馬浚偉晒冷個人歷史簿　14個頭銜「水蛇春咁長」　引網紅Matt Leung挑機

馬浚偉親解釋「晒頭銜」原因：我會繼續加上去

馬浚偉一晒冷14個頭銜，即被各方KOL「抽水」，而他不但沒有因此而動怒，反親解釋背後原因，指自己是為了保護大家而作出此舉動。他於社交平台上指「因過去在社交媒體上冒充我的假帳戶、以至近月有人聲稱我是某些假商會的會員企圖行騙，這些網上罪行，令我決定在一個多月前，將所有相關工作/公職/屬會資料寫在社交媒體的個人簡介上，以正視聽」。而他亦表示自己會繼續Update。

對於網上有人向他作出二次創作，馬浚偉指並非第一次發生於自己身上，亦不會因此而介意，反而覺得有趣。

馬浚偉宣布第二波優化計劃搵填詞人周禮茂加入

馬浚偉早前（1月9日）開始出任新城首席營運總監一職，於facebook分享：「各方好友，以後請多多指教！未來，請大家多多支持我們「MetroBroadcast 新城廣播有限公司」」昨日（22日）並宣布第二波優化計劃，搵嚟資深填詞人及廣播人Thomas周禮茂擔任「首席創作總監」。

facebook個人簡介力騷14個頭銜

有網民就發現原來馬浚偉出任新城首席營運總監一職的同日，原來更新了facebook的個人簡介，馬浚偉唔只係新城首席營運總監，仲有總共有成14項的頭銜：

「新城廣播有限公司-首席營運總監
康樂及文化事務署-劇場發展委員
香港藝術發展局委員-電影及媒體藝術小組主席/藝術教育及舞蹈藝術副主席
公民教育委員會委員
博愛醫院義工服務發展名譽顧問
HKCT香港專業進修學校及港專學院榮譽學科發展顧問
中國金雞百花電影節金雞海峽兩岸暨港澳青年短片季顧問
香港國際文化藝術促進會影視演藝委員會顧問
香港作曲家及填詞家協會(CASH)會員
香港電影導演會(HKFDG)會員
香港影業協會（MPIA）會員
華夏獅子會理事
香港汕頭社團總會會務顧問
中國戲劇家/電視藝術家協會會員」

網紅Matt Leung都抽水　18個頭銜超越馬浚偉

網紅Matt Leung都有出post抽水，po出18個頭銜如「康乐及文化事务署-健体金卞 恃有人、昋港人力资源有限公司-畢业学员(平安卡)、骏详邨 街坊冻肉买餸谷 群组菅理员、MakerVille Company Limited-演艺人羹涛“粉丝“」超越馬浚偉！唔少網民都留言大讚Matt哥「全部都有錯別字，但你全部都會睇得明，好犀利」「Matt哥真係好x有才華」，Matt哥仲話自己無打晒入去，覺得做人低調啲好！

網民：佢都未寫埋契妹名單

網民見到個個喺度諗頭銜，指自己「觀塘區居民」、「我係759阿信屋會員」、「麥當勞麥樂會會員」、「公共圖書館借書證持有人」等，又笑言馬浚偉好似將fb當成linkedin咁，「會員都寫？我都係冒險樂園會員」、「facebook定linkedin」、「佢有冇好朋友話俾佢知，show太多非必要嘅title，往往係自信不足，心虛，自卑又自大嘅表現嚟」、「馬x咁長」、「佢都未寫埋契妹名單」、「睇嚟馬浚偉唔係連登會員」、「第一次見人個title仲長過龍母」、「Yuu會員你唔寫埋」。不過都有網民讚馬浚偉其實真係幾勁，樣樣都玩吓！