【購物攻略】雅芳婷年度開倉全場貨品低至1折：$99必搶全棉床品！

Mar 13 2026

現代都市人工作壓力大，想瞓個好覺都並非一件容易嘅事情！不過擁有一套舒適嘅床上用品絕對係提升睡眠質素嘅關鍵！趁轉季換新床品，就唔可以錯過今次雅芳婷®年度開倉啦！全場床上用品、枕頭、被單等瘋狂勁減低至1折起，最平$99就買到返屋企！貨品種類同數量太多，心郁郁唔知點揀好？ 2個階段嘅開倉有咩分別？即刻用一文睇清所有優惠時間+必買筍貨購物清單啦！

激抵開倉第一彈！貨品低至1折起

即日起至3月22日，雅芳婷各式各樣嘅床品都將會有超值優惠！快啲睇吓有咩好推介！

「全棉潮系列」(1150針)（原價$410-$710）採用100%全棉製造，設有多款時尚花紋任你選擇，而家最平$99就可以入手，超值抵買！

【購物攻略】雅芳婷年度開倉全場貨品低至1折：99 （圖片來源：新假期） — （圖片來源：新假期）

想一次過換晒成套新床鋪？可以考慮「全棉精裝睡之錦囊®」（原價$1,180-$1,780)），而家$299起就已經包晒床笠連枕袋及連心®扣多用被袋，一個價錢就搞掂晒！連心®扣多用被袋內有襇棉，夏天仲可以直接當冷氣被使用！

追求更高質感嘅床品！則可選購「長絨棉基本裝睡之錦囊®」採用1300針長絨棉，觸感更軟滑，清貨價$399起（原價$1,600-$2,800)，一個價錢就有齊床笠連枕袋、連心®扣被袋同連心®夏被。

當然唔少得可愛嘅卡通床單啦！「全棉卡通床品」（原價$420-$770）及「活套卡通攬枕」(原價$280-$340）亦分別減到$169起及$99起，有多個卡通系列，粉絲們絕對唔可以錯過！

想追求極致睡眠享受，推薦採用2400針，號稱棉中極品嘅「高針長絨棉系列」（原價$2,800-$4,000)，質地光滑柔軟，而且更耐用舒適，現以2折發售！

轉季必備！多款枕頭、被類低至4折入手

點止得咁少呢！場內亦有唔同款式嘅枕頭及被類以震撼價發售中！

配備一個柔軟舒適嘅枕頭都好重要！「抗病毒珍珠枕」15吋只售 $150 / 2個，19吋只售 $190 / 2個 (原價$340-$420/2個)。

至於轉季必備嘅被類，有一年四季都啱晒用嘅「自潔免洗四季套被」(原價$1,580-$1,980)，夏被+秋被=冬被；啪鈕設計可隨時分拆組合，四季都啱用！現以4折發售！

同場仲有「自潔免洗連心®天使絨™被」、「抗病毒連心®半絲冬被」及「抗病毒連心®真絲羊毛冬被」等多款被類，全部都以低至4折發售！

嬰兒床品系列 3折起

除咗大人，嬰兒都需要升級睡眠體驗！「麵包超人嬰兒系列」低至 3折發售，採用優質全棉，手感柔軟、親膚舒適，為BB帶來更安心、更舒適嘅睡眠體驗。

激抵開倉Part 2預告！床褥低至1折起

雅芳婷嘅開倉優惠一浪接一浪，仲有第二彈㗎！由3月27日至4月7日，雅芳婷床褥及北歐人氣家品品牌Finlayson都將會齊齊登場啦！屆時多款床褥將會大減價，陳列床褥更低至1折，數量有限，售完即止！即刻揀選埋心水床褥先！

想升級家中嘅床褥，可以考慮「樂悅活脊彈簧床褥 (9“)」(原價$5,960-$6,360)，瘋狂勁減25折，折後只係$1,490起；「精準護脊床褥(5”/8”)」(原價$6,200-$10,200)亦減至3折，$1,860起就能入手到！偏硬舒脊嘅選擇仲有「舒逸床褥(8”)」(原價$4,900-$7,400)，現以$1,715起出售。