迪士尼網店｜香港迪士尼樂園網購平台正式上線！其中一系列開賣一日火速售罄即睇20大系列＋320款商品＋免運費詳情

Q: 迪士尼網店有咩買？

網店設多款公仔、T恤、手袋、手機殼、頭飾，共320款產品。 即按此睇詳情

Q: 迪士尼網店需要運費嗎？

只要購物滿港幣$800（淨交易額）可享免費送貨。 即按此睇詳情

Mar 4 2022

迪士尼網店｜為配合政府防疫措施，香港迪士尼樂園由2022年1月7日起暫時關閉，樂園希望可以喺4月20日重開。雖然無得入園玩，但香港迪士尼樂園推出「香港迪士尼樂園網上商店」，網店設多款公仔、T恤、手袋、手機殼、頭飾，連口罩仲有爆紅嘅肩膀毛公仔都有齊，並提供本地送貨服務及優惠，即睇有咩買先！

香港迪士尼樂園網購平台正式上線！
320款商品＋網購滿額免運費＋會員優惠

新網店推出，吸引唔少網民去朝聖，所以登陸網站前可能要等一等，不過記者等咗唔夠一分鐘就入到去，問題不大。

迪士尼網店迪士尼登陸網站前可能要等一等。 — 登陸網站前可能要等一等。（圖片來源：香港迪士尼官方網頁截圖）

20大系列任君選擇

進入網頁後，各位可以不同系列、類別、甚至價格範圍分類。相關商品有20大系列，只有點選自己想睇嘅內容進行篩選，就可以立即搵到自己想睇嘅商品喇。

$100以下入手貨品

市道唔好，想平平哋都買到迪士尼產品入手，無問題！記者喺價格範圍調整到$100以下，發現一共有50件商品，當中$49都可以買到最新Cherry Blossom系列小熊維尼嘅毛巾！仲有頭巾、畢業公仔、環保袋等……

迪士尼網店小甘 TSUM TSUM，港幣$69。 — 小甘 TSUM TSUM，港幣$69。（圖片來源：香港迪士尼官方網頁截圖）

「Cherry Blossom」系列

就官網所見，最新春日系列已經率先上線，打頭陣嘅「Cherry Blossom」系列，將小熊維尼同好朋友豬仔變成櫻花色毛公仔，可愛指數倍增啦！

迪士尼網店迪士尼本身已經係粉紅色嘅豬仔變成Cherry Blossom顏色更顯可愛！售價$219。 — 本身已經係粉紅色嘅豬仔變成Cherry Blossom顏色更顯可愛！售價$219。（圖片來源：香港迪士尼官方網頁截圖）

迪士尼網店迪士尼有豬仔又點少得小熊維尼呢，原來小熊維尼變成粉紅色都別具一番風味，售價為$239。 — 有豬仔又點少得小熊維尼呢，原來小熊維尼變成粉紅色都別具一番風味，售價為$239。（圖片來源：香港迪士尼官方網頁截圖）

迪士尼網店迪士尼至於鋼牙同大鼻呢兩隻變咗粉紅色嘅松鼠我，可以話係極具創意之作！售價為$349。 — 至於鋼牙同大鼻呢兩隻變咗粉紅色嘅松鼠我，可以話係極具創意之作！售價為$349。（圖片來源：香港迪士尼官方網頁截圖）

迪士尼網店迪士尼除咗公仔都有廚具用品，呢兩款印有小熊維尼同豬仔嘅茶杯套裝同茶壺，用嚟hightea就最啱啦！茶杯套裝售價為$209，茶壺售價$259。 — 除咗公仔都有廚具用品，呢兩款印有小熊維尼同豬仔嘅茶杯套裝同茶壺，用嚟hightea就最啱啦！茶杯套裝售價為$209，茶壺售價$259。（圖片來源：香港迪士尼官方網頁截圖）

迪士尼網店迪士尼依家不時都外出買嘢，呢個印咗鋼牙同大鼻嘅春日系列環保袋唔知有啱唔啱你用呢？售價為$89。 — 呢個印咗鋼牙同大鼻嘅春日系列環保袋唔知有啱唔啱你用呢？售價為$89。（圖片來源：香港迪士尼官方網頁截圖）

