66歲前補習老師K Kwong認港鐵偷拍裙底 團隊發文稱「健康有挑戰」 網民反應兩極
港鐵大圍站扶手電梯10秒偷拍片段曝光
案情顯示，鄺士山於2024年2月14日在港鐵大圍站扶手電梯犯案，當時他與女事主一同乘搭上行扶手電梯前往3號月台。鄺士山站在事主的右後方，手持手機鏡頭對準事主裙底進行拍攝，但被事主當場發現。事主追問鄺士山是否正在拍攝時，鄺變得緊張並打算離開現場，其後被其他人截停。警方在鄺士山的手機中找出長達10秒的涉案片段，事主確認自己就是片中人。
鄺士山被捕後稱「唔知咩情況影低」不排除會判監禁
鄺士山被捕後在警誡下表示「唔知咩情況影低」，承認一項非法拍攝或觀察私密部位罪。辯方在法庭上為鄺士山求情，強調被告屬初犯且背景良好。署理主任裁判官鄭紀航決定先為鄺士山索取社會服務令及感化報告，但同時提醒他不排除會判處監禁。案件押後至12月1日判刑，鄺士山准以原有條件保釋。
K Kwong團隊發聲明稱健康出現挑戰
K Kwong團隊在11月17日晚上10時多，在社交平台發表聲明，感謝大眾一直以來的愛護和支持。聲明指出「近年K Kwong嘅健康出現咗啲挑戰，佢而家正專心接受治療，努力康復中」，並表示自2019年至今K Kwong已經很疲累，應該暫時寫不到文章。團隊成員Caca代表發聲，希望大眾給予K Kwong更多空間和時間安心休養，強調團隊會繼續全情投入為香港人服務。團隊完整如下：
【K Kwong現況及團隊承諾】
多謝大家一直以來對 K Kwong 嘅愛護和支持。
近年 K Kwong 嘅健康出現咗啲挑戰，佢而家正專心接受治療，努力康復中。 2019到今日阿sir已經好攰，應該暫時寫唔到文，有都係之前寫落嘅文。
我們明白大家都好擔心佢，K Kwong 本人亦非常感激每一位嘅鼓勵和關心。喺呢段時間，希望大家可以俾佢多啲空間和時間，等佢安心休養。
K Kwong 團隊會繼續全情投入，肩負起為香港人服務嘅責任。大家嘅支持係我哋前行嘅最大動力，我哋會一如以往咁堅持，用心做好每一份工作，回應大家嘅信任。
再次感謝大家無限包容同體諒
祝大家身體健康，生活愉快！
Caca 代筆敬上
網民反應兩極 有狠批「賴病避責」
貼文一出，網民留言區瞬間淪陷，負評洗版。有網民直斥「年紀夠成年三次了，陳同佳都比閣下更加有責任感，起碼佢冇賴病或者精神失常。錯都唔認，毫無悔意點包容呢？包容你等於鼓勵其他人做相同嘅嘢，顛倒是非黑白！」另有網民表示「估唔到你係咁，堅失望」、「有啲野係唔可以做，唔關顏色問題，更何況作為一個老師？」更有人嘲諷「支力到要偷拍真係第一次聽」、「健康問題就要影人裙底？」部分網民則冷靜表示「有無呢單野出現都好，自從開始帶貨後已經變質，仍然感謝疫情時為大家提供有用的生活智慧和化學資訊，至於犯左罪，就請負返應該既責任」。亦有人翻舊帳：「一早講咗，做自己專業（化學）既事就可以了，做埋其他愈做愈錯」。亦有人呼籲「俾佢時間反省同改過」。
