香港紅十字會推「掛住‧請留言」慈善活動 明星拍片幫你隔空傳遞心意！森美/麥美恩/江嘉敏/沈震軒/馬德鐘｜購物優惠情報
廣告
過去一年受疫情影響，大家都無咩機會同親戚朋友見面，掛住佢哋但又唔知點講好？新一年開始，係時候鼓起勇氣，話佢知你有將佢哋擺係心，一直好關心佢哋！不過要講出口，總會覺得唔好意思、唔知點表達，又或者驚唔夠特別？今次香港紅十字會嘅「掛住‧請留言」活動就幫到你喇！
撰文：新假期編輯部｜來源：香港紅十字會
香港紅十字會推「掛住‧請留言」活動
明星拍片幫你隔空傳遞心意！
今年香港紅十字會嘅「愛心相連大行動」特別推出「掛住‧請留言」活動，希望俾機會大家，無論咩情況下都可以繼續傳揚愛同關懷！只要購買「迪迪熊百變背囊」，填好入面嘅「掛住‧請留言」參加表格同寫低你想同掛住嘅人講嘅說話，就有機會成為幸運兒，由人氣嘉賓森美、麥美恩、江嘉敏、沈震軒同埋馬德鐘，親身讀出選中嘅留言仲會拍埋做片，有佢地代你讀出心聲，就又特別又唔洗怕醜啦！你嘅留言片段會連同大會送出嘅「迪迪熊百變背囊」一次過送俾你掛住嘅「佢」，係咪好吸引呢？
快啲睇下點玩啦：
活動日期：即日起至2021年1月15日
內容：於即日起至2021年1月15日期間，購買「迪迪熊百變背囊」，填妥隨附嘅參加表格並填寫留言，然後郵寄或電郵至香港紅十字會，就會可以參加活動。人氣嘉賓將選出20個留言並親自讀出同錄製成影片，幫您向摯愛送上關懷同問候。影片將連埋「迪迪熊百變背囊」送俾留言對象，為您喺疫情中傳遞別具心意嘅「愛與關懷」。
人氣嘉賓：森美、麥美恩、江嘉敏、沈震軒、馬德鐘
細則及條款:
- 每張表格只限參加一次。
- 於2021年1月15日前將填妥之表格郵寄或將表格頁照片電郵至香港紅十字會： 郵寄地址：香港西九龍海庭道19號9樓 傳訊及資源發展部 電郵: [email protected]
- 表格呈交日期以郵戳或電郵之日期及時間為準
- 參加者務必提供正確資料以用作日後聯絡或郵寄獎品之用。如因參加者提供錯誤資料而導致未能聯絡有關參加者及送贈對象，該參加者的得獎資格將被取消。
- 活動結果將於2021年1月公佈，參加者將會收到個別通知。
- 獎品（留言影片及「迪迪熊百變背囊」）將於2021月2月郵寄至得獎者提供之地址，並只限香港地區。
- 獎品為非賣品，不得轉讓、退換或兌換現金。
- 影片版權屬本會所有，參加者只可作個人紀錄而不得作任何商業用途或修改、翻譯、改編影片全部或部分內容。
- 香港紅十字會保留在「愛心相連大行動」之活動宣傳渠道，如Facebook專頁、網頁或印刷品發佈留言影片之權利。
- 如有任何爭議，香港紅十字會保留一切最終決定權。
