00後青年指10後小學生「可悲」列2大生活習慣睇唔過眼

Feb 29 2024

以往不時都會看到有人爭論80後和90後的分別，直到近年00後及10後逐漸成長後，大家談論和關注的對象就換了一批人。不同年代的人相處總會出現大大小小的摩擦，有時因為成長環境不同，確實會難以理解彼此的生活模式。早前，一位00後港男在幫2010後的小朋友補習時，就觀察到現時的小朋友有2大令人痛心的生活習慣，令他發文同情香港的小學生「真係好可悲」，引起網民熱烈討論。

00後港男幫10後學生補習歎香港小朋友生活可悲

一位港男早前在討論區以「越幫啲10後補習，就越覺得啲小學生真係係好可悲」為題發文，直指現時小朋友的生活與以往已經大相徑庭。發文者表示自己是00後，近年幫2010年打後出生的小學生補習時，發現大部分人「細細個已經有自己一部電話」、「掛住玩電話都唔會去搵其他嘢玩」，因此他們的童年基本上只局限於電話內的世界，十分可悲。

列2大令人痛心習慣苦呻小朋友：只識睇垃圾

發文者指透過觀察，發現香港小朋友用電話「10個有9個都喺度睇抖音或者reels」、「抖音嗰啲15秒一條片，睇完就碌落去，呢個動作係咁重複」、「成個小學生涯有嘅娛樂就係睇抖音啲垃圾片」，又指以前的小朋友會以卡通片為共同話題，但現時的10後已再無睇卡通片的習慣。此外，他又指現時小朋友食的零食亦與以往有分別，「通常都係食大陸嗰隻魔芋爽」，揚言「食零食已經唔健康，仲要食大陸嘢」。

坦言是時代的錯網民反斥樓主「老屎忽」

眼見現時的小朋友不論娛樂還是零食都被內地文化承包，發文者就表示十分無奈，認為他們的生活十分可悲，又坦言「不過呢個都唔係佢哋嘅錯嚟，係時代嘅錯」。帖文引起大批網民熱議，有網民認同其看法，直指現時的小朋友「吸收既野完全係負健康」、「起碼90後細個仲會出街去下公園玩下跑下啦」、「睇抖音同reels真係零得著」、「好睇又唔係，睇完更呆滯」。不過，亦有網民唔撐發文者，反指「90後睇你00後都一樣」、「唔係時代既錯，只係你睇唔慣」。