Edan疑激嬲姜糖被IKEA小編勁抽水　抵死內容吸逾3千人讚好：你覺得好好笑？

Aug 28 2023

近日Edan舉行個人演唱會，其中一個環節邀請到《全民造星2》B3的4位成員一起玩「自抽」上演「偶像補習班」，重提自己向姜濤舉中指、提醒好兄弟不要隨便開餐廳做生意，更拿姜濤和髮型師Lydia的緋聞開玩笑等。而扮姜濤在街頭學「姜糖」舉燈牌一幕似乎惹來姜濤粉絲「姜糖」不滿，紛紛留言狠批Edan將隊友「擺上檯」。Edan亦在台上自爆收到DM被質問：「你哋有冇收到咩DM啊？我有啊：『你覺得好好笑呀？』、『你諗唔到嘢表演呀？』」。抽成員水抽到姜糖都沉不住氣湧入Instagram留私訊，而IKEA小編亦被指極速抽水抽得超好！

IKEA小編疑勁抽Edan風波水　稱「兩大上弦鬧不和」

而一向被指抽水抽得快的IKEA小編今次也沒有令大家失望，今早出一個POST短短3小時已逾3,300個讚好，帖文中提到「IKEA兩大上弦傳不和，戰場由社交媒體爆出，疑因IKEA推出應援物一事所導致。網絡流傳其中一位上弦成員（鯊先生）於IG Story中發表言論，表示「人出應援物你又出，金仔都未出，都唔知佢靠咩」，矛頭疑直指另一位成員（猩爺）過火言論導致大量猩爺粉絲到鯊先生IG留言『你又憑咩呀』、『口又大眼又開』」。帖文中更以一句「小編表示好難做，未對外先對內，希望佢哋嘅粉絲們可以保持理性，到IKEA換領應援物默默支持偶像」作結。

網民：你覺得好好笑呀？諗唔到嘢寫呀？

帖文一出即笑爆全場，有網民留言指「你覺得好好笑呀？諗唔到嘢寫呀？Anywaysssss…..」、「thank you thank you thank you 感恩感恩感恩」、「只係粉絲爭拗嘅問題，猩爺同鯊先生一早講左關係好好！I love you and love you back!」、「『口又大眼又開』，呢啲簡直係鯊身攻擊喎！俾我就唔忍啦！鯊鯊我支持你㗎！」、「鯊姐去咗邊？冇出嚟平亂既？聽聞鯊姐辭職喎」。

Edan IG再親回應：感恩感恩

開演唱會後，Edan面對著不少私訊留言，其中部分留言更有人身攻擊，Edan亦張貼於IG Story，指「示範點樣用三句金句」回應網民。不過一眾網民又再次反擊，指「無雀安自己post？！？！係的話就真係又小家又低EQ，而家擺明同肥姜唔妥，擺明鬧肥姜啲粉絲喎！你叫肥姜點回應記者呀？」、「我係唔敢相信佢竟然會親自post呢啲，因為但凡一個正常藝人都唔會咁做，佢公司真係完全無公關的，由得啲藝人亂黎，我買定花生睇好戲」。