荷里活廣場斬人林作開玩笑後拒道歉累裕美被鬧火都嚟：關我咩事

Jun 4 2023

早前鑽石山荷里活廣場的謀殺案， 2名女子無辜被39歲的白子男子襲擊。正當全城的市民都為受害者悲痛時，林作居然在網上抽水，引起不少公憤，甚至令網民發起去保監會投訴，事後林作刪走帖文，更於網上與女朋友裕美開直播，更被指「縮沙」！

荷里活兇案林作抽水後開直播拒道歉！

鑽石山荷里活廣場發生慘案後，自封為「香港抽水王」林作居然在Instagram上出文，放上自己與疑犯的後製圖，內文更寫上「本人放售荷李活廣場謀殺案疑犯同款波鞋一對。EU42 UK7.5 US8.5，9成新，$399，Nike裡面最輕盈系列，跑步一流，當年練拳常著。逃跑一流。」這個「抽水」引起全城公憤，網民發起去保監會投訴，事後林作亦很快刪Post。雖然大家都以為林作有悔意，但後來林作「澄清」這個是引起關注的新玩法：「之前有位高人告訴我，其實玩delete post係最高招。果然，連登仔係永遠都會中計。沒有你地，我唔會有今時今日的成就。連登男神，實至名歸。幫埋你地推」。

林作荷里活慘案發生後，林作居然出Post抽水。 — 荷里活慘案發生後，林作居然出Post抽水。（圖片來源：Instagram@Jolamchok)

裕美反擊網民：佢過份你哋唔好有反應咪得

後來林作在網上開直播帶貨，並現身回應，但直播開始時只見裕美出鏡。裕美一開直播時，網民已在直播下不停以粗口辱罵，令裕美不禁燥底「點解你哋無啲修養？你哋都唔係好人。唔好入嚟XX我，以為我好好恰？」更直指網民助長林作，「林作幾時唔過份，你咪中咗佢圈套囉，佢過份你哋唔好出聲有反應咪得。」而裕美更非常不忿指不明白為何會關連到自己。「佢還佢我還我，我有寫嘢咩？我緊係嬲啦，個個都係咁留言鬧埋我。」

林作事後林作開直播，一開頭由女友裕美出鏡，被網民狂插。 — 事後林作開直播，一開頭由女友裕美出鏡，被網民狂插。（圖片來源：FB@林作）

林作現身：你覺得呢個笑話唔好笑唔緊要，我冇咩補充

後來裕美指主角林作正在牆角「縮沙」，後來亦聲稱要「毆打」主角出場。林作出場時就已親身回應事件「你覺得呢個笑話唔好笑唔緊要，我冇咩補充。笑話同真正嗰件事係唔關事。」後來裕美再問林作「你係咪好驚？」林作重申「唔係」，只是沒有補充呀。「搞笑係用唔同嘅話題，絕對唔係寛恕緊呢件事，覺得呢件事冇問題。」而林作最後亦沒有道歉，只是跟網民指「要攻擊就攻擊我，唔好殃及無辜。」