被Threads吹大咗化妝品！日本韓國爆款 藍色提亮液/李時安蜜粉

CEZANNE藍色提亮液​

今年在Threads上人氣爆燈、在日本藥妝店搶購一空的「CEZANNE藍色提亮液」，不少人爭相入手，一度賣斷貨！不少人大讚其輕盈質地和有效提亮，但亦有部分人反映使用後效果不佳，甚至容易出現卡紋或妝容發灰的問題。

建議用法是用指腹少量多次輕點於眼下、T區、嘴角等暗沉部位，拍開才能打造自然透亮妝感。膚色偏黃或自然健康膚色的朋友，更需細心斟酌用量，以免反效果。

d’Alba空姐噴霧​

d’Alba精華噴霧最近於IG爆紅，被稱為「空姐噴霧」，主打超保濕又持久，賣點上層是油，下層則是精華水，用之前要搖勻先噴。噴頭設計幾好，噴出嚟好細膩均勻，噴完唔會有油膩感，好快吸收，帶輕微滋潤感。整體來講的確有保濕效果，但就「吹大了」，續航力冇偏差，大約可撐一至兩個鐘。不過記者就覺得有好大陣香精味，不太好聞。

FIXX超微細長效定妝噴霧​

韓國人氣品牌So Natural FIXX定妝噴霧超多人大推，是好多到韓國旅客必買嘅手信。不過個人試用後覺得其噴出嚟嘅水霧唔夠幼細，定妝效果一般，加上質地偏厚唔夠清爽，用完有時會有浮粉情況。當然使用感覺好視乎每個人嘅膚質同使用方法，效果可能會唔同。

TIRTIR氣墊​

講到人氣氣墊，韓國品牌TIRTIR絕對榜上有名，近年於韓國、日本、台灣、香港的美妝排行榜上穩坐高位！上妝效果幾好，自然貼服，但就好易浮粉，用散粉定妝後，浮粉狀況就更明顯。

Keep in touch蜜粉​

《單身即地獄4》李時安於自己YouTube頻道大方透露她超強隱形毛孔秘密武器竟是Keep in Touch的礦物定妝蜜粉，因而一炮而紅！不過，這款蜜粉粉感比較重，妝感唔算自然，如果用太多仲會出現死白感，而且好易拎走粉底，使用時要小心掌握份量。

韓國vt微針精華

最近保養界吹起微針風潮，其中最受熱議就是韓國VT 微針精華，主打將專業微針科技融入日常護膚，做到可以每日喺屋企輕鬆用。不過呢款微針精華就唔係啱晒所有人，尤其敏感肌要小心。有用家分享話：「剛開始用真係見到明顯效果，但用咗一兩星期後，就開始有爆痘同敏感紅腫嘅問題。」所以用前最好先了解自己膚質，同做好測試。

日本QUALITY 1st面膜

日本人氣面膜品牌「QUALITY 1st」近年大熱，主打高濃度美容成分、超服貼同快速保養，短短1、2年就成為爆款。一包七片只係日幣約700，CP值超高，可以用足一星期。有用家讚佢保濕又抵用，但亦有人反映面膜紙比較厚，貼合度未夠理想，加上精華液偏黏、有時會起屑甚至引致粉刺，用前要留意自己膚質啦！

Too Cool For School臥蠶筆

韓國彩網Too Cool For School 臥蠶筆亦是人氣產品之一，有網民就指效果唔太合心意，主要問題係顯色唔明顯、容易掉粉同唔夠持久，甚至試色時已經有粉掉落，輕輕一抹就冇晒。不過亦有大讚出嚟係好清淡嘅日系眼妝 ，做日常妝就啱啱好～