2歲兒遊戲室疑被男童欺凌　港媽拍片再遭惡童母搶手機：唔打得唔好嚟

Jun 27 2023

「他們只是小孩而已」被不少家長作為小朋友搗蛋後的藉口，採取不作為、無可奈何的態度，大眾對此都略有微言，估不到現時竟有家長「進化」至出手反攻他人，為小朋友做錯事發爛護短。日前，一名港媽帶2歲兒到大角咀康文署轄下的兒童遊戲室「放電」，竟遇上另一名幼稚園男童動粗欺負自己的兒子及其他幼兒，港媽狠批男童母放任兒子掌摑及推其他幼兒落樓梯，在拍片質問惡童母時，反遭惡童母搶手機教訓：「小朋友唔俾人打得以後唔好嚟！」盛氣凌人，及後港媽致電該惡童就讀的幼稚園嘗試與惡童母交涉，再報警處理及驗傷，並已接受《東張西望》訪問，希望討回公道。

惡童母懶理幼稚園兒子惡霸行為　當著別人媽媽面仍出手摑其他幼兒

港媽在Facebook群組「我長於大角咀重生版」上載照片及影片，在帖子詳述事發經過。港媽似暗示惡童母為新移民，「而家啲人落嚟香港，係咪就可以打橫行？」港媽與朋友帶2歲兒到大角咀市政大廈6樓的兒童遊戲室，另一名年約5歲的學童，身穿一所位於大同新邨幼稚園的校服，為爭玩具欺負其他2至3歲的幼兒，但惡童母竟放任不管，「由得個仔一巴一巴打2-3歲嘅小朋友都當睇唔到，由得個仔推啲兩三歲嘅小朋友落樓梯又唔理，由得個仔打完啲小朋友一個又一個」，還盛氣凌人地反駁：「小朋友唔俾人打得以後唔好嚟，去啲有質素地方畀小朋友玩！」港媽又表示：「我有出聲鬧個小朋友，我話所有嘢都係可以一齊玩嘅，你唔俾佢玩唔緊要唔使打我個仔㗎？」

欺凌涉事惡母子當時打算搭𨋢離開 — 涉事惡母子當時打算搭𨋢離開（圖片來源：FB@我長於大角咀重生版）

惡母搶手機護短港媽混亂中手臂受傷

由其中一段短片可見，一對母子正準備搭𨋢離開，港媽趁機高聲質問對方：「你個仔咁大個，個小朋友得兩歲你都由得佢打……」此時，惡童母突然轉身急步走向港媽搶手機，混亂中雙方均高呼報警，估計是惡童母的聲音痛罵：「我畀你影我嘅咩？你知唔知禾（我）有笑匠拳（肖像權），你明唔明呀？」另一條短片則顯示惡母子在入𨋢之際，惡童回頭指罵港媽。同時，港媽亦上載了照片，顯示自己在被搶手機時混亂中手臂被撞瘀、刮傷，及兒子被惡童在遊戲室打傷嘴唇的傷口，兒子亦在回家後表示「姨姨打媽咪姨姨打媽咪，痛痛！」、「哥哥打我」。

欺凌港媽不忿兒子被打傷，高聲批評惡童母放任兒子不管，惡童母突轉身急步，及後出手搶港媽電話 — 港媽不忿兒子被打傷，高聲批評惡童母放任兒子不管，惡童母突轉身急步，及後出手搶港媽電話（圖片來源：FB@我長於大角咀重生版）

欺凌兒子被惡童在遊戲室打傷嘴唇的傷口 — 兒子被惡童在遊戲室打傷嘴唇的傷口（圖片來源：FB@我長於大角咀重生版）

港媽循不同途徑追究為兒子討回公道

及後港媽致電該惡童就讀的幼稚園，欲透過幼稚園與對方交涉，幼稚園跟進後回覆，「小朋友睇完短片就承認咗發生咗呢件事……強迫唔到佢哋道歉，如果對方唔願意道歉的話，就叫我最好報警處理」；港媽隨後未有再收到幼稚園回覆，於是報警兼到醫院驗傷，又接受了《東張西望》訪問，公開事件，希望提醒各家長防範同類事情，並為兒子討回公道。同時感謝街坊朋友一直支持。

欺凌港媽驗傷後，取得有醫生紙證明左手撞瘀 — 港媽驗傷後，取得醫生紙證明左手撞瘀（圖片來源：FB@我長於大角咀重生版）

網民勸籲港媽要報警：唔好怕麻煩要堅持

網民一面倒力撐港媽，「呢啲人，如果我同場見到，真係會幫口」、「下次可以直接報警」、「條𡃁仔唔係打一個，係掃場，咁多家長都唔一齊聲討條X婆？」；另有網民似乎在案發現場：「佢尋日都搶我個仔啲野玩！我地玩緊，佢走過來搶！我禁住唔俾佢搶，同佢講我地玩緊，……我有聽到一位媽咪大聲話佢，『唔得咪唔得，洗唔洗打人』，但我當時無留意發生咩事」。