港男大呻初戀老婆因1句要離婚：咁小事就放棄10年情　網民大鬧兼力數4宗罪

港男1句激走初戀老婆嗌離婚　分享日常要網民評理反被力數4宗罪：動口又動手 ！

該名港男於網上投稿指自己與老婆一齊了8年結婚，由中學開始一齊，現在結婚1年多。大家都是26/27歲，加埋差唔多一齊左10年，大家有共識唔要小朋友。他更指老婆是自己初戀，只細他半年，但一直都比較成熟，是一個好老婆，可以打理好家頭細務，更會體諒港男的「小脾氣」。而他年輕時不會待人接物圓滑處事，老婆也會包容他，教他應該要如何應對。

第1宗罪：自卑心作怪

後來因為由拍拖變成「柴米油鹽」，他表示「我讀乞食科出身，佢係專業人士。佢人工係我兩倍，佢從來冇介意過，唔介意租樓一人一半，唔介意要食茶記譚仔，都冇畀過說話我聽」，可是港男自己卻會有比較，「佢係一個寧願攞千幾蚊食一餐都唔會買名牌嘅人。見到佢為咗我去屈就，我會好自卑」。

第2宗罪：唔分擔家頭細務

其後，港男又指「我同佢份工工時都唔穩定，大家都要ot返夜，佢返工習慣帶飯會準備埋我嗰份」，加上老婆回家後更會打理家務，還會整水喉，連港男作為男人都十分佩服她。不過他指自己不是一個會做家務的人，而老婆有時亦會因此生氣而吵架，説他不做家務，但他表示其實「出到聲啲粗重嘢佢搞唔掂我會幫下手」。

第3宗罪：嗌交動口又動手

之後港男又表示其實老婆的脾氣也不太好，十分容易「忟」，但好處是自己很快會冷靜下來，亦不會大吵大鬧。他指自己就不會經常發脾氣，但「嬲起上嚟就會好火爆」，更説自己「嬲起上嚟都忍唔住郁手推佢」！不少網民看到這裡都已覺過份，但港男辯稱自己「嬲緊真係控制唔到，我只係推佢一兩下，冇推到佢跌落地受傷」。可是更過份的事還在後面，網民直指是比動手更過份的事。

第4宗罪：不信任的質疑

而導致老婆真的要走的原因則是港男眼中「好少事的日常家務吵架」，他指那天的吵架是因為「一啲家務嘅事嘈，但我工作壓力大，嗰排又係咁攞自己同佢比較，心理唔平衡佢升職加人工，於是我地就嘈起上嚟」。他直言當時忍不住鬧了她好多難聽的說話，「話佢日日係公司發姣先搏到升職加薪」。老婆聽到後沒有再出聲，更強忍著淚水，最後回房鎖門。而港男竟然沒有道歉，而是去了書房打機，「嗰晚佢喺房鎖門瞓，我喺書房訓」。

而第二日老婆就表示要分開冷靜下，她更直接搬出去住。後來有一晚老婆回家便説要離婚，港男當下表示十分錯愕，表示已「不斷同佢say sorry想挽留佢，我都係第一次做人老公，有好多事唔識做，但我之後一定會努力學好」。

網民集體大鬧：動口又動手，自卑又自大

網民看到這裡已十分生氣，直言這句説話的傷害力比動手更嚴重，「除咗唔相信老婆對婚姻的忠誠外，仲貶低咗佢嘅能力」、「你為咗贏、為咗你自己自尊心而去傷害佢，你當刻有冇諗過佢感受」、「由你細細個開始包容教導你，今次就係佢同你上最後一課」、「由你話佢發姣先升到職，就已經無彎轉了」、「輕描淡寫自己做得好過份嘅位」。不少網民直指由頭到尾都是港男自卑心作怪，「講真你都識講你老婆為咗你都唔介意食譚仔茶記 ，更加冇俾過說話你聽 ，咁你呢」、「你第一次做人老公，佢都係第一次做人老婆」，帖文下的留言一致大鬧港男更強烈希望老婆千萬不要心軟！

資料來源：IG@couple.murmur