荃灣Tesla衝入麵包舖 40年經驗司機親揭過程狂卸膊 網民：電車要收油？
廣告
適逢今日星期三為超市Aeon特賣日，不少人都會選擇在星期三衝去入貨，想不到連Tesla司機都衝埋一份！今日（16日）下午1時多，一架紅色Tesla去到海盛路交界懷疑失控，突撞入Aeon超市旁的麵包舖。而涉事司機親自解釋自己有40多年駕駛經驗，惟發表的言論卻震驚眾人。
紅色Tesla衝入荃灣麵包舖 司機：唔知點解部車自己加油
今（16日）下午一輛紅色Tesla撞入位於超市Aeon旁的麵包店，店舖支柱被撞歪，擋風玻璃碎裂，車頭損毀。Tesla私家車撞入的位置幸好未有波及顧客用餐的位置，惟有目擊者指當時有一名女生被壓住，在幾個人協助下被扶出，不過仍被壓傷腰部。
司機受訪稱有40年經驗：部車啱啱租
而涉事司機接受訪問時指自己有40年駕駛經驗，剛剛才租用這輛紅色Tesla。他重新形容一次事發經過，指「一路收掣，私家車衝過去，我收油，唔知點解會衝過去，部車自己加油。」
網民：40年副駕經驗咋嘛？
網民看完新聞感到擔心，不過主要不是擔心有沒有人受傷，而是「TesLun」又出動。有網民指「右腳踩電門，左腳踩迫力」、「我第一次開Tesla 都踏咗加油當是break。現在習慣哂one paddle driving，停車完全不需要踏break」、「40年假日司機呀，明明係收電門，收乜油」、「擁有40年油車經驗，大佬啊，嗰架電車嚟㗎」、「Teslun容易做」、「農曆七月呀，唔關你事嘅」、「句句都卸膊卸到盡，點搞」。
關鍵詞
網絡熱話
圖片來源：有線新聞截圖
