熟成牛肉飯店疑呃秤港男點120g牛肉上榜揭僅得50g 店方辯解再惹爭議

May 14 2025

近日一間標榜「慢煮熟成牛肉飯專門店」因份量問題掀起熱議。一名網民在餐廳內點了一份120克的「大盛」套餐，結果上菜後即場用磅秤量度，發現份量竟然不足一半，只有約50克，於網上發文批評，帖文隨即引發網民激烈討論，怒斥店家「呃秤」。店方解釋重量是以生肉熟成前計算，但此回應卻如火上加油，惹來更多負評。

餐牌份量：標示與實際落差大

涉事牛肉飯專門店有2間分店，據餐牌標示套餐最平$88起，包括90克牛肉、日本飯及醬汁，份量分為90克「並盛」、加$28升級120克「大盛」，以及加$48升級150克「特盛」。事主點了1份120克的「大盛」後，目測已覺得份量不足，上磅後更發現只有50克肉，隨即向店員反映；但即使店員補充份量後也僅得100克，「上磅仲離譜得50克肉，你哋同事話睇錯加返畀我，都係得100克」，其女友點的90克套餐同樣只有50克肉。事主怒批店家標準混亂，質疑廚房是否連磅都沒有，無法統一出餐重量，並表示若非自己帶磅出街，連補充肉的機會都沒有：

「定其實標準係50克？你哋廚房連個磅都無，點統一出餐重量？可能係我唔好彩，如果我無帶磅出街，我連加返少少肉嘅機會都無。」

呃秤一名網民在餐廳內點了一份120克的「大盛」套餐，結果上菜後即場用磅秤量度，發現份量竟然不足一半，只有約50克，於網上發文批評，帖文隨即引發網民激烈討論，怒斥店家「呃秤」。（圖片來源：Threads@tszyuen__kelvin） — 一名網民在餐廳內點了一份120克的「大盛」套餐，結果上菜後即場用磅秤量度，發現份量竟然不足一半，只有約50克，於網上發文批評，帖文隨即引發網民激烈討論，怒斥店家「呃秤」。（圖片來源：Threads@tszyuen__kelvin）

呃秤（圖片來源：Threads@tszyuen__kelvin） — （圖片來源：Threads@tszyuen__kelvin）

呃秤事主附上一段短片，可以見到牛肉連白飯也僅僅52克。（圖片來源：Threads@tszyuen__kelvin） — 事主附上一段短片，可以見到牛肉連白飯也僅僅52克。（圖片來源：Threads@tszyuen__kelvin）

店方解釋「熟成」反被鬧爆

帖文發佈後隨即銀禧網民熱烈討論，不少人留言狠批涉事店家「直頭犯法喎」、「呢間啲嘢係幾好食，但食過幾次都勁呃秤」、「咁樣已經可以報警處理」。其後涉事店家在帖文留言回應，餐牌上標示的重量是以生肉計算，牛肉經過多日熟成後，肉纖維會改變，水分流失導致重量減少，並表示理解顧客誤會，承諾盡快在餐牌上標明清楚重量說明。然而，這番解釋未能平息眾怒，反而引來網民更大反彈，不少人鬧爆：「你逐塊切左出嚟先熟成？根本存心呃消費者，不如一齊帶磅去試試佢」、「我去食飯梗係睇枱上面舊牛㗎啦，你不如話隻牛在生連骨計係有120g」、「好在你唔係賣蛋糕，如果唔係你攞兩磅麵粉去計，都唔知幾多人過嚟食先食得哂」。

店家再次致歉願賠償事主選擇咁樣做

隨後，店家在社交平台再次致歉，承認誤導顧客是大錯特錯，強調自己尚在起步階段，深知不足之處，希望得到顧客再次機會，並承諾加強培訓、改善餐牌字眼及確保產品質素和份量，亦願意退還事主當日餐費作為補償。然而，事主拒絕接受退款，表示「如果要賠不如賠返之前呃過嘅食客」，並透露自己帶磅出街原意是記錄營養素，並非針對餐廳，同時已向海關舉報事件。

呃秤（圖片來源：Threads@slowcow_beefbowl） — （圖片來源：Threads@slowcow_beefbowl）

網民反應兩極爭議不斷

批評餐廳份量不足及服務質素低劣，質疑誠信

網民對餐廳的份量問題及整體用餐體驗表達強烈不滿，認為店家「呃秤」且缺乏誠信。有人指出：「係咁講大話賴餐牌、賴新開，其實已經開咗年幾，即係呃足咁耐」，並感嘆：「有一部份香港人仲會留港消費，甚至唔介意出貴啲錢食好啲，你仲要過大家一棟，有冇感到羞愧」。此外，不少人分享負面用餐體驗，例如：「兜飯禿過茶餐廳啲碟頭飯，唔知呢度有冇50克？汁都冇多滴」、「早一個月食加飯錢轉咗醬油炒飯，啲飯切又切唔開、咬又咬唔爛，見隔離幾枱都係咁」、「啲飯凍到隔夜飯喺雪櫃拎出嚟咁、啲員工又冇禮貌」、「啲牛又薄又柴、個飯又硬，成兜野得個照燒汁味，食完仲要唔飽」。