中學生闖跑馬地行人隧道向露宿者潑可樂 網民震怒
廣告
不少行人隧道內都會住有露宿者，因此有慈善團體不時都會到訪不同行人隧道，派發所需的物資及日常用品。不過，並非所有人對露宿者都有著關愛之心，有人更會因為看到比自己弱小的人而做出不齒行為。日前，網上就瘋傳一條影片，片中可見有3男1女中學生在鄰近跑馬地馬場的行人隧道內，向正在休息的露宿者淋潑清水及可樂。影片引來大批網民不滿，不但留言批評中學生的行為可恥，更用學生熱愛的鼓勵說話嘲諷「呢啲就係搏盡無悔？」
網傳中學生亂玩影片 闖跑馬地隧道恰露宿者
不少行人隧道內都住有露宿者，在未能在香港地找到安樂窩的情況下，行人隧道是他們其中一個有瓦遮頭的容身之所。不過，露餐風宿之下自然無咩保障，有時就連基本的人身安全和尊嚴都難以擁有。日前，網上流傳一條中學生欺負露宿者的影片，片中可見有3男1女中學生在鄰近跑馬地馬場的行人隧道內，以可樂和清水等液體騷擾正在休息的露宿者。
向露宿者淋可樂+水 中招後頻頻驚呼
在網上流傳的影片中，可見3男1女先是闖入行人隧道，繼而用可樂和清水潑向露宿者，有露宿者「中招」後傳出驚呼聲，並且嘗試走避，惟幾位年輕人不但未有道歉，更不斷發出譏笑聲及大講粗言穢語。在他們騷擾露宿者後，一行人就快速跑往隧道的升降機內逃走，未有在意受影響露宿者的情況。
疑是赤柱1間中學學生 網民鬧爆：呢啲就係搏盡無悔？
據悉，影片由其中一名涉事學生上載至個人社交平台，其後被其他人瘋傳，亦有網民認出其中一名學生就讀赤柱一間中學的中四班。大批網民對片中4人的行為感到不滿，有網民同情受影響露宿者，直指「而家天寒地凍仲要俾人潑水」、「水都算，潑完可樂會痴立立」，又指「唔知潑落嚟係咩，其實真係會好驚」，加上露宿者未必有太多洗澡的機會，「無啦啦要忍受濕身同惹蟻」。亦有網民批評現時的中學生「無嘢搵嘢嚟玩」、「基本尊重都無」，更用年輕人熱愛的鼓勵說話嘲諷指「呢啲就係搏盡無悔？」
事主疑發文道歉 網民唔受落
影片瘋傳一段時間後，網上又流傳一張疑似是其中一名事主的限時動態截圖，當中道歉指「真係好對唔住，我已經知道錯」，又解釋指之所以要做出以上行為，全因「同露宿者之間發生咗啲爭執」、「用咗一個錯誤嘅方法」，最後更請求一眾網民「俾多次機會我」。不過，網民當然唔受落，更認為校方應該重視事件，只因「細個唔教幾時教」、「10幾歲就潑水，大個啲點算？」
關鍵詞
網絡熱話
圖片來源：討論區截圖、TVB《解決師》劇照
