MINISO 名創優品的「神奇髮梳」，起初因為外形獨特而被眾人討論，後來有用家實測之後大讚好用，留言一面倒洗版推介，瞬間變成「好物神梳」，多間分店仲被掃到近乎斷貨，想買都未必有。

蓬鬆髮頂+髮縫消失！

呢把髮梳最大賣點，就係梳面超窄，只有大約一隻手指闊，完全唔似一般髮梳，不少網民第一次見都話「以為係鞋刷或者牙刷」。其實是特登設計成窄齒及尖尾造型，主攻梳理髮縫，用嚟分界、整理髮線，可以令髮縫睇落冇咁實、不會出現「頭皮一條白界」咁尷尬，髮頂自然蓬鬆啲，髮量感up！

不少人大讚效果直追幾百蚊專業造型梳：「用過就回不去」。有人用完表示好易梳開打結頭髮，又可以順便輕輕按摩頭皮，髮絲梳完更貼服光澤。更吸引係價錢親民，折合大約 HK$11 左右，性價比勁高。

關鍵詞

圖片來源：小紅書@芝芝厚乳咸奶、小紅書@芝芝厚乳咸奶、小紅書@笙笙爱吃甜、小紅書@笙笙爱吃甜、《奇怪的搭檔》劇照