港男搭飛機遇前座小童跳不停 遭撞到倒瀉滾水被燙傷 卻因1事反遭對方全家辱罵
小童在座位上跳不停 杯麵滾水倒瀉港男慘被燙傷
近日，就有港男在Facebook群組「HK Express 香港快運及旅行資訊關注組」發文指，飛行途中由於前座的小童在座位上不斷跳躍，令自己的手部慘被杯麵的滾水燙傷，事後需就醫治療。事主指控，意外發生後，小童母親不僅未道歉，更轉身以粗口辱罵他：「黐Ｘ線！」從事主上傳的短片可見，空姐曾拍肩嘗試調解，但該母親情緒激動，甚至繼續指罵事主及其家人。事主表示：「佢有冇病啊？對唔住都唔講聲，仲要用粗口鬧我！」另一段影片中，該母親更對後座喊「你收聲！」，事主解釋，對方當時正在辱罵他的母親，因此港男不解表示：「係咪有病，自己有錯鬧完我仲要鬧我阿媽。」
小童父親加入罵戰 全家圍攻事主
隨後，事主向《東張西望》透露，小童父親亦加入罵戰，在未了解情況下，從隔鄰座位站起來指責他：「我鬧咗佢個仔兩句，跟住佢阿媽就發晒癲，企喺度鬧我。呢啲人真係有問題。整親人唔道歉都算啦，仲要講晒粗口咁。佢老公仲好笑，乜都唔知就喺隔籬嗰行企起身鬧我。」事主批評，該家庭行為離譜，「整親人唔道歉都算，仲要講粗口」。又指出小童非常頑皮，在座位上不斷跳動令自己的電腦多次掉地上，就連自己的杯麵都因為小童的行為，令自己被滾水燙傷。
事主調位獲急救 網民籲報警
事後，機組人員將事主調至機艙最後一排座位，並為其燙傷的手部沖水及敷冰。事主上傳的照片顯示，其手部已包紮處理。網民紛紛留言建議他報警，並透過航空公司紀錄追究責任，但事主回應：「佢冇打我報唔到警」，認為現階段難以採取法律行動。
網民怒批家長無理
事件引發網民熱議，不少人批評家長縱容子女滋擾他人，且態度惡劣，呼籲航空公司加強規管機上秩序，避免同類事件發生：「嗱，我咩都唔要，我剩係要你試返俾杯麵滾水碌返就可以喇」、「少部份帶仔女去旅行啲父母為打咭自high個過程唔會理其他人幾難受」、「生仔要考牌」、「呢d真係冇仇報！應該反手滾埋去，一個老鼠屎累到其他家庭客」
港男2大舉動 被網民鬧埋一份！
不過在事件中，事主都被網民鬧埋一份，直指有2大問題「唔值得同情」：
批評事主被動應立即報警
在事件中，事主表示沒有報警，網民認為他應該要透過正式法律途徑追究責任，而非僅在網上發文，此舉屬「圍爐取暖」沒有太大的作用：「大家評理對件事對你有幫助？個個叫你報警，你就推三推四，話呢樣唔得果樣唔得，咁仲想大家點幫你？」、「其實你而家報警都得㗎喎，不如你拎起個勇氣去報警，我哋呢度幫你唔到」
網民認為證據要更完整
在網民中，事主上載了1張圖片以及3條影片，不過這幾條影片僅1秒長，因此網民表示未能清晰了解事件經過：「其實你係咪應該講述事件？ 每段片得嗰1秒..想定格睇你啲文字都搞唔到，完全 都唔知發生咩事。淨係知你受傷 ..前因後果又冇講， 好多嘢都係因果關係 ..唔係就咁叫人哋評理 就企喺你嗰邊」。不過事主表示想拍片不過遭機組人員阻止。