2022春日系列

入到網站，當然要睇睇最新嘅2022春日系列啦！當中包括「2022春日米奇與好友系列」、「2022春日Duffy 與好友系列」及「2022春日鋼牙奇奇與大鼻帝帝系列」。產品包括金章、筆記簿、口罩、毛公仔等等。梗有一款啱你帶返屋企。

迪士尼網店迪士尼今次嘅網購店，令記者發現有唔少有設計嘅服務同配件賣，平時實體店大多數都係公主裙，再唔係就白T恤印大角色嘅單調設計。春日米妮T恤，售價$199。 — 平時實體店大多數都係公主裙，再唔係就白T恤印大角色嘅單調設計。但今次網店嘅衣服設計非常精巧，春日米妮T恤，售價$199。（圖片來源：香港迪士尼官方網頁截圖）

迪士尼網店迪士尼疫情當前，相信米奇泡沫洗手液一定大受歡迎。售價$59 — 疫情當前，相信米奇泡沫洗手液一定大受歡迎。售價$59（圖片來源：香港迪士尼樂園官方網站截圖）

春日鋼牙奇奇與大鼻帝帝

迪士尼網店迪士尼呢一款春日系列嘅鋼牙零錢袋，所用嘅顏色非常之奪目喎！紅色幾時都係最搶眼！售價$119。（圖片來源：香港迪士尼樂園官方網站截圖 — 呢一款春日系列嘅鋼牙零錢袋，所用嘅顏色非常之奪目喎！紅色幾時都係最搶眼！售價$119。（圖片來源：香港迪士尼樂園官方網站截圖

迪士尼網店迪士尼在家避疫怕悶嘅話可以買呢一個DIY套裝，動動手解解悶！售價$399。 — 在家避疫怕悶嘅話可以買呢一個DIY套裝，動動手解解悶！售價$399。（圖片來源：香港迪士尼樂園官方網站截圖）

2022春日Duffy 與好友系列

就記者所見，暫時反應最熱烈應該係Duffy系列。產品包括口罩、購物袋、髮飾等等，但多款產品都顯示已售罄，想買嘅朋友仔要快手喇！

迪士尼網店迪士尼呢條裙買咗唔使淨係去迪士尼先着，我估任何場合都着得！春日StellaLou裙子，售價$439。 — 呢條裙買咗唔使淨係去迪士尼先着，任何場合都着得！春日StellaLou裙子，售價$439。（圖片來源：香港迪士尼官方網頁截圖）

迪士尼除咗服裝，呢隻棉花糖朱古力都係令記者喜出望外嘅商品！因為冇諗過迪士尼網店會賣零食！售價$49。 — 除咗服裝，呢隻棉花糖朱古力都係令記者喜出望外嘅商品！因為冇諗過迪士尼網店會賣零食！售價$49。（圖片來源：香港迪士尼樂園官方網站截圖）

迪士尼卡通口罩

香港迪士尼樂園獨家發售嘅一系列卡通口罩，終於登上網購平台！今次百分之百係迪士尼出產，所以口罩上嘅公仔印花一定有保證，超過10款口罩圖案亦提供成人及中童款選擇，當中包括米奇壓花口罩、跳跳虎壓花口罩、史迪仔壓花口罩、三眼仔壓花口罩等。1盒30個獨立袋裝，港幣$ 129。

肩膀毛公仔

網店另一樣必買推介，就係連過去擁超高人氣、樂園內長期斷貨嘅肩膀毛公仔都有得賣！網店款式非常齊全，包括有唐老鴨、鋼牙奇奇與大鼻帝帝、Duffy、胡迪、小叉、史迪仔、奇妙仙子等肩膀毛公仔都有，簡直是粉絲嘅福音呀！

迪士尼網店迪士尼一共有12款俾你慢慢揀左右膊頭各一隻都仲得！ — 一共有12款俾你慢慢揀左右膊頭各一隻都仲得！（圖片來源：香港迪士尼樂園官方網站截圖）

網購滿額免運費＋會員優惠

而網店會提供本地送貨服務及新優惠，只要購物滿港幣$800（淨交易額）可享免費送貨，而$800以下只需要加$50運費就可以送勻全香港。另外，「奇妙處處通」嘅會員買嘢仲會有折，折扣涵蓋大部份正價商品。會員記得喺結帳前先登入會員帳號，咁就可以順利享用優惠。最後購買滿$1000港幣(淨交易額)，將獲贈價值唔少於港幣$150嘅指定商品。