港女北上深圳「抄家式」捉姦 當場斷正渣男包二奶 偷食二人組反應成焦點

港女北上深圳當場斷正男友偷食

女事主於周日（27日）在Threads上發帖並公開影片，片中見到女事主在餐廳內，走向渣男和二奶所在的桌邊，隨即出聲質問「好X開心呀你，係咪啊？！」，被當場斷正的渣男望著鏡頭目瞪口呆、不發一言；鏡頭轉向二奶，可見二奶顯得相當尷尬，港女再質問：「吓！係咪好Ｘ開心啊你？！」，渣男依然保持沉默，港女繼續斥責：「你無嘢講啦，係咪啊？！」鏡頭再度轉向二奶，二奶隨即以手遮面，此時港女怒罵：「呢隻狐狸精啊！」再拍向渣男：「呢個X街嚟㗎！」再向著二奶大聲質問：「你知唔知佢有老婆㗎！」此時二奶站起來表示：「有咩事出去講！」並出手撥開電話。

抄家式沒收渣男手機鎖匙

另一段影片見到，女事主隨後展開「抄家式」行動，命令渣男：「攞返鎖匙電話嚟！」，但他繼續坐在座位上不發一言，港女就隨即在他身上及隨身袋沒收手機和鎖匙，再走向二奶奪走其手機。港女轉身向渣男表示：「你以後唔使返嚟啦！」、「吓，咁X開心啊！估唔X到捉X到你啊！」，隨後把其中一部手機交給拍片的朋友。二奶此時突然快步離開，港女未有理會，繼續怒駡：「估唔到我捉X到你啊？有咩講啊你？」、「你仲有無嘢講啊？問你！」，惟渣男仍然保持沉默，港女越見憤怒：「溝條咁樣嘅女，好X靚女咩？吓？」，並出手推一推渣男，但他依然無動于衷。眼見渣男沒有任何辯解，港女轉頭問拍片者：「頭先係咪影到條女啊？」，影片就此結束。

事隔多日終對渣男死心 決定公開影片

女事主表示，事件發生於去年（2024年）11月22日，當日家中的Apple Watch突然彈出訊息，被她無意中見到一則深圳某高級餐廳的訂枱短訊，這才發現男友出軌，並在偷偷在深圳密會，怒髮衝冠的她馬上衝上深圳捉姦。不過，有網民問她為何事發幾個月才公開片段，她解釋「（渣男）尋晚開始已經冇返嚟，我對佢已經死心，所以都唔使顧佢面子放條片出嚟」，不禁感嘆：「點解一個男人衰起上嚟，可以咁賤格作啲故仔，呃你唔返屋企瞓，原來同另外一個女人上大陸開房食飯，仲要係去啲貴嘅地方。」她透露，自己和這名渣男沒有註冊，「但係一齊13年」，以為有著很深的感情，但原來「佢當我只不過係工人喺屋企湊狗，煮宵夜畀佢食做家務，鍾意就搞你，今次捉到正其實我真係會對呢個人徹底死心」，又狠批「仲以為佢溝條乜嘢女，原來係好Ｘ樣衰，成個阿嬸咁嘅，其實我自己都應該檢討吓，佢寧願對住個咁X醜樣嘅女人。」

網民支持港女果斷放手

支持港女果斷放手，讚賞其冷靜處理

不少網民為港女打氣，鼓勵她放下變心的男人，重新開始精彩人生。他們留言：「欣賞你夠冷靜！」「唉，算Ｘ數啦…呢啲男人唔要也罷！你靚多！」「變咗心嘅人放棄啦…你嘅人生，活得佢精彩，開心！」「他已經變晒質，放棄吧！分開大家都開心！」網民普遍認為港女的冷靜表現令人佩服，認為她應果斷放棄不忠的伴侶，有人更指出：「男人好就男人，唔好就難忍！無結婚仲好，唔使攪離婚手續！」

驚訝於斯文對質，質疑是否夠「轟動」

部分網民對港女在餐廳的斯文對質感到意外，認為其表現過於冷靜，未能引起更大轟動。他們表示：「捉小三捉到咁斯文，成間餐廳都冇人知，唔夠轟動，下次做好啲啦」，甚至建議「整定banner（橫額）去＋大聲公」。有網民推測因事件發生在內地，「因為係大陸，啲大陸人可能聽唔明」，故場面未有擴大。同時，有人批評疑似小三「氣定神閑」，懷疑其「話唔定以前都有做第三者經驗」，並認為港女「唔夠佢鬥」，應更強硬地大鬧。

爭議責任歸屬，部分質疑感情選擇

雖然多數網民支持港女，但亦有少數人將出軌責任歸咎於她，稱「個老婆係好，個男人就唔會出去偷食啦！」此說法隨即遭反駁，網民強調「錯在男人出軌，不應怪責女人」。此外，有人質疑港女13年未婚的感情選擇，認為「捉咩姦咁搞笑，同居女友啫，拍左13年拖，咩都厭啦！」「個男人點樣識你 就點樣識過二奶 更何況你地就冇註冊」，建議她「疊埋心水自己照顧自己，不需要為呢種男人流淚」，指其浪費時間於不值得的感情。