有片｜中年漢買爭鮮嫌豉油太少 當場發難囂張講1句仲咁做 街坊群起鬧爆

中年漢買爭鮮嫌太少豉油

近日有網民在Threads上分享相關影片，據樓主引述「爭鮮」店員描述所指，起初一名戴白色Cap帽的中年漢前來購買外賣。爭鮮對於外賣附送豉油的份量有明確規定，但該男子嫌豉油太少，竟不經詢問便自行拿取多包豉油。店員見狀出言提醒，建議他可先詢問是否能多拿幾包，卻不料這一提醒觸發了男子的不滿情緒，事件由此開始升溫。片中見到該名戴白色Cap帽的中年漢不斷用粗言穢語鬧店員「我X你老X」、「我依家唔係嚟乞食呀X你老X」、「我無錢食飯咩依家」，引起在場食客注意，期間可以見到多名店員嘗試調停，惟中年漢仍然情緒激動地怒罵店員。

揚言用$500買下店內所有豉油

隨後，中年漢情緒突然失控，據店員表示，他當時掏出一張500元紙幣，揚言要買下店內所有豉油，甚至聲稱要拿千五包豉油也毫無問題。影片中可見，中年漢對店員大聲斥責，言詞激烈，甚至夾雜不雅言語，聲音之大令整間店都聽得一清二楚。雖然店員試圖保持冷靜與專業態度，但現場食客終於看不過眼，紛紛出言指責他，甚至有位身穿粉紅色衫的男子上前狠批他，要求他離開，其中一名女士更直斥其行為「影衰香港人、影衰男人」。在眾人一致的聲討下，中年漢最終敗走離開。

網民反應兩極

相關影片其後於網絡流傳，網民對此意見兩極，有人批評中年漢行為過激，亦有人認為店家應提供足夠調味料以避免爭端。

批評中年漢的無理取鬧行為

有不少網民批評中年漢的無理取鬧行為：「夠膽就去九記食吖嘛」、「以為自己有錢係大爺」、「貪埋小便宜」、「佢自己取係變偷竊罪，仲洗同佢講咁多道理」。

認為店家更變通避開爭執

亦有部份網民店家可以更變通避開爭執：「要多2，3包豉油咪比佢囉…下下都講咩規矩」、「一蚊包豉油既話扣除佢攞多果幾包，咪俾49X包佢，唔駛嘈」。

網民留言關注後續發展

有部份網民關注涉事中年漢是否真的支付$500「買晒所有豉油」：「最後佢有冇放低500蚊？」、「如果個店員真係收佢500，比晒d豉油佢，佢會唔會喊架」、「阿叔最後有冇買到啲豉油？」，而樓主事後回覆「無，放低都唔會有人要，太污糟了，X都唔要」。

讚揚街坊見義勇為

另外，有不少網民讚揚街坊見義勇為的行為：「做得好，香港人的獅子山精神」、「好耐無見咁多街坊一齊出聲幫店員」、「好勁啊，有位阿姨出嚟講話淨係識得恰女人」、「好彩班街坊有罵佢」、「所以見不平應該要出聲，事實係做錯，一有人出聲就有人聲援，而家太多無理嘅人，香港人真係忍夠喇！」