青衣方艙醫院隔離前必睇！盤點11大入營必備電子用品 Sim Card/ 風筒/ 蒸煮盒 附網購連結
青衣方艙醫院隔離前必睇！盤點11大入營入備電子用品
青衣方艙醫院每間房都有3張床，1家人嘅就可以同住於同1間房。1個人嘅話，同樣都獲得1間房。較早前入住人士表示青衣方艙醫院冇Wi-Fi提供，要靠自備wifi上網卡，另外房間係無電視提供，所以電視遊戲機可以唔使帶。而近日，社會各界包括社區人士、電訊公司同媒體等都有為營區進行支持及捐贈，可為入住人士每天提供免費報紙，正安排提供其他書刊雜誌，為接受隔離家庭嘅小童提供玩具。
盤點11大入營入備電子用品
營內已有基本生活用品，房內提供拖板 、枕頭被鋪、熱水壺、抬頭燈、牙膏牙擦有、罐頭、洗頭沖涼液、洗手液、餅乾、紙杯、紙碟、廁紙、抹手紙、紙包飲品、祝君好運毛巾。所以以上用品，大家可以自己決定是否需要自備。而今次記者就為大家盤點一啲入營必備嘅實用品，希望可以改善大家於營內嘅生活。另外，隔離用品建議用完一次即棄，當然貴重物品與手提電腦、手提遊戲機等……返到屋企需進行消毒處理。
1. 上網 Sim Card
雖然保安局提出會有5G網絡覆蓋，但未有確實提供服務嘅日子，入住嘅人士想上網暢通無阻，建議都係買返張上網Sim Card旁身。市面上有好多款上網Sim Card ，正所謂百貨應百客。有人會按流動數據量嚟買、有人就會選擇無限數據、亦有指定日子任用等等……價錢方面最平$35蚊有一張，貴嘅去到幾百蚊張都有。溫馨提示，由於無個電訊供應商嘅接收程度都唔同，最好買多幾張唔同電訊供應商嘅上網卡，咁就確保到自己一定有得上網啦！
豐澤：按此
2.智能拖板
青衣方艙醫院嘅隔離房間內已有拖把提供，按資料顯示每間房有3個拖把，每個拖把有6個三腳插頭。不過唔同人有唔同需要，有啲人可能要同時為手機、遊戲機、電腦等等充電，所以建議大家可多買一個拖板，有USB插頭嘅智能拖板就最方便。
網絡銷售點:
3.外置充電器（尿袋）
經常用電話嘅朋友，又唔想差住條叉電線周圍行，隨身攜帶個尿袋就方便啦！萬一間房突然停電，至少都仲有個尿袋可以充電。如果成日打機嘅話，就建議買個電量強啲嘅尿袋啦！
4.手提電腦／平板
隔離期間，除咗睇手機外，記者估計睇個大啲嘅螢幕，點都會令你對眼舒服啲嘅～ 再者上班一族可能需要處理公事，小朋友又可能要用zoom上堂，所以手提電腦或平板電腦係必須帶嘅～
5. 耳機
耳機方面，無論邊一種型號，只要你喺屋企隨手拎得到就可以啦！主要用途攞嚟聽歌、隔音，如果耳機有埋語音嘅功能，就更方便用家玩多人聯線遊戲、或唱歌Apps大展歌喉。
網絡銷售點:
HKTV Mall：按此
友和：按此
百老匯：按此
豐澤：按此
蘇寧：按此
6. Switch
由新冠肺炎疫情開始直到依家，Switch都係陪你大家抗疫嘅遊戲伙伴！單機、多人線上玩都有，你話解悶checklist 佢點可以唔佔一席位呢？
網絡銷售點:
HKTV Mall：按此
友和：按此
百老匯：按此
豐澤：按此
蘇寧：按此
7.電子書閱讀器
正所謂開卷有益，唔知大家仲有無睇書嘅習慣呢？而鍾意睇書嘅你又冇理由帶一本二本書去進行隔離。所以推介電子書閱讀器，一本電子書可以容納過百本書，相信21日隔離完之後分分鐘成套金庸套武俠小說你都可以睇得晒！
網絡銷售點:
8.熱水煲
有青衣方艙醫院隔離房間內有熱水煲提供，但只得一個。而且大家平時去旅行都唔太敢用酒店嘅水煲，更何況係方艙醫院。所以建議大家入營前自備多一個熱水煲，煮食、飲用都更放心。
網絡銷售點:
HKTV Mall：按此
友和：按此
百老匯：按此
豐澤：按此
蘇寧：按此
9.迷你抽濕機
3月至4月份開始天氣會潮濕，洗完衫要等乾，可能要靠迷你抽濕機幫幫手啦！都係嗰句啦幫得幾多得幾多，事關隔離營嘅小露台都未必可以幫到你晒好多衫。
網絡銷售點:
HKTV Mall：按此
友和：按此
百老匯：按此
豐澤：按此
10.迷你蒸煮盒
正所謂民以食為天，醫院提供嘅食物未必啱自己食，唔緊要，只要有迷你蒸煮盒，就可以煮自己帶去嘅罐頭食物，又或者有時工作人員送飯送遲咗，令飯餸凍咗，就可以整返熱啲食物啦！
網絡銷售點:
HKTV Mall：按此
友和：按此
百老匯：按此
豐澤：按此
11.風筒
有唔少已入住青衣方艙醫院嘅人士，都溫馨提示即將入院嘅市民記得帶風筒，因為醫院並無提供風筒，長頭髮嘅人士冇風筒嘅晚上就會好難捱，仲分分鐘會導致頭痛添！
青衣方艙醫院有冇Wi-Fi呢？
暫時沒有，需要自備上網卡。
若一家人說入住隔離，有咩解悶物品適合佢哋？
Switch
