皇后山邨住戶曬床褥出街恐變床蝨放題 網民細看發現另一重點：好危險！
廣告
皇后山邨近來的話題不斷，繼反向代購、交通話題外，近日有網民在Facebook群組「粉嶺皇后山關注組」貼上一圖片，指「嘩⋯⋯係咪痴線㗎，皇后山皇澄樓，已通知管理處」，及後更有人指「疑似要曬床蝨，因而晾出窗」，隨時變床蝨放題。圖片曝光後，旋即惹來熱議，有人指「危險度極高，跌落樓有機會嚴重傷人」，不過亦有網民放大照片後發現另一真相，指「真係又臭又痕又危險」！
皇后山邨住戶晾床褥出窗惹床蝨放題疑雲 網民放大圖片再發現一細節
早前有網民於Facebook群組「粉嶺皇后山關注組」發帖文，指看到皇后山皇澄樓有一單位住戶把整張床褥晾出窗外，指「嘩⋯⋯係咪痴線㗎，皇后山皇澄樓，已通知管理處」。從圖片中可見，床褥上有一撻撻淺啡色的「千年漬」，令網民質疑如此曬床褥是因為「要曬走床蝨」，等同床蝨放題，有機會令床蝨走到樓下單位。
網民恐有床蝨被嘲笑：頂多咪有人瀨咗要曬乾！
不少網民看到照片和「質疑」後，紛紛留言嘲笑，指「我連曬被袋都驚太重唔安全，竟然有人曬床褥。Btw，曬床褥就話人曬床蝨，曬底褲又唔見你話曬陰蝨」、「似有人瞓覺瀨尿，要擺出窗外曬乾」、「可能小朋友尿床想吹乾張床褥咋，有蝨就丟咗佢啦，仲曬乜鬼」、「成張嘢黃晒一撻撻，好心就扔咗佢啦，睇見都覺得又臭又痕」、「有啲人會拎岀去曬走濕氣，當然曬乜乜都晤係無可能嘅」、「香港人點解咁大壓力？因為曬張床褥都要公審人或者畀人公審」、「張床褥遠睇一撻撻啡色又真係似床蝨漬，但你近睇就會覺得一係瀨咗，一係漏M」。
網民發現另一重點：呢個晾衫架根本唔夠力！
網民看到照片後，指先不論其是否有床蝨，但這個晾法極有問題，事關這種晾衣架的承托力根本不足以負擔一張床褥的重量，且沒有用其它輔助工具綁實，隨時床褥連晾衫架一拼跌落街，相當危險。網民指「個架要來曬衫，無咩力，隨時飛落街」、「放得唔好跌咗落街砸死人佢就大鑊喇」、「即係扣分加辣冇阻嚇性啦」、「呢條邨一啲都唔意外，真係咩都做得出，同啟德嗰邊一樣」、「香港真係搶咗好多人才，全部聚集呢條邨」。
圖片來源：香港房屋委員會網站、Facebook@粉嶺皇后山關注組、TVB《東張西望》
