MK妹街頭罵戰挑釁「求下你打我啦」 雙方當事人現身曝光來龍去脈

2名少女街頭上挑釁途人打架

有網民在Threads上分享相關影片，未幾已迅速被廣傳到多個社交平台和討論區。片中2名少女在香港街頭上與拍片者發生爭執，期間不斷挑釁拍片者打架「打我啦…」、「打我呀！」，其中身穿灰色外套的少女輕拍臉孔並挑釁「打呢度」，其身旁的黑色外套少女又火上加油說「求下你打我啦！」。此時，鏡頭外一把男聲說「一人少句啦」以試圖平息口角，但灰色外套女子駁斥：「咩一人少句啫！吓！」、「咁佢係咪係咁X呀」；惟馬上相信是拍片者的一把女聲加入爭執，反擊2名少女「MK妹已經末世架喇！你邊度嚟㗎？」，灰色外套女子隨即語窒片刻，但又再反駁「咁你呢！？吓？」，說畢就拿起香煙吸食。

口角之爭升級險變打鬥事件

眼見己方氣勢有所減弱，黑色外套少女又再出聲挑釁「唔好縮埋一舊啦，匿埋喺人哋度」，惟拍片者馬上反駁「我有匿喺人哋度咩」，更挑釁「你行前啲嘛咁夠膽」。受到挑釁，2名少女隨即踏前一步，情況瞬間升級互相叫囂挑戰「嚟啦！」、「打我呀！」、「X你老X」，站在雙方旁邊的多名男性朋友隨即介入試圖化解危機，影片就此結束。

少女的行為舉止成為焦點

不過，該2名少女的衣著打扮和行為舉止卻成為網民焦點，有人留言表示「原来MK妹仲未絕種」，亦有人笑指「呢啲真係要保育」。

笑指是值得保育的本土文化

有不少網民笑指是值得保育的本土文化，留言表示：「原来MK妹仲未絕種」、「呢d MK妹要保留返呀，直頭係文化產業呀」、「呢啲真係要保育」、「應該要列入可移動非物質文化遺產」、「呢d真係絕跡，要保護好」、「雖然有MK味，但其實2個都有D質素」、「凱婷有接班人」、「好似返左去90年代甘」。

批評兼嘲諷涉事少女

不過，有網民對於2名少女的言行感到不滿，留言嘲諷：「乜咁犯賤呀，求人打自己」、「真係不知所為，講粗言穢語前問下自己做唔到先」、「咁變態！有啲咁既嗜好！求人地打佢咁搞笑」、「好恐怖，食住支煙以為好型」、「香港仲有尼D人、真係影衰晒香港」、「講甘多都係得把口，又唔敢開拖，同以前d mk妹，你兩位小妹妹都係返屋企咬奶咀啦」。

拍片者現身解釋來龍去脈

事件發生隔日，疑為拍片者的當事人於上周六（26日）在網上解釋事件的來龍去脈。她透露，事發當日為上周五（25日），但雙方爭執卻可追溯到上周二（22日）的一件小事。事源當日2名MK妹在中環蘭桂坊撞到當事人，她「望咗眼對方」，2名MK妹馬上出言威嚇：「睥乜X嘢？！」，雙方隨即發生口角：「然後我就話『唔望得唔好出街』，佢就舉中指，之後我就話佢無文化」，雙方互相「嘈咗幾句，互鬧」，之後冷靜離開現場。其後到上周四，當事人又再在蘭桂坊遇到她們，「佢哋就企係遠處想影我大頭，但認錯人，影錯我個朋友」、「之後，佢哋兩條女就過嚟挑釁，又互鬧，然後佢哋就吹雞，叫咗三個男仔過嚟」，當事人憶述，對方一度用手推撞其朋友，「我哋就報警」，而影片是等待警察到場期間拍攝；她在文中狠斥2名MK妹「不停引人打交」，又指其中1名MK妹說過「仲話『髻都紮好，就係為咗打交』」，形容當時情況好混亂。

MK妹公開事件另一面真相

不過，當當事人透露事件來龍去脈後，疑為片中其中1名MK妹的朋友亦在網上公開事件的另一版本。MK妹朋友透露，拍片者是蘭桂坊一間酒吧的職員，上周二（22日）被拍片者無故推撞後，「我望返轉頭佢喺到鬧」；直至上周五（25日），她們去食晚餐時又見到拍片者，然而對方「無啦啦喺背後話佢哋臭雞」、「之後就出現咗佢惡意剪輯視頻內容」。MK妹朋友狠批：「條片內容佢剪咗，一開始佢話『我真係忍唔住打你』，但冇咗呢句」，又指控對方「衝前想打我嘅朋友（影片中少女）……所以先導致朋友做出視頻行為……」、「又話要吹雞」、「但冇人向佢舉住中指，唔會做埋啲無謂嘢」。