行IKEA驚見1家4口買外賣坐低開餐 帶埋電腦當自己屋企 網民：要幫你抹枱？
廣告
香港一間大型傢俬舖一向是港人熱愛蒲點之一，只因有冷氣、有食物之餘，亦有大量陳列的餐枱、睡床等，行到攰可以隨時坐下休息。不過，不時都會聽到有人在這間傢俬舖中遇到「奇景」，繼經常被外傭姐姐霸佔後，近日有網民影到竟然有一家大細帶齊外賣及電腦入內，當正自己屋企般施施然食飯煲劇打牙骹，完全漠視他人的目光，難怪被一眾網民直指「勁厚臉皮」！
一家4口買外賣傢俬舖開餐 食完撩牙兼慢慢涼冷氣
日前，有網民在社交平台上分享一張在傢俬舖所拍的照片，眾所周知這間傢俬舖內放滿不同類型的陳列傢俬供人參考，當中不乏餐桌、椅子等家品。惟網民當日卻拍攝到，有一家4口竟帶同大堆食物外賣、飲品等入內，並霸佔一張餐桌齊齊食飯。照片中的父母帶著一囝一囡，而囝囝更疑似飲飽食醉後施施然撩牙，一家大細嘆住免費冷氣打牙骹，認真「慳家」。
帶齊電腦放枱煲劇 一家大細當正自己屋企
除了帶同外賣入內食飯，照片中更可見囡囡眼前放置著一部手提電腦，有網民指可能是用作「電子奶嘴」，讓小朋友在外出吃飯時，可以因為眼前的動畫分心而避免喧鬧。惟這家人準備充足，大搖大擺地將公眾地方當正自己屋企，令一眾網民感到極度不滿，直指他們「勁厚臉皮」、「教壞啲囝囡」、「自己無屋企架咩」、「離晒大譜」，更建議傢俬舖應該更重視人們「騎劫傢俬」的問題，「食完唔通仲要幫佢抹枱？」
網民指未算最離譜：曾經見過有人做XX！
雖然這家人將傢俬舖當正自己屋企的行為令人髮指，但有網民就指其實都未算最離譜！大批網民指每次行這間傢俬舖時，總會看到形形色色的行為，例如有情侶扮試床「一齊瞓喺張床度對望」、「隻手好似有所動作」，亦有人指有學生在傢俬舖內的書房溫書，「咁嘈都計到數」、「真係當正自己屋企」。而最離譜的，竟是有網民曾經見過有人在傢俬舖內「做手工」，帶齊做手工的大量材料，放置在桌子上慢慢整，「絕對係免費工作室」、「如果係賣俾人就連冷氣費都慳返」。
圖片來源：Facebook@香港交通及突發事故報料區、TVB《愛回家之開心速遞》劇照、MOMOTV《一起來剪紙》截圖資料或影片來源：Facebook@香港交通及突發事故報料區
